EPESUS 4:26 - BIBEL JAMITA NA DENGGAN

²⁶ Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

EPESUS 4:26 ပူးပေါင်းရင်းမြစ်များ

MASMUR 37:8

Ulang ho dirajai muruk dohot susa ni roha, hum na pamaol-maolkon dirimu do i sudena.

MASMUR 4:4

Padiar ma muruk hamu, tapi ulang be mardosa. Haru pe muruk ho simpan ma i di bagasan rohamu sajo jana pahusor-husor ma i di na payak ho modom di na buni borngin ni ari.

HARURUAR 11:8

Dung i didok si Musa ma muse, “Sude angka menterimu, angkon unduk di jolongku mangido, anso kehe au maroban sude bangsongki. Dung i pe anso kehe hami.” Mardongan muruk situtu, ditinggalkon si Musa ma raja i.

PODA 14:29

Halak na sobar bidang do pangastuionna, tapi halak parmuruk na pagodang haotoanna.

PODA 19:11

Halak na marroha ditahan do murukna. Tarpuji do ia hara ni na so parduli di hasalaan ni halak maradopkon ia.

PODA 25:23

Alogo sian Utara pasti parohon udan; songon i muse ma na pahata-hatahon tontu patubu hamuruhan.

PARJAMITA 7:9

Ulang mura biraraon; hum halak na oto do na patiop-tiop hosom.

BILANGAN 20:24

“Nada dohot be si Harun masuk tu tano na dung Hujanjihon tu halak Israel, angkon mate noma ia, dibaen dialo hamu na dua parentangKu di Meriba.

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MARKUS 10:14

Jadi marnida i muruk ma Jesus didok Ia ma tu angka anak siseanNia i, “Padiar hamu ma marroan angka dakdanak i tu Au! Ulang rarang hamu halahi. Angka halak sisongon i do na gabe nampuna Harajaan Ni Debata.

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

PANGARATAION 24:15

Ganop ari painte so lusut mataniari, angkon gararonmunu do gajina na markarejo sadari i, sai arop do rohania anso dapot ia antong hepeng i hara ni porluna i disia. Muda nada digarar hamu upana i, pio-pio ma ia tu Tuhan mangaduhon hamu jana torang ma hamu mardosa dokkononna.

JAKOBUS 1:19

Denggan ma parrohahon hamu on, hamu ale angka dongan na nihaholongan! Ganop halak angkon hipas do manangihon, tapi lambat ma mandok hata, jana maol ma laho muruk.

JAKOBUS 1:20

Harana nada tarbaen hamuruhon ni jolma mangkarejohon hatigoran ni Debata.

1 SAMUEL 20:34

Mardongan muruk na marpiar-piar ditadingkon si Jonatan ma meja parjamuan i jana nada mangan bagi aha ia di ari paduahon Pesta Bulan Baru i. Sun dokdok ni rohania pasari-sari si Daud na nipalayas ni si Saul amangnia i.