ESRA 10:4 - BIBEL JAMITA NA DENGGAN

⁴ Angkon ho noma na martindak. Hami urupi ma ho di sasudena. Tegas ma baen lopus beres.”

ESRA 10:4 ပူးပေါင်းရင်းမြစ်များ

1 JUJUR TAON 22:16

na mardomu tu sere, perak, tumbaga dohot bosi. Antong, manigor ma pungka karejo i! Sai diurupi Tuhan ma ho da amang!”

1 JUJUR TAON 22:19

Jadi, ulang so oloanmunu Tuhan Debatamunu i sian sude roha dohot gogomunu. Pungka hamu ma pajongjong bagas di Debata, anso dipamasuk tusi Poti Parjanjian ni Tuhan dohot sandok parkokas na asing i na nipake di bagasan na mandalankon ibadat.”

1 JUJUR TAON 28:10

Angkon botoonmu do na dung ditodo Tuhan ho laho pajongjongkon bagas na gabe hapunjungan ni Tuhan. Antong, saonnari situtui ma laho patuluskon i.”

1 JUJUR TAON 28:20

Dung salpu i didok Raja Daud ma muse tu si Salomo anakna i, “Ulang ho mabiar, pos ma rohamu. Pungka ma karejo i jana ulang ho gamang sanga na maradopkon aha pe. Urupan ni Tuhan Debata na husomba i do ho. Nada tadingkononNia ho. Sai na dongananNia do ho lopus sidung dibaen ho sude karejo i.

1 JUJUR TAON 28:21

Anggo parbagi ni karejo di Bagas Ni Debata madung sidung i ditontuhon sian tonga-tonga ni angka malim dohot halak Levi. Di bagasan jop ni roha do angka parkarejo na malo-malo di jurusanna be laho mangurupi ho, jana mangoloi do tu parentamu angka pamimpin rap dohot sandok rayat i.”

ESRA 10:5

Jadi dipungka si Esra ma mambaen tindakan. Disuru ia ma angka malim-malim kapala ni angka halak Levi dohot angka halak Israel na deba nari anso marsumpa paboa na giot patuluson ni halahi ma usul ni si Sekanya i.

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

MARKUS 13:34

Tarsongon sada halak na kehe tu na dao maninggalkon bagasna do pangalaho ni i. Dipasahat ia ma tu angka naposonia laho mangurus bagasnia. Dipasahat ma karejona be. Tu sijago pintu ditonahon ia hian do anso tangkas ia na manjagoi i.

IBRANI 10:24

Jana marsipamanatan ma hita sama hita anso tarbaen hita marsiparinggasan patupahon angka na denggan dohot patuduhon holong marsihaholongan.