ESRA 10:1 - BIBEL JAMITA NA DENGGAN

¹ Jadi taran na martangiang i si Esra lalu na tangis ia mangaku dosa di Bagas Ni Tuhan i, bahat sajo do halak Israel ro marlagut, halaklahi bope dadaboru dohot angka dakdanak. Dihuliangi halahi ma ia lalu tangis mangangguhi.

ESRA 10:1 ပူးပေါင်းရင်းမြစ်များ

1 RAJA-RAJA 9:3

Didokkon Tuhan ma tu si Salomo, “Madung Hubege tangiangmu, jana rap dohot on Hupatangkas ma, bahaso bagas na dung nipajongjongmon gabe inganan na mardohonan ma on salolot-lolotna muda giot manyomba Au. Huparate-atehon jana Hujagohon pe inganan on.

2 JUJUR TAON 20:13

Jadi laing marjongjongan ma sude angka halaklahi ni Juda i rap dohot angka dadaboruna maradu angka dakdanak ni halahi di jolo ni Bagas Ni Debata i.

2 JUJUR TAON 20:9

muda hona uhum halahi hara ni angka dosa ni halahi, jana didondoni porang halahi, nyae masa, sanga haleon potir, bolas do halahi ro jana jongjong di jolo ni bagas paribadatan on. Di bagasan ni hasusaanna i, bolas do halahi martangiang tu Ho jana sai na tangihonon jana urupanMu do halahi.

ESRA 10:6

Dung disumpahon halahi, kehe ma si Esra sian jolo ni Bagas Ni Tuhan jana masuk ma ia tu bagas inganan ni si Johanan anak ni si Elyasib jana marborngin disi ma ia. Nada ra ia mangan sanga minum hara ni marsakna mamikirkon parbuatan ni angka halak buangan i.

NEHEMIA 1:4

Umbege barita i, juguk ma au jana tangis. Sanga na piga ari lolotna sai tangis au. Torus do au puaso lalu martangiang tu Debata,

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

NEHEMIA 10:28

Hami rayat ni Israel, angka malim, angka halak Levi, angka panjago horbangan ni Bagas Ni Tuhan, angka parmusik dohot angka parkarejo di Bagas Ni Tuhan, maradu dadaboru dohot angka dakdanaknami na dung impas godang mangastui dohot sude halak na marpangoloion tu Uhum Ni Debata jana na dung manyirang dirina sian halak na asing na maringanan di luat on.

NEHEMIA 8:9

Umbege Uhum na disise i, gok ma roha ni rayat i lalu martangisan halahi. Jadi gabe didok Gubernur Nehemia ma dohot Malim Esra Ahli Uhum i, maradu angka halak Levi na patorangkon Uhum i tu sude rayat i songon on, “Ari hapunjungan do ari sadari on di Tuhan Debatamu, jadi ulang hamu marsak sanga tangis.

MASMUR 119:136

Mabaor ilungku songon batang aek, hara ni TonaMu na so dipatulus.

MASMUR 32:5

Jadi gabe huoku dosangku tu Ho, nada adong hubunihon hasalaanku tu Ho. Diputuskon rohangku do mangoku i tu Ho, gabe diampuni Ho sude dosangku tu Ho.

JEREMIA 13:17

Muda nada ringkot rohamu manangihonsa, tangis ma au di sihabunian. Di bagasan pangkilalaan na hancit ginjang ni rohamu hutangisi. Marabur ma ilu ni matangku hara ni na hona taban bangso ni Tuhan gabe halak buangan.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

DANIEL 9:20

Hupatorus do na martangiang i dohot na mangoku dosangku dohot dosa ni bangsongku Israel jana mangido tu Tuhan Debatangku anso dipasuang Ia nian bagasNia i.

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

ZAKARIA 12:10

Dung i lehenonKu ma tondi na sai marhagiot mangampuni dohot na marhagiot martangiang tu pomparan ni si Daud dohot tu halak na maringanan di Jerusalem. Tatapon ni halahi ma na nitiham ni halahi jana andungan ni halahi ma i songon pangandungi ni anak sasada. Lungun noma pangandung ni halahi, songon dia na agoan anak siangkaan.

MATEUS 3:6

Dioku halahi ma angka dosa ni halahi, gabe dididihon si Johannes ma halahi di Batang aek Jordan i.

LUKAS 19:41

Dung mur donok Jesus tu Jerusalem, diligi Ia ma kota i, tangis ma Ia marnidasa.

BAENON NI ANGKA RASUL 10:30

Dialusi si Kornelius ma, “Tolu ari na salpu, laing tarsongon on ma hatiha i pukul tolu arian, martangiang do au di bagaskon. Na so huambang-ambang ro ma sada bayo jongjong di jolongku. Marlinang noma idaon baju ni bayo i.

BAENON NI ANGKA RASUL 21:5

Tapi dung dapot hatihana sai honok hami disi, hami tadingkon ma halahi, hami patorus ma pardalanannami. Sude ma halahi pataru hami, na menek na magodang, ama dohot ina lopus tu ruar ni kota i. Di topi ni laut i marsinggang ma hami martangiang disi.

SURAT NI SI PAULUS TU PARLAGUTAN ROM 9:2

Marsak sajo do au jana magopu ate-atengku

PANGARATAION 31:12

Suru ma marlagut sude halaklahi, dadaboru dohot dakdanak, dohot halak sileban na maringanan di hutamunu laho manangihon anso marsiajar halahi pasangapkon Tuhan Debatamunu, dohot manghaburjuhon mangoloi angka pangajaranNia.

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.

JOSUA 8:35

Pasada-sada sude parenta ni si Musa na tarsurat di bagasan Buku Tona Ni Tuhan i disise si Josua tu sandok halak na marlagut disi, dohot ma disi angka dadaboru, angka dakdanak, dohot angka halak sileban na tinggal di tonga-tonga ni halak Israel.