EPESUS 4:32 - BIBEL JAMITA NA DENGGAN

³² Tapi gumonan ma burju jana lambok hamu sama hamu, bope na marsisesaan sala songon panyesa ni Debata di dosamunu markite-hite Kristus.

EPESUS 4:32 ပူးပေါင်းရင်းမြစ်များ

2 SAMUEL 7:21

Mangasahon janjiMi jana marguru tu hagiotMu, madung dilehen Ho, jana dipatuduhon Ho tu naposoMon, sude pangalaho na godang i.

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

MASMUR 145:9

Burju do Ho tu ganop jolma, jana dihaholongi Ho do sude na nitompaMu.

PODA 12:10

Halak na denggan manghaholongi pahan-pahananna; halak na jahat mamparhancitisa.

PODA 19:11

Halak na marroha ditahan do murukna. Tarpuji do ia hara ni na so parduli di hasalaan ni halak maradopkon ia.

PODA 19:22

Tabiat na nipangido sian sada-sada halak, i ma hasetiaanna. Gumonanan do na pogos ulang pado pargabus.

JESAYA 57:1

Mate halak partigor, jana nada adong sahalak pe na mampardulihonsa; angka halak na alim hona sintak hosana, jana nada adong na mangantureskonsa; tutu, hara ni na dung rarat hajahaton, hona sintak ma hosa ni halak partigor.

JEREMIA 38:12

Disuru si Ebedmelek ma hugampitkon angka abit i di gidik-gidikku gabe songon ganjalna anso ulang hancitan au dibaen tali i, jana huoloi ma na nidoknia i.

MATEUS 6:12

sesa ma angka dosanami, songon hami manyesa dosa ni angka na mardosa tu hami,

MARKUS 11:25

Dung i muda martangiang hamu, hape inda sonang rohamu mida sada halak, angkon jolo sesaonmu hasalaan ni halakna i anso disesa Amangmunu na di banua ginjang i muse dosamunu.” [

LUKAS 1:78

hara ni asi dohot holong ni roha na sian Debatanta, jana marhite i do bincar di hita sinondang manyogot sian inganan na gincat.

LUKAS 11:4

Sesa ma angka dosanami, songon hami manyesa dosa ni sude na marsala di hami. Ulang pamasuk hami tu bagasan pandugaan.’ ”

LUKAS 17:4

Muda pitu noli ia mardosa tu ho di bagasan sadari jana ganop noli ia ro tu ho mandok, ‘Mangido maap ma au,’ ampuni ma ia.”

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

LUKAS 6:37

“Ulang ma hamu manguhumi, anso ulang diuhumi Debata hamu muse. Ulang ma pasalahon halak, anso ulang dipasala hamu: Sesa ma, anso disesa hamu.

BAENON NI ANGKA RASUL 28:2

Burju-burju do halak pulo i maradopkon hami. Denggan do dijagit halahi hami jana manigor dipagara halahi do api di hami, angke mamungka ma ro muse udan boti hara ni ngali ni ari.

SURAT NI SI PAULUS TU PARLAGUTAN ROM 12:10

Tangkas ma hamu antong marsihaholongan sama hamu songon halak na martinadohon, jana marsijolo-joloan ma hamu marsipasangapan.

1 KORINTUS 13:4

Sobar do holong ni roha i jana burju. Nada mangiburu anggo holong ni roha i, inda marhata manggang, nada ginjang rohana.

2 KORINTUS 2:10

Muda diampuni hamu halak na marsala tu hamu, au pe huampuni ma halakna i. Harana, sanga ise na huampuni – muda adong ma siampunan – di adopan ni Kristus do i huampuni laho padenggankon hamu.

2 KORINTUS 2:7

Saonnari angkon ampunanmunu ma ia jana sosoanmunu mangulahi anso ulang mamarsaktu ia gabe mandele.

2 KORINTUS 6:6

Hami patuduhon do na tutu hami pangoloi ni Debata di habuluson ni rohanami, di parbinotoan di hasobaron dohot di denggan ni rohanami. Di bagasan Tondi Parbadia dohot sian holong ni roha na ias,

EPESUS 5:1

Dakdanak na nihaholongan ni Debata do hamu ale angka dongan. Hara ni i, tiru hamu ma Debata.

JAKOBUS 5:11

Hara ni sobarna halahi gabe dohonon ma halahi na martua. Diboto hamu do sanga na bia hasobaron ni si Job, jana diboto hamu do sanga na bia di ujungna dipasupasu Tuhan ia. Angke parasi roha na sumurung do Tuhan jana na denggan roha.

2 PETRUS 1:7

Di bagasan hadaulatan tu Debata ditambahon ma holong ni roha mida dongan, jana di bagasan holong ni roha mida dongan di tambahon ma holong ni roha mida sude halak.

1 JOHANNES 1:9

Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.

1 JOHANNES 2:12

Hubaen surat on tu hamu angka dakdanak, dibaen madung disesa dosamunu hara ni goarNia.

RUT 2:20

“Laing hita na sakahanggi do da i,” ning si Naomi. “Ia ma sada sian tonga-tonga ni kahangginta na angkon martanggung jawab salaho tu hita.” Laing didok si Naomi muse dope, “Sai dipasupasu Tuhan ma da si Boas. Tutu nian, sai na nipatulus ni Tuhan do janjiNa – tu angka halak na mangolu dope bope tu halahi angka na dung monding.”