ESRA 1:4 - BIBEL JAMITA NA DENGGAN

⁴ Ampot adong sian bangsoNia di inganan habuangan on na mamorluhon bantuan anso tarbaensa mulak, angkon lehenon ni angka hombar bagasna do bantuan i. Angkon lehenon ni halahi do tusia perak dohot sere, balanjo di dalan maradu pahan-pahanan sibobanan songon i muse angka sihaulkonon baen tu Bagas Ni Tuhan di Jerusalem.”

ESRA 1:4 ပူးပေါင်းရင်းမြစ်များ

1 JUJUR TAON 29:17

Huboto do, na niujimu roha ni ganop halak jana dihalomohon rohamu do halak parroha na ias. Sian sada ni rohangku, di bagasan jop ni roha huhaulkon ma sudena on tu Ho. Madung tangkas huida sanga songon dia bangsoMu na marlagut dison marjop ni roha marsioban haulna be tu Ho.

1 JUJUR TAON 29:3

Jabat do hara ni holong ni rohangku di Bagas Ni Debatangki, madung hupasahat muse perak dohot sere sian sinadonganku sandiri:

1 JUJUR TAON 29:9

Sian na nionjar ni rohana diparleheni jolma i ma tu Tuhan jana jop do roha ni halahi hara ni na dung bahat dihaulkon halahi. Raja Daud pe, i noma jop ni rohania.

2 JUJUR TAON 31:14

Tu si Kore anak ni si Jimna, i ma sada halak Levi na gabe kapala ni pangawal di Pintu Horbangan Habincaran di Bagas Ni Debata, dipasahat ma tanggung jawab laho manjagit dohot mambagi-bagihon angka silehen-lehen na nihaulkon i tu Tuhan.

ESRA 1:3

Sai dijagohon Debata ma hamu sude na gabe bangsoNia. Angkon mulak noma hamu tu Jerusalem jana bangunonmunu mangulahi Bagas Ni Tuhan, Debata ni Israel, Debata na disomba di Jerusalem.

ESRA 1:5

Dung i markobas mulak ma angka kapala ripe na sian Marga Juda dohot Benyamin, angka malim dohot angka halak Levi maradu sude halak na nigorakkon ni Debata rohana dohot laho mambangun Bagas Ni Tuhan mangulahi.

ESRA 9:15

O Tuhan Debata ni Israel, na tigor do Ho, haru songon i pe laing dipadiar Ho do hami mangolu. Hami oku ma hasalaannami tu Ho; nada marhak hami ro tu parmiananMu.”

HARURUAR 35:29

Marsioban sian na nionjar ni rohana be ma sude halak Israel baen haul ni halahi tu Tuhan, sipakeon tu parkarejoan na niparentahon ni Tuhan markite-hite si Musa.

JESAYA 10:21

Bangso Israel na teba sisaotik i, mangulahi ma burju mangoloi Debata parmonang i.

BAENON NI ANGKA RASUL 24:17

Dung adong sanga piga-piga taon ro ma au muse tu Jerusalem, mulak ma au laho pasahatkon hepeng pangurupion tu bangsongku, bope laho pasahatkon haul tu Debata.

GALATIA 6:2

Marsiurupan ma hamu mamorsan boban na dokdok i, songon i ma baen hamu patuluskon parenta ni Kristus i.