ESRA 10:5 - BIBEL JAMITA NA DENGGAN

⁵ Jadi dipungka si Esra ma mambaen tindakan. Disuru ia ma angka malim-malim kapala ni angka halak Levi dohot angka halak Israel na deba nari anso marsumpa paboa na giot patuluson ni halahi ma usul ni si Sekanya i.

ESRA 10:5 ပူးပေါင်းရင်းမြစ်များ

ESRA 10:3

Tole ma marsumpa hita tu Debata, bahaso na giot paorotonta sude dadaboru i rap dohot angka dakdanak ni halahi i. Ihutkononnami noma sude sipaingotmu dohot angka sipaingot ni angka halak na asing na pasangapkon parenta ni Debata. Oloannami noma Tona Ni Debata.

NEHEMIA 10:29

Hami sude pasadahon dirinami dohot angka pamimpinnami jana hami sumpahon anso mangolu hami mangihutkon Uhum Ni Debata na nilehenna i marhite si Musa, naposoNa i. Sai diburai Debata ma hami muda nada hami patulus parjanjian on. Hami sumpahon ma na giot oloannami sandok parenta, uhum dohot paraturan ni Tuhan, Debatanami.

NEHEMIA 13:25

Hugorahon antong halahi jana huburai. Adong do na hubalbali jana hujangging obukna i, dung i husuru ma halahi marsumpa mangasahon goar ni Debata songon on: “Na so jadi lehenonmunu borumunu tu anak ni halahi, jana na so jadi alaponmunu boru ni halahi bahen dadaborumunu, sanga bahen dadaboru ni anakmunu sandiri!”

NEHEMIA 5:12

Dialusi angka pamimpin i ma, “Ihutkononnami ma sipaingot i. Paulahonnami ma sudena jana nada tuntutonnami garar ni sanga aha sian halahi.” Jadi hupiohon ma angka malim i, jana husuru angka pamimpin sinangkin marsumpa di jolo ni angka malim i paboa na tutu situtu patuluson ni halahi sanga aha na nidok ni halahi i.

PODA 1:5

Marhite angka poda on, mur martamba do parbinotoan ni halak na bisuk, jana halak na pistar pe gabe dapotan panogu-noguon.

PODA 15:23

Denggan ma da sude hata na dipajojor topet di hatihana!

PODA 27:9

Miak na huskus dohot na muap-uap pasonang roha; hadengganan ni dongan marmual sian roha.

PODA 9:9

Muda dipaingot ho halak na marroha, mur marbisuk muse ma ia. Jana muda halak na burju mangoloi Debata diajari ho, mur martamba ma parbinotoannia.

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”