EPESUS 4:3 - BIBEL JAMITA NA DENGGAN

³ Marsitutu ma hamu parayakkon anso tongtong denggan mardalan hasadaon na nitompa ni Tondi Parbadia i, hara ni ngolumunu na mardame.

EPESUS 4:3 ပူးပေါင်းရင်းမြစ်များ

1 RAJA-RAJA 16:21

Masa parbolat-bolatan di bangso Israel, dibaen adong do deba na marpor ni roha anso si Tibni anak ni si Ginat gabe raja, tapi adong muse deba na manghagioti anso si Omri gabe raja.

HARURUAR 28:32

Nibibiran ma parrungkunganna i, anso ulang momo masibak.

PARJAMITA 4:12

Tartangkis do serangan muda mardalan dua halak sauduran, tapi halak na mamunjung sasahalak mura do ditaluhon. Tolu tali na dipuyu gabe sada, maol do gotapkonon.

MARKUS 3:24

Muda so adong hasadaon di sada harajaan, sai marbadai rayat sama rayat disi, na giot maronco ma harajaan i.

JOHANNES 13:34

Jagit hamu ma tona na imbaru on sian Au: Angkon marsihaholongan do hamu sama hamu. Songon pangkaholongingKu di hamu, laing songon i ma angkon marsihaholongan hamu.

1 KORINTUS 1:10

Hamu ale angka dongan! Mangasahon goar ni Tuhanta Jesus Kristus hupangido anso saroha hamu sudena di sude pangkataionmunu, anso ulang masa parbolat-bolatan di hamu. Angkon laing sada do hamu di pikiran dohot di angka haputusanmunu.

2 KORINTUS 13:11

Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.

EPESUS 4:13

Jadi muda dung songon i gabe sada ma hita sudena hara ni haporsayaan na sada i dohot hara ni pangastuion na sarupa taringot tu Anak Ni Debata i. Jana gabe halak na impas godang ma hita mur honok mur tu sanggamna songon Kristus i.

EPESUS 4:4

Hum sada sajo do pamatang i jana sada do Tondi. Laing songon i muse do hamu dipiohon tu sada arop ni roha na sarupa.

1 TESSALONIKA 5:13

Patuduhon hamu ma sangap na sagodang-godangna tu halahi. Haholongi hamu ma halahi marningot karejo na nibaen ni halahi. Sai mardame ma hamu na sada tu na asing.

IBRANI 12:14

Usahahon hamu ma anso mardame-dame hamu tu sude halak jana manggogo ma hamu anso hum di Tuhan ngolumunu, harana sahalak pe nada adong na tarbaen mida Tuhan anggo inda songon i pardalan ni ngoluna.