ESRA 1:8 - BIBEL JAMITA NA DENGGAN

⁸ Dipasahat si Kores ma angka barang-barang i tu si Mitredat, kapala bendahara ni harajaan i. Dung i dibaen si Mitredat ma daftar ni angka barang-barang i anso adong di si Sesbasar, gubernur ni Juda.

ESRA 1:8 ပူးပေါင်းရင်းမြစ်များ

ESRA 1:11

Pungu ma sudena 5.400 mangkuk sere dohot perak dohot angka barang na asing. Dioban si Sesbasar ma i sudena di na marangkat ia dohot angka halak buangan na deba nari sian Babel tu Jerusalem.

ESRA 2:2

Angka na mamimpin halahi, i ma si Zerubabel, si Jesua, si Nehemia, si Seraya, si Reelaya, si Mordehai, si Bilsan, si Mispar, si Bigwai, si Rehum, dohot si Baana. On ma daftar ni Israel marsasaompu, dohot bahat ni halakna sian ganop horong na mulak sian habuangan:

ESRA 5:14

Salangkan angka parkokas sere dohot perak na dipake di bagasan Bagas Ni Tuhan i, jana i ma na dibuat ni si Nebukadnesar sian Jerusalem lalu dipamasuk ia tu bagasan kuil na di Babel. Dipasahat Raja Kores do angka parkokas i tu bayo na margoar si Sesbasar, i ma na niangkatnia gabe gubernur di Juda.

ESRA 5:16

Jadi ro ma si Sesbasar tu Jerusalem jana dipayakkon ia ma pondasi ni Bagas Ni Tuhan i. Mamungka sian hatiha i, torus ma mardalan pambangunan i lopus saonnari, tapi laing so marnasidung dope.’

ESRA 5:2

Umbege tona ni panurirang na dua i, manigor dipungka si Zerubabel anak ni si Sealtiel ma dohot si Josua anak ni si Zosadak mangulahi mambangun Bagas Ni Tuhan na di Jerusalem, diurupi panurirang sidua halak i.

JEREMIA 51:44

Bel, debata ni tano Babel, giot uhumonKu. Giot baenonKu paulahonnia sanga aha na nirampasnia. Nada be sombaon ni angka bangso ia. Madung marumpak angka tembok ni Babel.

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

HAGAI 1:14

Jadi disungguli Tuhan ma tondi ni si Zerubabel, anak ni si Sealtiel pangarajai ni Juda dohot tondi ni Malim Godang Josua, anak ni si Josadak maradu sude tondi ni bangso i, gabe marroan ma halahi mangaradoti karejo di bagas ni Tuhan Na Markuaso, Debata ni halahi i.