EPESUS 5:16 - BIBEL JAMITA NA DENGGAN

¹⁶ Parkasayahon hamu ma sude hatiha na denggan na adong di hamu, angka na jahat do na masa di hatiha on.

EPESUS 5:16 ပူးပေါင်းရင်းမြစ်များ

PAMUNGKAAN 29:7

Ninna si Jakob ma, “Arian dope saonnari, na so hatihana dope pabara hambeng. Biasi nada dipainum hamu pahan-pahanan i anso manjampali mangulahi?”

MASMUR 37:19

Di hatiha na sompit, nada hasusaan halahi, di tingki na haleon laing tuk di halahi.

PARJAMITA 11:2

Lehenma bagian i tu pitu sanga tu salapan halak, angke porlu do jamot-jamot halak, painte so masa hasusaan.

PARJAMITA 12:1

Ingot ma Na Manompa ho taran di haposoonmu, painte so dapot angka taon na gok hasusaan. Anggo di hatiha i dokkononmu ma, “Nada martua ngolungku.”

PARJAMITA 9:10

Karejohon ma sude karejomu sagogomu. Angke nada adong be naron sipikiran dohot karejo. Nada adong ilmu sanga bisuk anggo di inganan ni na mate. Jana marayak tusi do ho kehe.

DANIEL 2:8

Umbege i dialusi raja i ma, “Tumbuk do songon na nidodo ni rohangki. Hum na palambat-lambatkon do hamu dibaen diboto hamu do haputusanki,

AMOS 5:13

Hara ni i halak na marpikir, sip do ia di hatiha i, harana hatiha na jahat do hatiha i.

MATEUS 25:17

Laing songon i muse ma na manjagit dua ribu hepeng perak i, maruntung ma ia dua ribu hepeng perak.

JOHANNES 12:35

Dialusi Jesus ma, “Santongkin nari sajo noma hatiuran i di tonga-tongamunu. Jadi dalani hamu ma sidalananmunu salolot laing adong na torang i anso ulang ditutupi hagolapan i hamu. Sanga ise na mardalan di na golap nada diboto ia sanga na giot tu dia ia kehe.

SURAT NI SI PAULUS TU PARLAGUTAN ROM 13:11

Tamba ni sudena i, sude do hamu umbotosa taringot tu hatiha on, on ma hatiha na tama anso tarsunggul hita sian na modom. Angke madung dumonok saonnari hatihana di hita anso malua, sian dompak di na mamungka hita porsaya.

1 KORINTUS 7:26

Marnida ragam ni hasusaan na ro di hatiha on, anggo ning rohangku gumonan do sugari laing songon na adong sisaonnari on ngolu ni halak.

GALATIA 1:4

na dung mangalehen diriNa hara ni dosanta, laho paluahon hita sian hajahatan saonnari, mangihutkon hagiot ni Debata Amanta i.

GALATIA 6:10

Jadi salolot adong dope hatiha di hita, angkon sangahononta do mambaen na denggan tu sude halak, lumobi tu angka donganta sahaporsayaan.

EPESUS 6:13

Hara ni i, saonnari pake hamu ma sasudena sinjata na sian Debata anso muda dapot hatihana ro na jahat i, margogo ma hamu mangalo angka serangan ni musu i. Jana anso lopus tu ujungna dung sidung parjuangan i, laing horas torkis hamu.

EPESUS 6:15

Haburjuon manjamitahon Jamita Na Denggan taringot tu hasonangan i, angkon i ma nian na gabe songon sipatumunu.

KOLOSSE 4:5

Di angka pardomuanmunu tu angka halak na so porsaya malo ma hamu na mangolu i jana ganop adong hatiha na tumbuk, pake hamu ma i sadenggan-dengganna.