EPESUS 4:12 - BIBEL JAMITA NA DENGGAN

¹² Dibaen Ia sasudena i anso singkop do sudena halak na porsaya laho mangoloi Tuhan bope laho mambangun pamatang ni Kristus i.

EPESUS 4:12 ပူးပေါင်းရင်းမြစ်များ

LUKAS 22:32

Tapi madung martangiang Au hara ni ho Simon, anso ulang hambar haporsayaanmi. Jana muda dung mulak ho mangulahi tu Au, angkon patoguonmu do angka kahanggimu.”

BAENON NI ANGKA RASUL 1:17

Nietong hian do ia donganta jana na dung dipili hian do ia gabe donganta saparkarejoan.”

BAENON NI ANGKA RASUL 11:23

Jana dung lalu si Barnabas disi, diida ia ma sanga na bia pamasumasu ni Debata di halahi, gabe jop sajo ma rohania. Dung i dipaingot ia ma halahi anso tongtong marsihohot tu Tuhan i.

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

BAENON NI ANGKA RASUL 9:31

Jadi sonang ma angka parlagutan na di Judea, na di Galilea dohot na di Samaria. Boti hara ni pangurupi ni Tondi Parbadia gabe mur martamba ma angka parlagutan i, angke sai mabiar do halahi tu Tuhan di ngolu ni halahi.

SURAT NI SI PAULUS TU PARLAGUTAN ROM 12:5

Laing songon i do hita. Haru pe bahat hita, laing sada pamatang do hita di bagasan Kristus, tapi laing goar-goaran do na sada tu na asing.

SURAT NI SI PAULUS TU PARLAGUTAN ROM 12:7

Halak na mangurupi halak na asing, angkon marsitutu ma nian mangurupi halak. Halak na mangajari, tutu ma na mangajari i.

SURAT NI SI PAULUS TU PARLAGUTAN ROM 14:19

Jadi hara ni i, siparayahanta do tongtong angka pangalaho na mambaen hasosonang jana na marsipadengganan.

SURAT NI SI PAULUS TU PARLAGUTAN ROM 15:14

Hamu ale angka dongan! Pos do rohangku angkon bahat do angka pangalaho na denggan di hamu. Sasude do diboto hamu jana tarbaen hamu muse do marsiajar-ajaran na sada tu na sada nari.

SURAT NI SI PAULUS TU PARLAGUTAN ROM 15:2

Gumonan do hita manjalahi hasonangan ni dongan, laho parayakkon hadenggananna jana paulihonsa.

SURAT NI SI PAULUS TU PARLAGUTAN ROM 15:29

Huboto do muda ro au, angkon boanonku do angka pasupasu na sian Kristus di hamu.

1 KORINTUS 12:27

Hamu sudena rap pamatang ni Kristus do hamu, jana pasada-sada hamu bagian ni pamatang i do.

1 KORINTUS 12:7

Laho patumbukkon na hasaya di hita sude, markarejo do Tondi Parbadia di ganop hita tapi asing be dalanna.

1 KORINTUS 14:12

Taringot tu hamu sandiri, huboto do na por rohamunu maruli angka hasurungan sian Tondi i. Tapi anggo na dumenggan, angkon marusaho do hamu laho mamake hamaloon i, mangurupi parlagutan i tu hamajuon.

1 KORINTUS 14:14

Angke sugari martangiang iba di hata na so niastuan, martangiang do nian tondiniba, tapi nada markarejo.

1 KORINTUS 14:26

Antong hamu ale angka dongan, aha ma he astuan ni i sudena? Muda marlagut hamu laho marsomba tu Tuhan: Adong ma na marende, adong na mangajari, adong na paboahon sanga na aha sian Debata, adong na mangkobari di hata na so niastuan, jana adong na patorangkon sanga aha na nidokna i. Tapi sasudena i, angkon mangajari dohot padenggankon do tu sudena i nibaen.

2 KORINTUS 12:19

Betak na dipikir rohamunu do na laho mangabarahon dirinami sandiri hami maradopkon hamu sahonokna on. Di adopan ni Debata dohot Kristus hami dokkon ma: Sasudena i dikarejohon laho patoguhon haporsayaanmunu.

