ESRA 1:5 - BIBEL JAMITA NA DENGGAN

⁵ Dung i markobas mulak ma angka kapala ripe na sian Marga Juda dohot Benyamin, angka malim dohot angka halak Levi maradu sude halak na nigorakkon ni Debata rohana dohot laho mambangun Bagas Ni Tuhan mangulahi.

ESRA 1:5 ပူးပေါင်းရင်းမြစ်များ

2 JUJUR TAON 36:22

Di taon parjolo mamarenta si Kores raja ni Persia, dipatulus Tuhan ma na nidokNia marhite Panurirang Jeremia. Digorakkon Tuhan ma roha ni si Kores laho mangharuarkon sada parenta na disise di sude harajaannia. Songon on ma hatana:

ESRA 1:1

Di taon parjolo mamarenta si Kores, raja ni Persia, dipatulus Tuhan ma sanga aha na nijanjihonNia marhite Panurirang Jeremia. Disosoi Tuhan ma roha ni si Kores anso diharuarkon ia sada parenta sisisehononkon di sude harajaannia. Songon on ma hatana:

ESRA 1:2

“On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

ESRA 1:4

Ampot adong sian bangsoNia di inganan habuangan on na mamorluhon bantuan anso tarbaensa mulak, angkon lehenon ni angka hombar bagasna do bantuan i. Angkon lehenon ni halahi do tusia perak dohot sere, balanjo di dalan maradu pahan-pahanan sibobanan songon i muse angka sihaulkonon baen tu Bagas Ni Tuhan di Jerusalem.”

NEHEMIA 2:12

Salolot na tolu ari i nada hupaboa sanga na tu ise pe bahaso na nilehen ni Debata boa-boa tu au laho mambangun kota Jerusalem mangulahi. Borngin-borngin ancogotna i ngot ma au jana hupiohon ma angka dongan sanga na piga halak kehe tu ruar ni kota. Asing sian halode na hutengget i, nada adong hami oban pahan-pahanan sitenggeton na asing.

PODA 16:1

Jolma mambaen rancangan, Debata do na mangalehen haputusan.

HAGAI 1:14

Jadi disungguli Tuhan ma tondi ni si Zerubabel, anak ni si Sealtiel pangarajai ni Juda dohot tondi ni Malim Godang Josua, anak ni si Josadak maradu sude tondi ni bangso i, gabe marroan ma halahi mangaradoti karejo di bagas ni Tuhan Na Markuaso, Debata ni halahi i.

2 KORINTUS 8:16

Tarimakasi do hami dok tu Debata hara ni na dung mangalehen ringgas ni roha tu si Titus gabe songon hami laho mangurupi hamu!

PILIPPI 2:13

angke Debata sandiri do na markarejo di bagasan dirimunu, na mambaen hamu gabe ra jana sanggup pasonangkon roha ni Debata.

3 JOHANNES 1:11

Dongan na nihaholongan! Ulang ma tiru hamu na jat i. Na denggan i ma tiru hamu. Sanga ise na mambaen na denggan, sian Debata do ro ni i. Jana halak na mambaen na jat, na so padumpang dope i dohot Debata.