EPESUS 5:6 - BIBEL JAMITA NA DENGGAN

⁶ Ulang jabat tarpaoto-oto hamu dibaen angka pangkataion na rumar. Angke angka pangalaho na songon on ma mambaen muruk Debata tu angka halak na so ra mangoloi Ia.

EPESUS 5:6 ပူးပေါင်းရင်းမြစ်များ

2 RAJA-RAJA 18:20

Diambang ho do lakna tuk ma hata sajo laho manggonti siasat dohot hagogoon ni tentara! Ise dehe lakna na nipangasahonmu, umbaen na puluk ho mangalo Asur?

MASMUR 78:31

muruk ma Debata jana dialo ma halahi; dibunu Ia ma halak Israel na poso jana na barani.

JEREMIA 27:9

Ulang patangi-tangi hamu angka panurirang, sanga na ise pe tehe na mangorai hamu tunduk tu raja ni Babel, haru pe dioku halahi na dung manjagit panuturion halahi sian nipi, angka tondi na so niida, sanga marhite gogo ni hadatuon.

JEREMIA 29:31

manongos barita taringot tu si Semaya tu sude halak na dibuang di Babel. Songon on ma barita i, “Au Tuhan, uhumonKu ma si Semaya dohot sude pomparanna. Nada Au marsuru ia, hape mandok hata ia tu hamu songon na tutu ia panurirang; jana dibaen ia hamu porsaya tu angka pangalaho na so tutu. Sahalak pe sian pomparannia nada tola be tinggal di tonga-tongamunu. Hara ni na disuru si Semaya hamu mangalo Au, jadi nada honok ia mangolu laho paida-ida angka na denggan na giot patupaonKu di sude bangsongKu. Au Tuhan, madung mandok songon i.”

JEREMIA 37:9

Au Tuhan Hupaingot hamu anso ulang paoto-oto hamu dirimunu marhite pikiran na mandok na so mulak be halak Babel i. Harana pasti do mulak halahi.

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

MATEUS 24:24

Harana, marroan do disi angka kristus pargabus dohot angka panurirang pargabus. Patupaon ni halahi ma angka pambaenan na luar biasa dohot angka na pahomang roha laho paoto-otohon halak. Sugari tarbaensa, dohot bangso ni Debata i pe giot paoto-otoon ni halahi muse do.

MATEUS 24:4

Dialusi Jesus ma, “Angkon manat do hamu. Ulang jabat dipaoto-oto halak hamu.

MARKUS 13:22

Harana marroan do angka kristus pargabus dohot angka panurirang pargabus. Baenon ni halahi ma angka tanda hahomangan dohot angka na ganjil-ganjil laho paoto-otohon angka halak ni Debata. Salang sugari tarbaen dohot tu angka na ditodo i dope.

MARKUS 13:5

“Angkon jonggor do hamu anso ulang jabat ditipu halak, ninna Jesus.

SURAT NI SI PAULUS TU PARLAGUTAN ROM 1:18

Dipapatar Debata do sian banua ginjang rimas ni rohaNia maradopkon sude dosa dohot hajahatan ni jolma, angke diambati hageduhon i do jolma laho mananda ajaran na tutu taringot tu Debata.

KOLOSSE 2:18

Ulang hamu ra digorahon halak na paula-ula martoruk roha jana na manyomba angka surusuruan. Angka siginjang roha do sudena i hara ni angka pikiran ni halahi na marojahan tu portibi on. Na marguru tu angka parnidaanna do i,

KOLOSSE 2:4

Hupaboa pe i tu hamu, anso ulang adong do sanga ise na paoto-otohon hamu dohot hata na tabo begeonmunu.

KOLOSSE 2:8

Manat ma hamu, ulang jabat adong na manarik hamu markite-hite angka hapistaran ni jolma na so marguna, tapi hum na palilu-liluhon sajo. Nada sian Kristus angka hapistaran na songon i, tapi sian angka panurirangon ni jolma sajo do i dohot sian panarik ni angka tondi ni pangarajai ni portibi on.

KOLOSSE 3:6

Angka pangalaho na songon i ma na pasunggul-sunggul rimas ni Debata maradopkon angka halak na so mangoloi Ia.

2 TESSALONIKA 2:3

Sanga na bia pe i, ulang jabat tartipu hamu dibaen halak. Angke painte so dapot Ari i, angkon jolo masa do na songon on: Bahat ma halak marbalik sian Kristus, jana tangkas ma tarida Jolma Na Jahat na dung ditontuhon hian tu api narako.

IBRANI 13:9

Ulang ma padiar-diar hamu angka pangajaran na marragam-rupa i mangaliluhon hamu. Angkon denggan ni roha ni Debata do na patogu rohanta, i do na denggan; ulang ma angka paraturan ni sipanganon. Angke angka halak najolo na mangihutkon paraturan i nada adong pola gunana dapot halahi.

IBRANI 3:19

Saonnari madung taboto, na so dilehen di halahi inganan paradianan i, hara ni na so porsaya halahi tu Debata!

1 PETRUS 2:8

Tartuktuk pe halahi, hara ni na so dioloi halahi do hata ni Debata. Songon i ma panontuhon ni Debata taringot tu halahi.

1 JOHANNES 4:1

Angka dongan na nihaholongan! Ulang ma hamu porsaya tu ganop tondi, tapi uji hamu ma angka tondi i sanga na marharoroan sian Debata do i, harana madung bahat angka panurirang pargabus ro tu portibi on.