EPESUS 4:8 - BIBEL JAMITA NA DENGGAN

⁸ Di Buku Na Badia i tarsurat do, “Dompak na manaek i Ia tu inganan na gumincat, dioban Ia do bahat na tartaban; jana diparbagihon Ia do angka silehen-lehen tu jolma.”

EPESUS 4:8 ပူးပေါင်းရင်းမြစ်များ

ESTER 2:18

Dung i dibaen raja i ma horja godang songon na pasangapkon si Ester jana diontang raja i ma sude pagawe dohot angka na sangapna. Dipabotohon ia ma ari paradianan di sandok harajaan i jana dibagi-bagihon ia ma silua marlobi-lobi.

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

PODA 30:4

Jolma dia ma he na umboto pangalaho ni banua ginjang? Unjung ma he dipohul ia di tanganna alogo, jana disaputi ia aek di bagasan bajuna, sanga manontuhon batas ni alam on sudena? Ise he ia jana ise anaknia? Pasti diboto ho do i?

EPESUS 4:11

Ia do “na mambagi-bagihon angka silehen-lehen tu jolma,” tu na deba dilehen Ia silehen-lehenNia anso gabe rasul, tu na asing anso gabe panurirang; tu na deba nari muse anso gabe parjamita di Jamita Na Denggan i, jana tu na asing muse dilehen Ia silehen-lehenNia anso gabe panjago ni parlagutan dohot angka guru.

KOLOSSE 2:15

Sude angka tondi na mamarenta dohot na markuaso gabe gale noma di parsilang ni Kristus i. Gabe sitontonan ni halak na bahat noma halahi dibaen, di na niiring ni Kristus halahi songon halak na tartaban di uduran ni hamonanganNia.

HAKIM-HAKIM 5:12

Jongjong ma si Debora jana tangging na marende i. Jongjong bo ho Barak anak ni si Abinoam, iring ma angka tahanan i.

1 SAMUEL 30:26

Di na mulak si Daud tu Ziklag, ditongoskon ia ma deba sian barang na dirampas i tu angka pamimpin ni Juda na adong di angka kota inganan haimbar-imbarannia dohot parangannia, didok ia ma, “On ma silua di hamu sian barang na hona rampas na hami buat sian musu ni Tuhan.”