ESRA 1:2 - BIBEL JAMITA NA DENGGAN

² “On ma parenta ni si Kores, raja ni Persia. Madung dibaen Tuhan, Debata Na Markuaso di banua ginjang au gabe raja di sandok portibi on, jana ditugaskon do au laho mambangun sada bagas diSia di Jerusalem na di tano Juda.

ESRA 1:2 ပူးပေါင်းရင်းမြစ်များ

1 RAJA-RAJA 8:27

“Tapi ale Debata, tarbaen Ho ma he tinggal di tano on? Haru sude langit i, hurang bidang dope gabe ingananMu, mur ma bagas na hupauli on!

2 JUJUR TAON 2:12

Nipuji ma da Tuhan Debata ni Israel. Na manompa langit dohot tano on! Dilehen Ia do antong sada anak na sun marbisuk jana na marparbinotoan di si Daud, i ma na giot pajongjongkon Bagas di Tuhan dohot bagas godang diSia sandiri.

ESRA 1:5

Dung i markobas mulak ma angka kapala ripe na sian Marga Juda dohot Benyamin, angka malim dohot angka halak Levi maradu sude halak na nigorakkon ni Debata rohana dohot laho mambangun Bagas Ni Tuhan mangulahi.

ESRA 3:7

Disumbangkon rayat i ma hepeng laho mangupai tukang batu dohot tukang hayu. Ditongoskon halahi muse do sipanganon, inumon dohot miak zetun tu kota Tirus dohot Sidon laho martukar dohot hayu sampinur Libanon sian angka kota i. Dioban ma hayu i tu Jopa mamolus laut. Sian isin ni si Kores, raja ni Persia i do dikarejohon rayat i sudena i.

ESRA 4:3

Tapi dialusi si Zerubabel, si Josua dohot kapala ni horong-horong i ma, “Nada porlu di hami bantuanmunu laho mambangun Bagas di Tuhan Debatanami. Hami sandiri do giot mambangun i hombar tu na niparentahon ni si Kores, raja ni Persia i tu hami.”

ESRA 5:15

Disuru raja i buatonnia angka parkokas i dohot paulakkon tu Bagas Ni Tuhan na di Jerusalem, dohot mambangun Bagas Ni Tuhan i mangulahi.

ESRA 6:10

Patulus sudena i anso tarbaen halahi pasahatkon haul na pasonangkon roha ni Debata na markuaso di banua ginjang, jana anso dipangido halahi pasupasu di au dohot di angka anakku.

ESRA 6:3

“Di taon parjolo mamarenta Raja Kores, diharuarkon ia ma parenta anso dibangun mangulahi Bagas Ni Tuhan na di Jerusalem, gabe inganan ni halak maroban haul dohot halak na manutung haul. Gincat ni bagas i angkon dua pulu pitu meter jana bidangna dua pulu pitu meter muse.

ESRA 7:12

“Sian Raja Artahsasta tu Malim Esra, Ahli Uhum Ni Debata na markuaso di banua ginjang.

NEHEMIA 1:4

Umbege barita i, juguk ma au jana tangis. Sanga na piga ari lolotna sai tangis au. Torus do au puaso lalu martangiang tu Debata,

NEHEMIA 1:5

“Ale Tuhan Debata na markuaso di banua ginjang Debata Na Godang do Ho, jana di bagasan gok biar do hami ro mangadop tu Ho. Sai tongtong do holong rohaMu di angka na mangkaholongi Ho jana na mangoloi parentaMu jana ditiop Ho do janjiMu tu halahi.

MASMUR 136:26

Dok ma tarimakasi tu Debata pangarajai ni langit; hot do holong ni rohaNia sapanjangna.

MASMUR 85:2

Madung disesa Ho dosa ni bangsoMu, diampuni Ho sude hasalaanna.

PODA 21:1

Diatur Tuhan do pardalan ni batang aek marguru tu hagiotNa, songon i muse do diatur Ia pikiran ni raja.

JESAYA 41:2

Ise dehe na marsuru ia ro sian Habincaran i, na marsuru ia na mandapot hamonangan di sude langkana, na pataluhon angka bangso dohot raja-raja? Podangnia mambaen halahi songon abu, jana panania mambaen halahi songon durame na nipurpuran.

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

JESAYA 44:28

Au do na mandokkon taringot tu si Kores: ‘Ia do siparmahanKu, sandok hagiotKu giot patulusonnia, na mandok taringot tu Jerusalem: Padiar ma ia dipajongjong, jana taringot tu Bagas Na Badia: Padiar ma dipayakkon batu ojahanna!’ ”

JESAYA 45:1

Songon on do hata ni Tuhan, “On ma hatangKu tu halak na Hupasupasu i, si Kores na dung Hutiop tangan siamunna. Anso Hutaluhon angka bangso na di jolona, dohot mamupusi angka raja; anso Hubuka angka pintu na di jolona, jana angka horbangan pe nada tartutup be mangulahi.”

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

JEREMIA 10:11

Hamu ale angka bangso, angkon paboaonmunu do tu halahi, sisegohonon do angka debata na so manompa langit dohot tano. Mago do halahi sian portibi on.)

JEREMIA 27:5

“Marhite hagodangan ni kuasongKu dohot hagogoanKu, madung Hutompa tano dohot jolma dohot sandok binatang jana tarlehen Au do i sanga na tu ise giotKu.

JEREMIA 29:10

Didok Tuhan muse, ‘Muda dung dapot hatihana sipitu pulu taon di Babel, parrohahononKu ma hamu mangulahi jana patulusonKu ma na Hujanjihon laho paulakkon hamu mangulahi tu inganan on.

DANIEL 1:21

Tongtong do disi maringanan si Daniel lopus tu taon parjolo mangarajai si Kores.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

DANIEL 2:28

Tapi adong do di banua ginjang Debata na mambuka sude rahasia, jana madung dipaboa Ia tu raja i sanga aha na giot tarjadi tu pudi on. Jadi on ma nipi ni raja i dohot astuanna:

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

DANIEL 4:32

Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

DANIEL 6:25

Dung i diparentahon raja i ma anso ditangkup angka na mangaduhon si Daniel i. Jadi rap diambungkon ma halahi dohot angka dakdanak dohot angka dadaboruna tu bagasan liang ni singa i. Nada jabat lalu dope halahi tu tandolan ni liang i, manigor disoro angka singa i ma halahi jana diropuk holi-holina i.

JUNUS 1:9

Dialusi si Junus ma, “Halak Ibrani do au. Tuhan Debata na di banua ginjang i do husomba, i ma na manompa laut dohot darat.”