EPESUS 5:11 - BIBEL JAMITA NA DENGGAN

¹¹ Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

EPESUS 5:11 ပူးပေါင်းရင်းမြစ်များ

PAMUNGKAAN 20:16

Jadi didok raja i ma tu si Sara, “Lehenonku ma di ho itomi, hepeng perak saribu, songon tanda paboa na tutu na so marsala ho; jana botoon ni sude halak ma i.”

MASMUR 141:5

Muda digorahon sanga diuhum halak na tigor au, i ma da sada pangalaho na denggan di au. Tapi anggo pamuji ni halak na jahat nada hujagit i, angke sai torus do au martangiang mangalo hajahatanna i.

PODA 1:10

Muda dielek-elek angka jolma pardosa ho, anakku, ulang ma ra ho.

PODA 1:31

Jadi, patunda ni angka parbuatanmunu i rasoanmunu ma i lopus gabe mardangol hamu.

PODA 13:18

Jolma na so ra ajaran gabe marpogos jana marlayas, halak na mangargahon sipaingot dipasangap donganna.

PODA 15:12

Halak na pangincahi nada ra i digorahon sanga didok hata; nada ra i mangido sipaingot sian halak na marroha.

PODA 19:25

Muda niuhum halak na sombong, disi pe halak na so marpangalaman i dapot pangajaran. Muda niajar halak na marroha, gabe dapotan ia parbinotoan.

PODA 25:12

Panggora ni halak na bisuk tu halak na ra manangihonsa, tudos tu tintin sere do i sanga parhiasan sigodang arga.

PODA 28:4

Sanga ise na pageduk uhum, mamihak tu na jahat; sanga ise na mangoloi uhum, mangalo halak na jahat.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

JESAYA 29:21

na mamuratu mandok halak pardosa, na mambaen jorat tu halak na paingotkon dohot na manyosak halak na tigor markite-hite saksi pargabus.

JEREMIA 15:17

Sai giot oloanku do Ho, jadi hara ni i nada hupasayang hatihangku dohot-dohotan martata-tata jana margonjak-gonjak rap dohot angka jolma, tapi mamunjung do au mardongan pangkilalaan na muruk.

HAMALIMON 19:17

Ulang ho marhosom sanga tu ise pe. Pasidung ma salisimu dohot halak i anso ulang mardosa ho hara ni ia.

MATEUS 18:15

“Muda mardosa kahanggimu tu ho, topotkon ma ia. Paboa tangkas salania i. Sip-sip ma langkahon tusia anso hum hamu na dua sajo. Muda ditangihon ia na nidokmi, madung dapot ho ia mangulahi.

LUKAS 3:19

Bope si Herodes, gubernur ni Galilea i laing digorahon si Johannes do hara ni na nibuatnia si Herodias dadaboru ni anggina bope hara ni sude hajahatannia na asing na nibaennia.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

SURAT NI SI PAULUS TU PARLAGUTAN ROM 13:12

Salpu ne ma borngin; jana torang ma ari santongkin nari. Antong, taantak ma angka pangalaho na golap. Tapasingkop ma dirinta dohot sinjata na torang.

SURAT NI SI PAULUS TU PARLAGUTAN ROM 16:17

Tapi hupaingot ma hamu, ale dongan, pardimata hamu ma angka na mangalo pangajaran na niguruhonmunu i, jana na mambaen parsalisian dohot pardandian. Padao hamu ma sian halahi.

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

GALATIA 6:8

Muda disuan halak sanga aha hombar tu bakona humani na jat i, angkon sabionna ma hamamago sian bakonia i. Tapi muda marguru tu panogu-noguon ni Tondi Parbadia ia manyuan, sabionnia ma ngolu na so mantak sian Tondi Parbadia.

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

EPESUS 5:12

Angke anggo angka na nibaen ni halahi di na buni, maila ma iba mangkobari i.)

EPESUS 5:7

Jadi, inda tola mardongan hamu dohot angka jolma sisongon i.

KOLOSSE 1:12

mardongan tarimakasi tu Ama i. Angke Ama i do na patumbukkon hamu gabe rayat di harajaan na tiur.

1 TESSALONIKA 5:7

Anggo halak na modom, borngin do ia modom. Halak na mabuk, laing borngin do ia mabuk.

2 TESSALONIKA 3:14

Betak adong na so ra mangihutkon na hami dok di bagasan surat on, tanda hamu ma halak na songon i jana ulang pardongan hamu halahi anso maila.

2 TESSALONIKA 3:6

Mangasahon kuaso ni Tuhan Jesus Kristus hami paingot ma hamu ale angka dongan, paholang hamu ma dirimunu sian angka dongan na losok, jana na so manangihon pangajaran na hami ajarkon tu hamu.

1 TIMOTEUS 5:20

Sanga ise na mardosa, angkon paingoton do di jolo ni sude parlagutan i anso mabiar na asing i.

1 TIMOTEUS 5:22

Ulang mamopoptu ho mangampehon tangan laho mangangkat sada-sada halak gabe pangoloi ni Tuhan. Muda mardosa halak, ulang ho dohot-dohotan di dosa i. Jagohon ma dirimu anso tongtong polin.

1 TIMOTEUS 6:5

dohot parsalisian na so marujung. Na dung puntol do pikiran ni halak na songon i jana sala. Diambang halahi tarbaen ma dapotan untung sian ugamo.

2 TIMOTEUS 3:5

Haru pe di sihapataran ringgas halahi mandalankon angka na niaturkon ni ugamo, tapi anggo hagogoon ni ugamo i sandiri nada adong be diboto halahi. Padao ma ho sian angka halak sisongon i.

2 TIMOTEUS 4:2

Jamitahon ma Jamita na sian Debata i di hatiha na denggan sanga na so denggan. Papos ma roha ni halak, paboa angka na sala, jana sosoi ma halahi. Ajari ma halak mardongan sude hasobaronmu.

TITUS 2:15

Ajarkon ma sudena i, jana paingot ma halahi jana gorahon ma angka na umbege jamitamu sian sude gogomu. Ulang ma adong na marlayas ni roha tu ho.

HALUMBAAN 18:4

Jadi hubege ma sada sora na asing sian banua ginjang mandok, “Ruar ma hamu angka bangsongKu! Ruar ma hamu sian bagasan! Ulang ihutkon hamu angka dosana i, jana ulang dohot hamu mananggung uhumanna i!