ESRA 10:8 - BIBEL JAMITA NA DENGGAN

⁸ Sanga ise na so ro di bagasan tolu ari, disita ma sude sinadonganna jana diharuarkon ma halakna i sian masarakat. Diteken angka pamimpin ni rayat i do boa-boa i.

ESRA 10:8 ပူးပေါင်းရင်းမြစ်များ

ESRA 10:7

Dung i dipasar ma sada boa-boa tu sude Jerusalem dohot Juda tu sandok halak Israel na dung mulak sian habuangan i anso marlagut di Jerusalem.

ESRA 10:9

Dung tolu ari di tanggal dua pulu bulan sambilan, sude halaklahi na maringanan di tano Juda dohot Benyamin marroan ma tu Jerusalem jana marlagut di alaman ni Bagas Ni Tuhan. Ro ma udan na gogo situtu di hatiha i. Humitir ma sude halak hara ni ngalina ari i dohot hara ni pentingna parpunguan i.

ESRA 7:26

Ganop halak na so mangoloi angka Uhum Ni Debatami, sanga angka uhum ni harajaan, angkon manigor do mate hona uhum baenon, sanga dibuang, sanga dirampas sinadonganna i, sanga dipahurungkon.”

NEHEMIA 13:28

Anak ni Malim Godang Elyasib do si Joyada, tapi sada sian anak ni si Joyada gabe hela ni si Sanbalat na sian kota Bet-Horon i. Jadi hara ni i gabe huusir si Joyada sian Jerusalem.

NEHEMIA 13:3

Dung dibege halak Israel songon i, dipabali halahi ma sude halak sileban sian masarakat ni Israel.

HAMALIMON 27:28

Sada pe nada tola manggadis sanga manobusi mulak sanga aha na dung dilehen tu Tuhan, sanga na jolma pe i, pahan-pahanan sanga tano. Tuhan do nampuna i ro di salolotna.

MATEUS 18:17

Muda laing inda ditangihon ia sipaingot ni halahi i, paboa ma di tonga-tonga ni parlagutan. Muda laing inda ditangihon ia be sipaingot ni parlagutan i, etong hamu ma i songon halak na so mananda Tuhan. Sanga songon sada halak sitagi pajak.”

JOHANNES 16:2

Paruaron ni halahi ma hamu sian angka bagas paribadatan. Olo, na ro do hatihana, sanga ise na mamunu hamu, diambang ia na dung mangoloi Debata ma ia, hara ni na dung dibunu ia hamu.

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

JOHANNES 9:34

Dialusi halahi ma, “Himpal do ho halak pardosa mamungka sian ujung ni obukmu lopus tu palampak ni patmu sian hasosorangmu, giot ajaranmu ma he hami?” Dung i dipakaruar halahi ma ia sian bagas paribadatan i.

JOSUA 6:19

Sude barang-barang na sian perak, sere, tumbaga dohot bosi angkon paasingon do i di Tuhan. Angkon nioban sudena i tu bagasan inganan panyimpanan ni arta ni Tuhan.”

HAKIM-HAKIM 21:5

Dung i disihiri halahi ma di tonga-tonga ni angka marga ni Israel betak adong na so kehe marlagut mangadop tu Tuhan di Mispa na salpu i. (Madung marsumpa halahi di hatiha i, sanga ise na so manggohi pio-pio na tu Mispa angkon mate niuhuman.)

1 SAMUEL 11:7

Hara ni muruknia dibuat ia ma dua lombu lalu digotap-gotap ia marlobong-lobong. Dung i ditongoskon ia ma lobong-lobongna i tu sude tano Israel mardongan parenta songon on, “Sanga ise na so dohot marporang mangihutkon si Saul dohot si Samuel, gotap-gotapon ma lombuna laing songon on!” Mabiar ma bangso Israel betak na aha na giot baenon ni Tuhan, jadi rap dohot ma sude halak nada adong na so dohot.