EPESUS 5:5 - BIBEL JAMITA NA DENGGAN

⁵ Ingot hamu ma on tangkas: Sanga ise na rorang pangalahona, sanga na so ture, sanga na sai ahut tu diri (sarupa tu na marsomba gana-ganaan do pangalaho na songon i), nada tarbaen halak na songon i gabe anggota ni bangso ni Kristus dohot Debata.

EPESUS 5:5 ပူးပေါင်းရင်းမြစ်များ

HARURUAR 20:17

Ulang impol rohamu di bagas ni donganmu jolma; ulang impol rohamu di dadaborunia, bope naposona bope lombuna bope halodena, bope di sanga aha nampuna ni donganmu jolma.”

BAENON NI ANGKA RASUL 20:32

Saonnari hupasahat ma hamu tu Debata, anso laing dipature-ture Ia hamu jana anso laing marsitiopan tu jamita na paboahon asi ni roha ni Debata i hamu. Markuaso do Debata laho patoguhon hamu bope laho mangalehen angka pasupasu na dung dipasingkop Ia tu halakNia sudena.

BAENON NI ANGKA RASUL 8:21

Nada adong tohapmu di bagasan karejonami on, angke na so ias do rohamu maradopkon Debata.

GALATIA 5:19

Tangkas do karejo na nibaen ni bako humani na jat i di bagasan angka pangalaho on: Na markarosuan, harorangan, hahodaron;

GALATIA 5:21

gutgut; marmabuk-mabuk, marpesta-pesta dohot angka na asing. Salaho tusi sudena, hupaingot ma hamu songon sipaingotku na parjolo i, anggo halak sisongon i nada maruli tean-teanan i sian Harajaan Ni Debata.

EPESUS 5:3

Bangso ni Debata do hamu! Jadi anggo angka na rorang dohot angka parange na so tupa bope na ahut tu diri, nada tama be adong di tonga-tongamunu – hum tarbortik pe indangkon adong.

KOLOSSE 1:13

Madung dipalua Ia hita sian kuaso ni hagolapan jana dipaimbar Ia hita tu bagasan kuaso ni pangarajaion ni Anak haholonganNia i.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

1 TIMOTEUS 6:10

Angke sian holong ni roha tu hepeng do haroroan ni sude ragam ni hajahatan. Adong do deba halak na sai mangkojar hepeng jana na so mangihut be tu ajaran ni Kristen, lopus gabe didondoni pardangolan halahi, mambaen gabe marsak roha ni halahi.

1 TIMOTEUS 6:17

Tu angka halak na kayo di tano on, paingot ma halahi anso ulang manyombong jana anso ulang mararop ni roha halahi tu angka barang-barang na ra salpu – songon sinadongan rupani. Angkon mararop ni roha tu Debata do halahi, i ma Debata na mangalehen sasudena tu hita marlobi-lobi anso sonang hita.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

JOSUA 7:21

Sian tonga-tonga ni angka barang na tarampas i, adong huida sada baju juba Babilonia na jeges sajo; huida muse perak hira-hira borat dua kilogram dohot sere sabatang marborat lobi satonga kilogram. Por sajo rohangku anso di au nian angka barang i, jadi gabe hubuat ma i. Hutabunihon do sudena i di bagasan tano di bandarki; perakna i ma di bagian partoru.”

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.