EPESUS 5:7 - BIBEL JAMITA NA DENGGAN

⁷ Jadi, inda tola mardongan hamu dohot angka jolma sisongon i.

EPESUS 5:7 ပူးပေါင်းရင်းမြစ်များ

MASMUR 50:18

Dipardongan ho do ganop panangko na niidamu, angka halak pangalangkup dibaen ho do gabe donganmu.”

PODA 13:20

Muda mardongan dohot halak na marroha, gabe marbisuk iba; muda margaul tu halak na bodo, gabe iba hona mara.

PODA 9:6

Tadingkon ma halak na oto, anso mangolu hamu; jana ihutkon ma dalan ni halak na marroha.”

BILANGAN 16:26

Didok si Musa ma tu halak Israel, “Mandao ma hamu sian bandar ni halak na jahat on jana ulang dais hamu sanga tu aha pe arta ni halahi. Muda nada dioloi hamu pusaon ma hamu rap dohot halahi hara ni dosa ni halahi.”

2 KORINTUS 6:14

Ulang ma hamu rap sapasangan dohot angka halak na so porsaya. Dia ma he tarbaen marsada hatigoran dohot hageduhan, sanga dia ma lakna pardonganan ni hatorangan dohot hagolapan?

EPESUS 3:6

On ma rahasia i: Hara ni Jamita Na Denggan i tola ma dohot halak na so Jahudi manjagit angka pasupasu sian Debata; gabe rap anggota ni sada pamatang ma halahi, jana tola ma dohot manjagit sanga aha na nijanjihon ni Debata markite-hite Jesus Kristus.

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

1 TIMOTEUS 5:22

Ulang mamopoptu ho mangampehon tangan laho mangangkat sada-sada halak gabe pangoloi ni Tuhan. Muda mardosa halak, ulang ho dohot-dohotan di dosa i. Jagohon ma dirimu anso tongtong polin.

HALUMBAAN 18:4

Jadi hubege ma sada sora na asing sian banua ginjang mandok, “Ruar ma hamu angka bangsongKu! Ruar ma hamu sian bagasan! Ulang ihutkon hamu angka dosana i, jana ulang dohot hamu mananggung uhumanna i!