2 KORINTUS 13:11

Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.

2 KORINTUS 13:9

Jop do rohanami muda gale hami, jana hamu margogo. Laing hami tangiangkon do anso gabe sanggam hamu nian.

2 KORINTUS 3:8

mur ma di na mamungka parjanjian na nilehen ni Tondi i, dao dope tumorang disi.

2 KORINTUS 4:1

Na niurupan ni Debata do hami mangkarejohon karejo on. Na nilehenNia do karejo on di hami. Hara ni i ma umbaen na so mandele hami.

2 KORINTUS 5:18

Debata do mambaen i sude, anso mardenggan hita dohot Debata markite-hite Kristus. Dung i disuru Ia muse ma hita palaluhon Jamita Na Denggan i anso laing dohot muse halak na asing mardenggan dohot diriNa.

2 KORINTUS 6:3

Nada jungada hami baen batu partuktuhan tu sanga ise pe, anso ulang targora tohonannami i.

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

EPESUS 1:23

Pamatang ni Kristus do parlagutan i. Hara ni pamatang i, gabe sanggam ma parlagutan i hara ni Ia na mambaen sasudena gabe sanggam.

EPESUS 4:16

Muda Ia do uluan na mamimpin hita, sude angka bagian ni pamatang i maraturan do sude parsusun ni i, na nipadomu-domu ni angka ruasna be na sada tu na asing. Jadi muda denggan do marsikarejohon karejona be angka anggota i songon na sapatutna, gabe mur magodang ma sude pamatang i jana mur margogo markite-hite holong ni roha.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

EPESUS 4:4

Hum sada sajo do pamatang i jana sada do Tondi. Laing songon i muse do hamu dipiohon tu sada arop ni roha na sarupa.

KOLOSSE 1:24

Saonnari jop do rohangku manaon parkancitan laho pasari-sari hamu. Angke hara ni sitaonon na adong di pamatangkon, hupaujung do sanga aha dope na angkon taonon ni Kristus hara ni parlagutanNia i, i ma pamatangNia i.

KOLOSSE 1:28

Kristus do na hami jamitahon tu ganop halak. Hami paingot do halahi sudena jana hami ajari mardongan sudena hamaloan na adong di hami. Anggo tujuannami, anso sude do jolma taroban tu Debata songon halak na dung impas godang di angka pangalaho partondion, hara ni na dung mardomu dohot Kristus.

KOLOSSE 4:17

Jana tonahon hamu ma tu si Arkippus, “Pasidung ma karejo na dilehen tu ho laho mangoloi Tuhan.”

1 TIMOTEUS 1:12

Mandok tarimakasi do au tu Jesus Kristus Tuhanta i, na mangalehen gogo di au laho mangoloi Ia jana na mangetong au gabe songon sada halak haposan maniop karejo i.

2 TIMOTEUS 4:11

Hum si Lukas noma na rap dohot au. Alap ma si Markus jana oban ma ia tuson, angke tangkas do tarurupi ia au di bagasan parkarejoanku.

2 TIMOTEUS 4:5

Tapi haru songon i pe, ulang pola jabat dut rohamu marnida sanga aha pe na masa. Sobar ma ho di parkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-dengganna.

IBRANI 13:17

Ihutkon hamu ma angka parenta na sian pamimpinmunu jana oloi hamu ma na nidok ni halahi. Angke tongtong do diparrohahon halahi tondimunu jana angkon martanggung jawab do halahi tu Debata. Muda dioloi hamu do halahi, tarbaen halahi ma markarejo di bagasan sonang ni roha; muda inda songon i, humolos ma halahi na karejo i, jana nada adong ro labo sian na songon i di hamu.

IBRANI 6:1

Hara ni i, tapadiar ma jolo ojahan na parjolo sian ajaran taringot tu Kristus, jana taparayak ma hasanggapan i. Ulang be taulahi mambaen ojahan taringot tu hamubaan ni roha sian pambaenan na so hasaya, jana ojahan haporsayaan tu Debata,