EPESUS 5:4 - BIBEL JAMITA NA DENGGAN

⁴ Bope mancaritohon angka carito na rorang bope mandok hata na hodar, sanga pe margonjak-gonjak na so patut, nada patut adong di hamu. Tapi gumonan ma hamu mandok tarimakasi tu Debata.

EPESUS 5:4 ပူးပေါင်းရင်းမြစ်များ

MASMUR 33:1

Marsurak ma hamu di Tuhan, hamu angka na burju roha, patut do halak na daulat mamuji-muji Ia.

MASMUR 92:1

Na denggan situtu do mandok tarimakasi tu Ho, ale Tuhan, jana marende masmur di Ho, ale Debata Na Gumincat;

PODA 12:23

Halak na marroha nada pajolo-jolohon na binotona; halak na bodo paboa-boahon haotoonna.

PODA 15:2

Muda mangkobari halak na marbisuk, ruar ma angka parbinotoannia, tapi muda na bodo mangkobari, ruar ma habodoon sajo.

PARJAMITA 10:13

Dipungka ia do dohot hata rarat na somal, hape ujungna manghobari ia songon na rintik.

DANIEL 6:10

Jadi diteken Raja Darius ma surat parenta i.

MARKUS 7:22

na markarosuan, ahut tu diri dohot sude hajahatan; na paoto-otohon, na so maraturan, gutgut, manilakoi halak, ginjang ni roha dohot na so tarajar.

JOHANNES 6:23

Adong do angka parau na marroan sian Tiberias maradian donok tu inganan parmanganan ni halak na mangan roti i dung didok Jesus tarimakasi tu Debata.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

2 KORINTUS 1:11

Dibaen dohot do hamu mangurupi hami markite-hite tangiangmunu, anso bahat halak mandok tarimakasi hara ni pasupasu na hami jagit markite-hite bahat ni tangiangmunu tu hami.

2 KORINTUS 9:15

Sai mandok tarimakasi ma hita tu Debata hara ni silehen-lehenNia na so tarsuhat i!

EPESUS 1:16

nada marnamantak au mandok tarimakasi tu Debata hara ni hamu sude. Sai tongtong do hugoari hamu muda hatiha martangiang au.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

KOLOSSE 3:8

Tapi anggo saonnari angkon ambungkononmunu do angka pangalaho sisongon on sian dirimunu: Muruk, na manyonggahi dohot na margoyak ni roha mida halak. Ulang jabat ruar hata sian hamu na panyaor-nyaorkon sanga hata na hodar.

1 TESSALONIKA 3:9

Nada tuk pamangannami laho pajojorkon sanga na bia godang ni hatarimakasionnami tu Debata hara ni sude hamogaan na hami jagit di jolo ni Debata hara ni hamu.

1 TESSALONIKA 5:18

Di sude pangalaho na masa, tongtong ma hamu mandok tarimakasi, angke na songon i do dipangido roha ni Debata sian hamu songon angka na mangolu marsada dohot Jesus Kristus.

PILEMON 1:8

Hara ni i, songon kahanggimu di bagasan Kristus tarsuru au do nian ho laho mangkarejohon aha na patut sipatupaonmu.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

2 PETRUS 2:7

Tapi dipalua do anggo si Lot, hara ni na niihutkonnia hagiot ni Debata jana ia pe na dung sun ma marsaknia dibaen parange ni angka jolma na so ra mangihutkon angka parenta ni Debata.

JUDAS 1:10

Tapi anggo halahi, mardongan hata incak dialo halahi do sanga aha na so niastuan ni halahi. Tarsongon binatang na so marroha do halahi, na mangastui angka pangalaho hum hara ni bakona sajo. Hape angka na songon i do mambaen hamamago tu halahi.

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.