EPESUS 4:31 - BIBEL JAMITA NA DENGGAN

³¹ Salpuhon hamu ma sandok hancit ni roha, hosom dohot muruk. Ulang be manyonggahi hamu sanga panyaor-nyaorkon, ulang be adong na margoyak ni roha sanga pangkilalaan na sarupa dohot i.

EPESUS 4:31 ပူးပေါင်းရင်းမြစ်များ

PAMUNGKAAN 27:41

Gabe goyak ma roha ni si Esau mida si Jakob harani na nilehen ni amangnia i pasupasuna tu angginia i. Ning ia ma di bagasan rohania, “Nada pola sadia honok nari marujung ma ngolu ni damang on jana marsiluluton ma hami. Dung salpu i, hubunu ma si Jakob.”

PAMUNGKAAN 37:21

Dibege si Ruben ma sangkap ni halahi i, dijalahi ia ma akal laho paluahon si Josep, “Ulang ma da tabunu ia,” ning ia.

PAMUNGKAAN 37:4

Jadi dung diida angka angkangnia i na humolongan roha ni amang ni halahi i mida si Josep ulang mida halahi, gabe goyak ma da roha ni halahi mida si Josep jabat nada ra be halahi burju manghobari dohot ia.

PAMUNGKAAN 4:8

Jadi didok si Kain ma tu si Abel anggina i, “Beta jolo hita tu ladang.” Jadi di hatiha di ladang halahi dibalbal si Kain ma angginia i lalu dibunu ia.

2 SAMUEL 13:22

Marhosom situtu ma si Absalom tu si Amnon jana nada ra be ia pangkulingkonsa hara ni na nibaennia i na so patut tu si Tamar, ibotonia i.

2 SAMUEL 19:27

Dipatubu-tubu ia muse dope hata na so tutu maradopkon au tu raja i. Tapi songon surusuruan ni Debata do raja i. Antong dibaen raja i ma sanga aha na denggan di roha ni raja i.

2 SAMUEL 19:43

Dialusi halak Israel i ma, “Sampulu lompit haknami gumodang di raja i ulang hamu, haru pe dumonok hamu tu raja i. Biasi palayasonmunu hami? Ulang hamu lupa, hami ma parjolo mangusulkon anso dioban raja i mangulahi!” Tapi kumaras dope halak Juda i sian halak Israel jana nada ra halahi talu.

MASMUR 101:5

Halak na mamurai di na buni, pasidungonku noma i. Halak na sombong dohot siginjang roha nada huhagioti.

MASMUR 140:11

Ulang padiar panggete-gete mangingani tano on, padiar ma halak na mangasahon gogo diayak-ayak hasusaan lopus mate.

MASMUR 15:3

na so ra manuhasi donganna, nada dibaen ia na jahat tu ale-alena, jana nada pajatkon goar ni hombar bagasna;

MASMUR 37:8

Ulang ho dirajai muruk dohot susa ni roha, hum na pamaol-maolkon dirimu do i sudena.

MASMUR 50:20

Sadihari sajo, matua na pabile kahanggimu do ho, jana pahata-hata donganmu saama-saina.

MASMUR 64:3

Dipatajom halahi do dilana songon podang, mandokkoni angka hata na tajom songon pana.

PODA 10:12

Goyak ni roha patubu partongkaran; holong ni roha mangampuni sudena hasalaan.

PODA 10:18

Halak na manabunihon hosom ni rohana, panipu do i, halak na pasarsarkon late, na bodo do i.

PODA 14:17

Na bodo do halak na momo muruk, tapi sabar do halak na bisuk.

PODA 18:8

Songon sipanganon na tabo do hobar na pajatjatkon, manigor bonduton do i.

PODA 19:12

Songon parngaur ni singa do parmuruk ni raja; tapi songon nambur tu suan-suanan do haburjuonna.

PODA 25:23

Alogo sian Utara pasti parohon udan; songon i muse ma na pahata-hatahon tontu patubu hamuruhan.

PODA 26:20

Mintop do api muda abis soban; muda nada adong be siruak baba, mantak do partongkaran.

PODA 29:22

Halak na muruk mura mambaen jolma bahat martongkar jana susa.

PODA 29:9

Muda parkaro halak na marroha dohot halak na oto, hum na panyaor-nyaorkon dohot na martata do na oto i.

PARJAMITA 7:9

Ulang mura biraraon; hum halak na oto do na patiop-tiop hosom.

JEREMIA 6:28

Pangalaho na jogal rungkung do halahi sude, songon pir ni tumbaga dohot bosi. Jat do pangalaho ni halahi jana na mardalani do halahi pasarsarkon barita na manilakoi halak na asing.

JEREMIA 9:4

Angkon jamot do halak maradopkon donganna salang dongan saama pe nada haposan, angke songon si Jakob, laing songon i ma halahi marsipaoto-oto kahanggina. Pahae-pahulu ganop be pasarkon hata manilakoi dohot gabus.

BAENON NI ANGKA RASUL 21:30

Jadi gabe gaor ma sude na sakota i, marsilojongkon lojongna ma halahi songon i marrongom. Ditangkup halahi ma si Paulus jana disarat halahi ma tu ruar ni Bagas Ni Debata i. Santongkin i manigor ditutup ma pintu ni Bagas Ni Debata.

