EPESUS 6:12 - BIBEL JAMITA NA DENGGAN

¹² Angke nada marporang hita mangalo jolma, tapi na laho mangalo gogo ni angka setan na markuaso di hatiha na jahat on do. Angka tondi na jahat na mangkuasoi awang-awang i do na taalo.

EPESUS 6:12 ပူးပေါင်းရင်းမြစ်များ

KOLOSSE 1:13

Madung dipalua Ia hita sian kuaso ni hagolapan jana dipaimbar Ia hita tu bagasan kuaso ni pangarajaion ni Anak haholonganNia i.

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

EPESUS 2:2

Angka hasomalan ni portibi on do dipaolo-oloi hamu hatiha i; astuanna, tunduk tu angka parkuaso ni harajaan na di awang-awang i do hamu, i ma tondi na laing mangela-ela roha ni angka halak na so ra tunduk tu Debata saonnari.

KOLOSSE 2:15

Sude angka tondi na mamarenta dohot na markuaso gabe gale noma di parsilang ni Kristus i. Gabe sitontonan ni halak na bahat noma halahi dibaen, di na niiring ni Kristus halahi songon halak na tartaban di uduran ni hamonanganNia.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

EPESUS 1:21

Dao dope gumincat pangkat ni Kristus i, sian pangkat ni sasudena pamarenta, sian sasude na markuaso, sian sude pamimpin, sian sude angka tuan dohot sian sanga ise pe na dung maruli pangkat na gincat; na adong di hatiha on sanga di hatiha na giot ro.

SURAT NI SI PAULUS TU PARLAGUTAN ROM 8:38

Harana marpos ni roha situtu do au, bahaso hamatean bope hangoluan, sanga surusuruan bope angka parkuaso; sanga na adong saonnari bope na giot ro, sanga angka hagogoan,

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

1 KORINTUS 15:50

Na hudok disi hamu angka dongan, on do: Anggo pamatang na dijadihon sian sibuk dohot sian mudar, nada tarbaen gabe parsidohot di Harajaan Ni Debata; pamatang na ra mate pe nada tarbaen gabe pamatang na manongtong.

1 PETRUS 3:22

jana madung manaek Ia tu banua ginjang. Saonnari markuaso ma Ia rap dohot Debata jana mamarenta tu sude surusuruan, tu sude parkuaso dohot tu sude angka hagogoon di pangalaho partondion.

IBRANI 12:1

Jadi anggo taringot tu hita, bahat sajo do humaliang hita angka saksi! Hara ni i, sasudena na padokdok hita bope dosa na sai lohot tu hita, tatalgangi ma sudena sian hita. Jana marsitutu ma hita manyalpui parlumbaan na di jolonta.

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

JOHANNES 12:31

Saonnari ma hatihana uhuman portibi on; taluhonon ma raja ni portibi on saonnari.

JOHANNES 16:11

madung manguhumi Debata, dibaen madung hona uhum parkuaso ni portibi on!

JOB 2:2

Jadi disapai Tuhan ma tusia, “Sian dia ho?” Dialusi Sibolis ma, “Na sian paradang-adangan do au pahae-pahulu mamolusi portibi.”

LUKAS 22:53

Ganop ari do Au rap dohot hamu di Bagas Ni Debata, hape so ditangkup hamu Au. Tapi on ma lakna hatihana di hamu mambaen sibaenonmunu, jana hatihana ma kuaso hagolapan i mambaen hatontuan.”

LUKAS 13:24

“Angkon usahahononmunu do masuk mamolus sian pintu na sompit. Angke ingot hamu ma! Bahat do halak na marusaho giot masuk mamolus pintu i tapi nada tarbaensa.

2 TIMOTEUS 2:5

Sada halak parolah raga nada tarbaen ia gabe juaro di bagasan partandingan anggo so diihutkon ia angka paraturan.

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

IBRANI 12:4

Angke di paraloanmunu mangalo dosa i, nada jabat dope lopus tiris mudarmunu.

GALATIA 1:16

Dipatidahon Debata do AnakNia i tu au jana markite-hite au anso nijamitahon Jamita Na Denggan taringot tu AnakNa i tu halak na so Jahudi. Nada pola mangido tahi au sanga na tu ise disi.

MARKUS 4:19

tapi disegohon pangkilalaan na humolos ma taringot tu ngolu ni halahi. Sai giot maradong. Marragam ma hagiot na mangganggui roha ni halahi. Gabe mate ma hata i na sian Debata, inda marguna be di roha ni halahi.

2 KORINTUS 11:14

Inda pola homang roha mida pambaenan na songon i, angke haru Sibolis i pe dipasuman-suman halahi do surusuruan ni hatorangan i!