ESRA 1:6 - BIBEL JAMITA NA DENGGAN

⁶ Dohot do sude hombar bagas ni halahi mambantu marhite na mangalehen barang-barang, angka parkokas perak rupani, sere, balanjo di dalan, binatang boban, angka harto na asing dohot angka sihaulkonon di Bagas Ni Tuhan.

ESRA 1:6 ပူးပေါင်းရင်းမြစ်များ

1 JUJUR TAON 29:9

Sian na nionjar ni rohana diparleheni jolma i ma tu Tuhan jana jop do roha ni halahi hara ni na dung bahat dihaulkon halahi. Raja Daud pe, i noma jop ni rohania.

ESRA 1:4

Ampot adong sian bangsoNia di inganan habuangan on na mamorluhon bantuan anso tarbaensa mulak, angkon lehenon ni angka hombar bagasna do bantuan i. Angkon lehenon ni halahi do tusia perak dohot sere, balanjo di dalan maradu pahan-pahanan sibobanan songon i muse angka sihaulkonon baen tu Bagas Ni Tuhan di Jerusalem.”

ESRA 8:33

Dung di ari paopatkon kehe ma hami tu Bagas Ni Tuhan, hami timbang ma perak, sere dohot angka parkokas i. Dung i hami pasahat ma i tu Malim Meremot anak ni si Uria, disaksihon si Eleasar anak ni si Pinehas dohot dua halak Levi, i ma si Josabad anak ni si Josua dohot si Noadiah anak ni si Binui.

NEHEMIA 6:9

Na mancubo mambiar-biari hami ma halahi anso hami antak karejo i. Martangiang ma au, “Ale Debatangku, pargogoi ma au!”

MASMUR 106:46

Disosoi Ho roha ni sude alona, gabe maribo roha paida-idasa.

MASMUR 110:3

Di ari haroromu mardongan kuaso maju ma rayatmu sian na nionjar ni rohana mardongan habadiaan. Songon ombun manyogot-nyogot marroan angka doli-doli mandapotkon ho.

HARURUAR 12:35

Dipatulus halahi do songon na nidok ni si Musa; dipangido halahi do barang sere, perak dohot pakean sian halak Mesir i.

HARURUAR 12:36

Gabe mardenggan ni roha do halak Mesir i mida halak Israel dibaen Tuhan. Dilehen halahi do sanga aha na nipangido ni halak Israel. Songon i ma pardalanna gabe dioban halak Israel sinadongan ni halak Mesir i haruar sian luat i.

JESAYA 35:3

Pargogoi ma tangan na gale, patogu ma dugul na hitir-hitir.

2 KORINTUS 9:7

Angkon marguru tu na nionjar ni rohana be ma mangalehen. Ulang pola hara ni na alang-alangan sanga hara ni na tarpaksa, angke dihaholongi Debata do sanga ise na mangalehen sian jop ni roha.