SURAT NI SI PAULUS TU PARLAGUTAN ROM 3:14

Gok bura do pamangan ni halahi dohot gutgut.

1 KORINTUS 14:20

Hamu ale angka dongan! Ulang ma songon dakdanak parrohaonmunu. Taringot tu hajahatan, sugari laing tong ma hamu songon dakdanak na menek. Tapi anggo diparrohaon, gabe songon halak na dung impas godang ma hamu.

1 KORINTUS 5:8

Jadi tapestahon ma Paskanta i dohot roti na so marragi, i ma roti na manggambarkon hapolinon bope sasudena na tumbuk di roha ni Debata. Ulang ma tapestahon Paskah i mardongan roti na marragi na honok, i ma dosa dohot hajahatan.

2 KORINTUS 12:20

Sak do rohangku, muda ro au mandapotkon hamu saulahon, nada songon na nipangido ni rohangki dapotonku hamu, jana hamu pe nada songon na nipangido ni rohamunu i dapotonmunu au. Ulang so adong pe na marbadai, marsibunuan, na milas rohana, na marsipalua dirina, marsitilakoan, na pamilas-milas roha ni donganna, na ginjang roha, jana tarjadi hagaoran.

GALATIA 5:20

na manyomba gana-ganaan, sihir, parbadaan, parsalisian, mamikirkon diri sandiri, tahi-tahi na jat, pamola-mola,

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

KOLOSSE 3:19

Hamu angka ama! Haholongi hamu ma dadaborumunu. Ulang jungkat hamu tu halahi.

KOLOSSE 3:8

Tapi anggo saonnari angkon ambungkononmunu do angka pangalaho sisongon on sian dirimunu: Muruk, na manyonggahi dohot na margoyak ni roha mida halak. Ulang jabat ruar hata sian hamu na panyaor-nyaorkon sanga hata na hodar.

1 TIMOTEUS 3:11

Dadaboru ni halahi pe angkon halak na denggan roha do, ulang ma halak na ringgas mangkata-hatai hahurangan ni halak na asing. Angkon taroromsa do dirina jana haposan di sude pangalaho.

1 TIMOTEUS 3:3

ulang parmabuk sanga na parbada. Tapi angkon halak na lambok do jana pardame. Ulang halak na sai mangarohahon hepeng.

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

2 TIMOTEUS 2:23

Ulang ma dohoti angka partongkaran ni angka halak na oto na so umboto sanga aha. Angke diboto ho do i hum na parohon partangkangan do i.

2 TIMOTEUS 3:3

Nada adong be holong marsihaholongan di halahi, nada ra marsisesaan sala, sai ra pabusuk-busukkon goar ni halak, nada bisa mangorom diri, kejam jana nada giot di na denggan.

TITUS 1:7

Harana na mangurus karejo ni Debata do sada halak sintua jadi nada tola halak na targora. Nada tola ginjang rohana sanga na parmuruk, sanga na parmabuk, sanga na kasar, sanga na sai mangarohahon hepeng.

TITUS 2:3

Songon i muse angka dadaboru na matobang laing apoi halahi anso ias parange ni halahi songon na patut di angka halak na badia. Nada tola pajatjaton ni halahi goar ni halak, jana nada tola diparhatoban anggur. Angkon pangalaho na denggan do ajarkonon ni halahi,

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.

JAKOBUS 3:14

Tapi muda mangiburu hamu, markancit ni roha, muruk jana manyarihon dirina sajo, ulang ma hamu manggodang jana ulang hamu margabus mangalo hasintongan i.

JAKOBUS 4:11

Hamu angka dongan, ulang ma hamu marsitilakoan sanga marsipasalaan. Sanga ise na manilakoi sanga na pasalahon donganna Kristen, na manilakoi dohot na manyalahon angka Tona Ni Debata do i. Jana muda disalahon hamu angka Tona Ni Debata, na so diihutkon hamu be angka Tona i tapi gabe panguhum noma hamu disi.

1 PETRUS 2:1

Antong, ambungkon hamu ma sian dirimunu sandok na jat; ulang be hamu margabus jana ulang be mangalancap. Ulang mangiburu jana ulang mandok hata na jat hamu taringot tu dongan.

1 JOHANNES 3:12

Nada songon si Kain, na ro sian na jahat jana na mambunu anggina. Hara ni aha ma lakna umbaen na nibununia i? Dibaen na jahat do pambaenannia i, tapi na tigor do na nibaen ni angginia i.

1 JOHANNES 3:15

Halak na mangkosomi donganna, sibunu jolma do i, jana diboto hamu do ganop sibunu jolma nada maruli i di ngolu na manongtong.

HALUMBAAN 12:10

Dung i hubege ma sada sora na gogo sian banua ginjang na mandok, “Saonnari madung ro hatiha haluaan dohot kuaso dohot pamarentaon ni Debatanta, dohot hakuasoonNia na nimiahanNia. Harana madung di danggurkon tu toru angka na mangaduhon angka donganta i, na mangaduhon halahi arian dohot borngin di adopan ni Debatanta.