EPESUS 4:9 - BIBEL JAMITA NA DENGGAN

⁹ Jadi muda didok “manaek Ia” astuanna na dung mijur hian do Ia lopus tu inganan na partoru situtu di tano on.

EPESUS 4:9 ပူးပေါင်းရင်းမြစ်များ

PAMUNGKAAN 11:5

Jadi mijur ma Tuhan laho mangaligi kota dohot tugu na nipajongjong ni jolma i.

MASMUR 139:15

Dompak na dijadihon angka holi-holingku, jana jamot dipadomu-doMu di bagasan bortian ni dainang, di na mur magodang au di bagasan sihabunian i diboto Ho do au na disi.

MASMUR 63:9

Hape anggo angka jolma na giot mamunu au manuat noma i tu inganan banua toru.

MASMUR 8:5

Giot dos dohot diriMu dibaen Ho jolma, ditukui Ho ia dohot sangap na mulia.

HARURUAR 19:20

Mijur ma Tuhan di ambubu ni Dolok Sinai i jana dipiohon Ia ma si Musa anso ro tu puncut ni dolok i. Manangkok ma antong si Musa

PODA 30:4

Jolma dia ma he na umboto pangalaho ni banua ginjang? Unjung ma he dipohul ia di tanganna alogo, jana disaputi ia aek di bagasan bajuna, sanga manontuhon batas ni alam on sudena? Ise he ia jana ise anaknia? Pasti diboto ho do i?

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

JEHESKIEL 31:14

Tarjadi pe sudena i anso ulang marginjang ni roha do angka hayu na tubu di topi ni batang aek, ulang ma dipatimbo dirina lalu tu langit jana ulang ma sai marginjang ni roha. Angke sudena i madung dipasahat tu hamatean di toru ni tano rap dohot angka jolma na dung mate.”

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

JOHANNES 3:13

So na adong sahalak pe na jungada manaek tu banua ginjang, tapi anggo sian banua ginjang madung adong Sahalak na mijur tu tano on, i ma Anak Ni Jolma i.”

JOHANNES 6:33

Angke anggo sipanganon na nilehen ni Debata, i ma na mijur sian banua ginjang jana na mangalehen ngolu na so mantak tu portibi on.”

JOHANNES 6:38

Angke umbaen na mijur pe Au sian banua ginjang, na giot patuluskon hagiot ni na marsuru Au do, nada hagiotKu sandiri.

JOHANNES 6:41

Mamungka ma mungut-ungut halak Jahudi tu Jesus, hara ni na nidokNia i, “Au do roti na mijur sian banua ginjang i.”

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

JOHANNES 6:58

On do roti na mijur sian banua ginjang i: Nada sarupa sipanganon on dohot sipanganon na nipangan ni ompumunu. Angke dung dipangan halahi sipanganon i, laing mate do halahi. Tapi anggo na mangan sipanganon on, mangolu do salolotna.”

JOHANNES 6:62

Bia do muda diida hamu saulahon Anak Ni Jolma i mulak manaek tu ingananna humani?

JOHANNES 8:14

Dialusi Jesus ma, “Haru pe Husaksihon taringot tu diringKu sandiri, tutu do na Husaksihon i; angke Huboto do sanga sian dia Au ro jana tu dia Au kehe. Anggo hamu nada diboto hamu sanga sian dia Au ro jana tu dia Au kehe.

IBRANI 2:7

Santongkin dipasurut Ho ia sian surusuruan i, dung i ditukuhon Ho hasangapan, dohot hamuliaan tusia,

IBRANI 2:9

Tapi anggo Jesus madung taida mangarajai! Dibaen do Ia santongkin tumoruk saotik sian surusuruan anso tarbaen Ia mate laho manghopkop sude jolma hara ni denggan ni roha ni Debata. Taida do saonnari dilehen diSia juguhan na marmulia jana na sangap hara ni na dung manaon parkancitan Ia lopus mate.