ESRA 10:3 - BIBEL JAMITA NA DENGGAN

³ Tole ma marsumpa hita tu Debata, bahaso na giot paorotonta sude dadaboru i rap dohot angka dakdanak ni halahi i. Ihutkononnami noma sude sipaingotmu dohot angka sipaingot ni angka halak na asing na pasangapkon parenta ni Debata. Oloannami noma Tona Ni Debata.

ESRA 10:3 ပူးပေါင်းရင်းမြစ်များ

2 RAJA-RAJA 11:17

Disuru Malim Joyada ma Raja Joas dohot rayat mambaen parjanjian dohot Tuhan paboa na gabe halak ni Tuhan halahi; disuru ia muse ma raja i mambaen parjanjian dohot rayat.

2 JUJUR TAON 29:10

Saonnari au giot mambaen parjanjian dohot Tuhan, Debata ni Israel, anso ulang muruk be Ia tu hita.

2 JUJUR TAON 30:12

Di Juda pe markarejo do Debata jana dipasada Ia do roha ni rayat i anso marsitutu mangoloi hagiot ni Debata marhite na mangihutkon parenta ni raja i dohot angka pagawena i.

2 JUJUR TAON 34:21

“Kehe ma hamu marsapa tu Tuhan salaho tu au dohot salaho tu bangso i na tinggal dope di Israel dohot Juda. Tangkasi hamu ma salaho tu pangajaran na di buku on. Madung muruk Tuhan tu hita hara ni na so diihutkon angka ompunta hata ni Tuhan jana nada dipatulus halahi na didok di buku on angkon sipatuluson.”

2 JUJUR TAON 34:27

jana hara ni i gabe manyosal jana dipatoruk ho rohamu di jolongKu. Disibakkon ho pakeanmu jana mangandungi ho hara ni marsakmu di na nibegemu ancaman na Hudok laho manguhum Jerusalem dohot halak na maringanan disi. Madung Hutangihon tangiangmi

ESRA 10:11

Antong, oku hamu ma dosamunu tu Tuhan, Debata na nisomba ni angka ompunta i, jana patulus hamu ma sanga aha na pasonang rohaNia. Mandao ma hamu sian halak na asing na maringanan di luatta on jana paorot hamu ma angka dadaborumunu na sian bangso na asing i.”

ESRA 10:44

Sudena halahi na dung mambuat boru ni bangso na asing do. Jadi gabe disirangkon halahi ma angka ripena i jana dipaorot rap dohot angka dakdanak ni halahi.

ESRA 10:9

Dung tolu ari di tanggal dua pulu bulan sambilan, sude halaklahi na maringanan di tano Juda dohot Benyamin marroan ma tu Jerusalem jana marlagut di alaman ni Bagas Ni Tuhan. Ro ma udan na gogo situtu di hatiha i. Humitir ma sude halak hara ni ngalina ari i dohot hara ni pentingna parpunguan i.

ESRA 9:4

Laing sai juguk ma au songon i lopus tu na pasahatkon haul andospotang. Dung i marroan ma halak mangarongomi au. Mabiar be ma halahi marningot ancaman ni Debata ni Israel maradopkon dosa ni angka jolma na dung mulak i sian habuangan i.

NEHEMIA 10:1

Na parjolo manekenna, i ma Gubernur Nehemia anak ni si Hakalya. Dung i diihutkon si Zedekia. Dung i ihutma angka halak na mangihut on jojor muse maneken:

NEHEMIA 8:14

Dapot halahi ma bahaso na adong do di bagasan Uhum na nilehen ni Tuhan i tu si Musa, na disuru ni Tuhan halak Israel maringanan di bagasan undung-undung darurat salolot Pesta Undung-undung Bulung Rata.

NEHEMIA 9:38

Marharoroan sian sasude na masa i, mambaen parjanjian ma hami rayat Israel, parjanjian na togu jana tarsurat, dicap angka pamimpinnami, angka halak Levi dohot angka malimnami.

MASMUR 119:120

Humitir do au hara ni na mabiar mida Ho, panyogiton do au maradopkon haputusanMu.

MASMUR 119:59

Madung hutimbangi pangalahongku, jana marjanji giot oloanku paraturanMu.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

JEHESKIEL 9:4

Didok Tuhan ma tusia: “Mardalan ma ho sian tonga-tonga ni kota Jerusalem, jana suratkon ma hurup T di ganop bohi ni halak na marsak dohot na susa hara ni sude parbuatan sihagigian na dibaen di kota on.”

PANGARATAION 29:12

Sadari on marlagut do hamu sude dison laho mamudun janji na giot baenon ni Tuhan Debatamunu dohot hamu songon i muse laho manjagit angka na patut sikarejohononmunu.

JOSUA 9:6

Songon i ma halahi kehe tu parbandaran na di Gilgal jana didok halahi ma tu si Josua dohot tu angka halak Israel, “Sian luat sihadaoan do hami ro jana na giot mambaen parjanjian do hami dohot hamu.”