EPESUS 5:18 - BIBEL JAMITA NA DENGGAN

¹⁸ Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

EPESUS 5:18 ပူးပေါင်းရင်းမြစ်များ

PAMUNGKAAN 9:21

Jadi dung diinum ia anggurnia i, gabe mabuk ma ia. Ditalduskon ia ma sandok pakeannia i, modom ma ia marsaemara di bagasan undung-undungnia i.

MASMUR 69:12

Gabe sihata-hataan ma au di parluhutan ni halak, diendehon angka parmabuk ma salaho tu iba.

PODA 20:1

Inumon na koras mambaen jolma hurang ajar jana gaor oto do halak na minum lopus mabuk.

ENDE NA GODANG 1:4

Oban ma au, marlojong ma hita; piohon ma au tu bilik ni raja. Marjob ni roha ma hami hara ni ho, jana na mamuji holongmu lumobi sian anggur. Patut do muda sude dadaboru por rohana mida ho!

ENDE NA GODANG 7:9

Pangkobarionmu tonggi songon anggur! Durus tu haholonganku ma nian anggur i marlobi-lobi di bibirna dohot pamangannia i.

JESAYA 25:6

Di Dolok Sion, dihobasi Tuhan Na Markuaso i ma pesta di sude bangso na di tano on. Rade ma dibaen angka sipanganon na tumabo dohot anggur pilian.

JESAYA 5:22

Marjaya ma halahi angka na gogo minum, jana na malo mancampur minuman na koras.

JESAYA 55:1

“Ro ma hamu angka na manguas, minum ma hamu, adong do aek na rade. Hamu na so marhepeng, marroan ma hamu! Jagit hamu ma gandum jana mangan ma hamu! Singkop do anggur dohot susu, jagit hamu ma nada pola manggarar.

HAMALIMON 10:9

“Dung salpu minum aek ni anggur sanga bir, dohot angka anakmu nada tola masuk tu Bandar Parmianan i. Muda dilaosi hamu aturan i angkon mate hamu. Sude pomparanmu angkon mangoloi aturan on.

MATEUS 23:25

Marjaya ma hamu angka Siboto Surat dohot halak Parise! Pangalancap do hamu! Dibasui sian duru angka mangkuk dohot pingganmunu, hape anggo sian bagasan sun do dursunna dibaen angka na dapot hamu markite-hite gogo dohot gabus.

MATEUS 24:49

‘Honok dope anso mulak tuanki,’ gabe dipungka ia ma mambalbali angka naposo na asing i, jana angka mangan dohot minum-minum ia dohot halak na asing.

LUKAS 1:15

Gabe halak na godang do dakdanak i mangihutkon parnidaan ni Tuhan. Nada tola ia minum anggur, sanga siinumon na koras. Mamungka di bortian dope ia, Tondi Parbadia do mangarajai ia.

LUKAS 11:13

Haru na bia pe jahatmunu, laing diboto hamu do patupa na denggan tu dakdanakmunu, mur ma hape Ama na di banua ginjang i. Laing na lehenonNia do tondiNia di halak na mangido diSia!”

LUKAS 12:45

Tapi muda didok naposo i do di bagasan rohania, ‘Honok dope anso mulak tuanki,’ gabe dipungka ia ma mambalbali angka naposo halaklahi dohot dadaboru, gabe mangan minum ma ia lopus mabuk.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

JOHANNES 2:10

didok ia ma tu bayo i, “Anggo somalna anggur na dumenggan do parjolo dilehen halak. Jadi dung tarbahat diinum angka tamu i, i pe anso dilehen anggur na somal. Hape disimpan ho dope anggur na dumenggan, on dope anso diparuar ho!”

BAENON NI ANGKA RASUL 11:24

Na dengganan do roha ni si Barnabas on jana na nirajaan ni Tondi Parbadia boti porsaya situtu do ia tu Tuhan, jadi gabe bahat do halak na mangihutkon Tuhan i.

SURAT NI SI PAULUS TU PARLAGUTAN ROM 13:13

Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

1 KORINTUS 11:21

Harana hatiha mangan hamu, marsiadu do hamu mambuat sipanganon i, jabat adong na so dapotan hape na deba marlobian.

1 KORINTUS 5:11

Anggo na humaksud songon on do: Ulang pardongan hamu halak na mangoku dirina Kristen hape rorang halahi, sanga songkal, sanga pe sioloi gana-ganaan sanga na sai ra pabusuk-busuk dongan, sanga parmabuk sanga pe panangko. Hum sajuguhan pe mangan dohot halak sisongon i, ulang!

1 KORINTUS 6:10

angka panangko, na mangkaut tu diri dohot parmabuk, angka na sai ra manilakoi halak, dohot angka na mambuat sian halak na so bagianna – sude halak sisongon i nada dapotan bagian di Harajaan Ni Debata.

PANGARATAION 21:20

Angkon dokkonon ni halahi ma tu hatobangon ni kota i, ‘Na jogalan roha ni dakdanaknami on, sai mangalo jana nada ra mangihutkon hata na hami dok; pangabis-ngabis hepeng jana sai ra mabuk.’

1 TESSALONIKA 5:7

Anggo halak na modom, borngin do ia modom. Halak na mabuk, laing borngin do ia mabuk.

TITUS 1:6

Muda sintua sagiotna ulang ma halak na targora; angkon sada sajo do dadaboruna; angkon na marhaporsayaan ma angka dakdanakna jana ulang ma angka anak padiar sanga dakdanak na so taratur.