EPESUS 6:1 - BIBEL JAMITA NA DENGGAN

¹ Hamu angka dakdanak! Dibaen siihutkon Kristus do hamu, oloi hamu ma simatobangmunu, angke songon i do na patut baenonmunu.

EPESUS 6:1 ပူးပေါင်းရင်းမြစ်များ

PAMUNGKAAN 28:7

Diboto si Esau muse do pangoloi ni si Jakob di hata ni ama dohot inangna di na kehe ia tu Mesopotamia.

PAMUNGKAAN 37:13

didok si Jakob ma tu si Josep, “Na giot suruonku do ho tu Sikem, tu inganan ni angka angkangmi marmahani angka hambeng biri-birinta i.” “Denggan amang,” ning si Josep mangalusi.

PAMUNGKAAN 48:12

Dung i dibuat si Josep ma dakdanak na dua i sian ampuan ni si Jakob, jana tungkap ma ia marsomba di jolo ni amangnia i.

PAMUNGKAAN 50:12

Songon i ma dibaen angka dakdanak ni si Jakob laho patuluskon na nitonahonnia i tu halahi.

NEHEMIA 9:13

Mijur Ho sian langit di Dolok Sinai na badia, lalu mangkobari Ho dohot bangsoMu sandiri. Dilehen Ho uhum, aturan dohot sipaingot na tigor, na denggan dohot na bonar boti marguna.

ESTER 2:20

Anggo si Ester laing na so dipaboa ia dope na boru Jahudi ia, harana dilarang si Mordehai ia. Dioloi si Ester do si Mordehai laing songon di hatiha hamenehannia jana di na nirawat ni anak ni amantuania i ia.

JOB 33:27

Jadi mandok hata ma ia di jolo ni halak na bahat, ‘Denggan do huetong na jahat, pardosa godang do anggo iba hape nada diuhumi Debata anggo iba.

MASMUR 119:128

Hara ni i ma umbaen na huihutkon sude sipaingotMu, jana huhagigihon dalan na sala.

MASMUR 119:75

Huboto do ale Tuhan, tigor do haputusanMu, hara ni habonaranMu, diuhum Ho au.

MASMUR 19:8

Tumbuk do paraturan ni Tuhan i, pasonangkon roha ni sipangoloi. Polin do na niputuskon ni Tuhan i, mambaen jolma i mangastui.

PODA 1:8

Parrohahon ma sanga aha pangajaran ni natorasmu tu ho, ale anakku,

PODA 23:22

Oloi ma amangmu; angke nada adong ho anggo so hara ni ia. Muda dung matobang inangmu, patuduhon ma paboa na niargahonmu ia.

PODA 30:11

Adong do halak na pasumpahon amangna jana na so mangargahon inangna.

PODA 30:17

Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

PODA 6:20

Ale anakku, patulus ma sanga aha na niparentahon ni amangmu, jana ulang halupahon angka sipaingot ni inangmu.

JEREMIA 35:14

Diorai si Jonadab do pomparannia ulang minum anggur, jana dioloi halahi do larangan i. Lopus tu sadari on sahalak pe nada adong sian halahi na minum anggur. Hape Au marpupu torus mangkuling tu hamu, jana nada ra hamu manangihon.

JEREMIA 35:18

Dung i hudok ma tu angka halak na sian horong ni si Rekhab bahaso na nidok ni Tuhan Na Markuaso i, Debata ni Israel songon on, “Madung dioloi hamu ompumunu si Jonadab; sude parentania dioloi jana didalankon hamu do.

JEREMIA 35:8

Sude na niparentahon ni si Jonadab tu hami, hami oloi do i. Salolot mangolu, nada minum anggur hami dohot angka dadaborunami, angka dakdanaknami halaklahi bope dadaboru.

HOSEA 14:9

Efraim, aha dope he lakna hubunganKu dohot angka gana-ganaan? Au do na mangalusi dohot na mamparate-atehon ho! Songon hayu sanobar na rata do Au, sian Au ma ho mandapot parbatuna.”

HAMALIMON 19:3

Ganop halak angkon pasangap inana dohot amana jana marningot Ari Sabat, songon na dung Huparentahon, angke Au do Tuhan Debatamu.

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

SURAT NI SI PAULUS TU PARLAGUTAN ROM 16:2

Jagit hamu ma ia di bagasan Tuhan i, songon na tama di angka halak na badia, anso ditolongi hamu ia di sude karejonia muda porlu, harana bahat do diurupi ia angka dongan bope au sandiri.

SURAT NI SI PAULUS TU PARLAGUTAN ROM 7:12

Jadi badia do Tona i, parenta i pe badia do, tigor jana denggan.

1 KORINTUS 15:58

Hara ni i hamu ale angka dongan na nihaholongan, sai togu ma hamu jana hot. Marsitutu ma markarejo di Tuhan, angke diboto hamu do, sude na nikarejohonmunu di Tuhan, nada sayang boti sudena i.

PANGARATAION 21:18

“Adong ma umpamana anak halaklahi na jogal roha, sai mangalo jana nada ra mangihutkon na nidok ni simatobangna haru pe nian na dung dipincang halahi ia.

1 TIMOTEUS 5:4

Tapi muda adong sahalak ina na mabalu, adong dakdanakna sanga pahompuna, tu angka dakdanakna i ma dohot angka pahompuna i parjolo lehenonmu hata na denggan, mandok, angkon halahi sandiri do paresohon halahi na sabagas, bope laho mambalos pambaenan ni simatobangna dohot ompungna, angke apala i ma na pajop roha ni Debata.

1 PETRUS 2:13

Hara ni Tuhan, oloi hamu ma sudena pamarenta na adong di portibi on; sanga pe tu Kesar na gabe sitiop kuaso na guminjang;

RUT 3:5

“Olo namboru,” ning si Rut mangalusi, “hupatulus pe sude na nidok ni namboru i.”

1 SAMUEL 17:20

Ancogotna i manyogot dope, ngot ma si Daud, lalu markobas, dipasahat ia ma biri-birinia i tu sada halak na manjago, dung i dibuat ia ma siobanonnia lalu kehe ma ia songon na niparentahon ni amangnia i. Di parlalunia i topet ma diparkehe ni halak Israel tu galanggang ni porang lalu marsurakkon sora ni porang.