EPESUS 4:23 - BIBEL JAMITA NA DENGGAN

²³ Sugari angkon nipaimbaru ma nian sasudena rohamunu.

EPESUS 4:23 ပူးပေါင်းရင်းမြစ်များ

MASMUR 51:10

Tompa ma roha na polin di au, ale Debata, paimbaru ma rohangku di bagasan dohot tondi na marsihohot.

JEHESKIEL 11:19

LehenonKu ma tu halahi roha na imbaru dohot taroktok na imbaru. BuatonKu ma roha ni halahi na songon pir ni batu i jana gontionKu dohot roha na marpangoloion tu Au.

JEHESKIEL 18:31

Antak hamu ma sude hajahatan na nibaenmunu jana paimbaru hamu ma roha dohot pikiranmunu. Biasi angkon gumonan hamu mate?

JEHESKIEL 36:26

Jadi Hulehen ma roha na imbaru dohot pikiran na imbaru gontionKu ma rohamunu na pir songon batu, jana lehenon roha pangoloion.

SURAT NI SI PAULUS TU PARLAGUTAN ROM 12:2

Ulang pahombar hamu dirimunu tu hasiangan on, tapi pauba hamu ma dirimunu markite-hite haimbaruon ni rohamunu anso tartimbang hamu sanga dia do hagiot ni Debata: Na denggan, na tumbuk jana na sanggam.

SURAT NI SI PAULUS TU PARLAGUTAN ROM 6:4

Di pandidion i, madung ditanom hita rap dohot Ia, di bagasan hamatean do hita disi rap dohot Ia, anso songon Kristus na mulak mangolu i sian hamatean dibaen Ama na sangap i, laing songon i muse ma hita tarbaen mandalani ngolu na imbaru.

SURAT NI SI PAULUS TU PARLAGUTAN ROM 8:6

Muda bako ni jolma do manggohi rohaniba, hamatean ma ujungna. Tapi muda Tondi Ni Debata do manggohi rohaniba, mandapot hangoluan ma iba jana hasonangan sian Tondi Ni Debata.

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

KOLOSSE 3:10

Madung dipapakehon tu hamu ngolu na imbaru, na laing torus dipaimbaru anso dapotan parbinotoan na sintong mangihutkon rupa ni Panompania.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.