ESRA 2:1 - BIBEL JAMITA NA DENGGAN

¹ Bahat do sian tonga-tonga ni angka halak na tarbuang i na manadingkon Luat Babel lalu mulak tu Jerusalem dohot Juda, marsitopot kotana be. Mangolu di bagasan habuangan na di Babel noma angka keluarga ni halahi mamungka sian na hona angkat tusi dibaen Raja Nebukadnesar.

ESRA 2:1 ပူးပေါင်းရင်းမြစ်များ

2 RAJA-RAJA 25:11

Dung i dioban si Nebusaradan muse ma tu Babel angka jolma na tinggal di Jerusalem, i ma teba-teba ni halak na malo dohot angka halak na dung marbalik tu pihak ni Babel.

1 JUJUR TAON 9:1

Tarsurat do sude halak Israel mangihutkon horongna be. Tarsurat do i di bagasan Buku Raja-raja Ni Israel. Dioban do rayat ni Israel tu habuangan laho manguhumi halahi hara ni dosana.

1 JUJUR TAON 9:2

Na parjolo mulak sian halahi tu tano dohot kota ni halahi, i ma angka halak na bahat, angka malim, halak Levi dohot angka na markarejo di Bagas Ni Debata.

ESRA 1:11

Pungu ma sudena 5.400 mangkuk sere dohot perak dohot angka barang na asing. Dioban si Sesbasar ma i sudena di na marangkat ia dohot angka halak buangan na deba nari sian Babel tu Jerusalem.

ESRA 2:2

Angka na mamimpin halahi, i ma si Zerubabel, si Jesua, si Nehemia, si Seraya, si Reelaya, si Mordehai, si Bilsan, si Mispar, si Bigwai, si Rehum, dohot si Baana. On ma daftar ni Israel marsasaompu, dohot bahat ni halakna sian ganop horong na mulak sian habuangan:

ESRA 2:70

Hot ma maringanan di Jerusalem dohot di angka kota na humaliangna i angka malim, angka halak Levi dohot deba sian rayat i. Angka parende, angka panjago horbangan ni Bagas Ni Tuhan dohot angka parkarejo di Bagas Ni Tuhan dohot angka halak Israel na deba nari i, di angka kota ni ompuna be najolo ma halahi hot.

ESRA 5:8

Diarop roha torang di raja i, bahaso na dung kehe hami tu propinsi Juda na hami ida anggo Bagas Ni Tuhan, Debata Na Bolon i, hatiha dibangun ma mangulahi dohot angka batu na godang-godang dohot angka tembok na nilampisan dohot hayu. Manat situtu do dibaen panjama ni karejo i jana lancar do pardalanna.

ESRA 6:2

Tapi anggo catatan salaho tusi nada di Babel pardapotna, hape di kota Ahmeta na di Luat Media do. Di sada pustaha na margulung do catatan i disuratkon jana songon on ma hatana,

ESRA 8:35

Laing di na sadari i, sude do angka na mulak sian habuangan i pasahatkon haul situtungon tu Debata ni Israel. Dihaulkon halahi do 12 lombu jantan baen di sude Israel, 96 biri-biri jantan, dohot 77 anak ni biri-biri; tamba ni i muse 12 biri-biri sipakeon gabe haul hasesaan ni dosa ni halahi sandiri. Ditutung do sude pahan-pahanan i gabe haul tu Tuhan.

NEHEMIA 12:1

Angka on ma malim dohot halak Levi na mulak sian habuangan rap dohot si Zerubabel anak ni si Sealtiel dohot Malim Godang Jesua, si Seraya, si Jeremia, si Esra.

ESTER 1:1

Songon on ma na tarjadi di hatiha ni si Ahasweros, i ma si Ahasweros na mangarajai saratus dua pulu pitu luat, mamungka sian India lopus tu Etiopia.

ESTER 1:11

Disuru ia ma halahi maroban tu jolonia Ratu Wasti mamake jarunjung harajaon di ginjang ni uluna. Na jogi situtu antong ratu i, jana na giot patida-tidahon hajogionna i ma raja i tu angka na sangap-sangap dohot tu sude tamunia i.

ESTER 1:3

Di taon patoluhon mamarenta Raja Ahasweros, dibaen ma horja godang di sude na marpangkat dohot pagawenia. Ro do tu horja i tentara ni Persia dohot tentara ni Media, songon i muse angka gubernur maradu na mora-mora na sian propinsi.

ESTER 1:8

Nada dibatasi anggur di angka tamu i jana nada adong na dipaksa minum. Na dung dilehen raja i do parenta tu angka pangoloi di bagas godang i, anso dioloi halahi ganop tamu i marguru tu hagiotna be.

ESTER 8:9

Laing di na sadari i, i ma di tanggal dua pulu tolu, bulan Siwan, dipiohon si Mordehai ma angka sekretaris ni raja i jana diparentahon ia ma halahi mambaen surat tu angka gubernur, angka bupati maradu tu angka halak na godang na di propinsi na saratus dua pulu pitu i, mamungka sian India lopus tu Sudan. Dipambaeni ma surat i di bagasan kota dohot surat ni angka propinsi i be. Laing ditongos ia muse ma surat tu halak Jahudi di bagasan hata dohot surat Jahudi.

JESAYA 48:20

Kehe ma ho sian Babel, lojongi ma tu Kasdim baritahon ma mardongan jop ni roha. Baritahon ma sun tu dia: “Madung dipalua Tuhan Israel, naposoNia!”

JEREMIA 50:19

PaulahonKu noma halak Israel tu tano ni halahi. Panganon ni halahi ma suha ni tano na sian Dolok Karmel dohot tano Basan. Butongan ma halahi marhite suha ni tano na sian Luat Efraim dohot Gilead.

ANDUNG 1:3

Mardangol sun ma da halak Juda i, dipaksa halahi manadingkon tanona i jana gabe diparhatobani. Saonnari maringanan di tonga-tonga ni angka bangso noma halahi nada inganan na tumbuk baen parmianan di halahi. Dihobuk musu halahi jana nada margeldok be i.

ANDUNG 1:5

Marbungaran angka musuna hara ni na dung mangarajai ia. Tuhan mambaen ia humasusa, patunda ni bahatna dosania. Hona taban do halakna, jana dioban tu habuanganna di jolo ni musuna.

ANDUNG 4:22

Madung didalani Sion uhumanna hara ni angka dosa na nibaenna; saonnari nada be hami padiaron ni Tuhan jana nada be obanonNa tu bagasan habuangan. Tapi anggo ho ale Edom, uhuman ni Tuhan noma ho. Ungkapon noma angka dosamu.

ZEPANYA 2:7

Luat Topi Laut angkon gabe nampuna ni halak Juda na bolas luncat. Marmahan ma halahi disi jana modom di angka kota ni halak Askelon muda borngin; harana Tuhan, Debata ni halahi mamparate-atehon halahi jana pasuangkon halahi songon na salpu i.

BAENON NI ANGKA RASUL 23:34

Dung disise Gubernur i surat i, disapai ia ma si Paulus sanga halak dia ia. Jadi dung diboto ia na marasal sian Kilikia si Paulus,