ESRA 10:6 - BIBEL JAMITA NA DENGGAN

⁶ Dung disumpahon halahi, kehe ma si Esra sian jolo ni Bagas Ni Tuhan jana masuk ma ia tu bagas inganan ni si Johanan anak ni si Elyasib jana marborngin disi ma ia. Nada ra ia mangan sanga minum hara ni marsakna mamikirkon parbuatan ni angka halak buangan i.

ESRA 10:6 ပူးပေါင်းရင်းမြစ်များ

ESRA 10:1

Jadi taran na martangiang i si Esra lalu na tangis ia mangaku dosa di Bagas Ni Tuhan i, bahat sajo do halak Israel ro marlagut, halaklahi bope dadaboru dohot angka dakdanak. Dihuliangi halahi ma ia lalu tangis mangangguhi.

ESRA 10:7

Dung i dipasar ma sada boa-boa tu sude Jerusalem dohot Juda tu sandok halak Israel na dung mulak sian habuangan i anso marlagut di Jerusalem.

ESRA 9:4

Laing sai juguk ma au songon i lopus tu na pasahatkon haul andospotang. Dung i marroan ma halak mangarongomi au. Mabiar be ma halahi marningot ancaman ni Debata ni Israel maradopkon dosa ni angka jolma na dung mulak i sian habuangan i.

NEHEMIA 12:10

On ma parjojor ni tarombo ni Malim Godang Jesua: Jesua, Joyakim, Elyasib, Joyada,

NEHEMIA 12:22

Anggo daftar salaho tu angka kapala ripe ni halak Levi dohot ripe ni malim madung disuratkon i di hatiha ni angka Malim Godang na nipajojor dison: Elyasib, Joyada, Johanan dohot Juda. Madung sidung catatan i di na mamarenta si Darius gabe raja ni Persia.

NEHEMIA 13:28

Anak ni Malim Godang Elyasib do si Joyada, tapi sada sian anak ni si Joyada gabe hela ni si Sanbalat na sian kota Bet-Horon i. Jadi hara ni i gabe huusir si Joyada sian Jerusalem.

NEHEMIA 13:5

Dilehen si Elyasib tu si Tobia sada kamar na godang. Anggo satutuna nian sipakeon na mardohonan do kamar i, i ma panyimpanan ni haul gandum, hamonyan, angka alat-alat sipakeon di Bagas Ni Tuhan, haul na di malim, parsampuluan ni gandum, anggur, miak zetun sibagi-bagihononkon tu angka halak Levi, angka parmusik dohot sijago horbangan ni Bagas Ni Tuhan.

NEHEMIA 3:1

Jana markobas ma Malim Godang Elyasib dohot angka malim, hahaangginia. Dibangun halahi ma muse Pintu Horbangan Biri-biri, mamasang angka pintuna dohot manghapunjungkonsa di Tuhan. Dipadenggan halahi ma tembok i jana dihapunjungkon lopus tu Palas-palas Saratus dohot tu Palas-palas Hananeel.

JOB 23:12

Sai na huhaburjuhon do mangoloi angka parenta ni Debata, huihutkon do hagiotNia, nada nioloan giot-giotniba.

MASMUR 102:4

Hona pukul ate-atengku songon duhut na hiang, nada lalu au be mangan.

HARURUAR 34:28

Disi ma si Musa rap dohot Tuhan opat pulu ari opat pulu borngin honokna, nada mangan nada minum jana disuratkon ia ma di batu i sude hata ni parjanjian i, i ma Parenta Na Sampulu ni Debata.

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

DANIEL 9:3

Dung i huadopkon ma bohingku tu Tuhan Debata lalu martangiang mangido huhut marpuaso. Jana mamake baju siluluton jana juguk di ginjang ni abuan.

PANGARATAION 9:18

Dung i manungkap au sanoli nari di jolo ni Tuhan di puncut ni dolok i opat pulu ari opat pulu borngin lolotna, nada mangan nada minum. Hubaen pe songon i hara ni na dung mardosa do hamu maradopkon Tuhan jana muruk Ia dibaen hamu.