EPESUS 4:10 - BIBEL JAMITA NA DENGGAN

¹⁰ Jana na mijur i, laing Ia muse do na manaek lopus tu inganan na dao gumincat sian langit ni langit an, jabat gabe gok sasudena langit dohot tano on hara ni haroroNia.

EPESUS 4:10 ပူးပေါင်းရင်းမြစ်များ

MATEUS 24:34

Ingot hamu ma! Dompak so mate dope halak na mangolu sisaonnari on, tulus ma sudena i.

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

JOHANNES 19:24

Dung i didok angka tentara i ma sama halahi, “Ulang pola tabagi anggo on. Taundi ma manontuhon sanga ise na mandapot on.” Anso laing tulus ma tarjadi na tarsurat di Buku Na Badia i na mandok songon on, “Dibagi-bagi halahi ma pakeanKu. Jana diundi halahi ma laho manontuhon bajungKu.” I ma na dung nipatulus ni angka tentara i.

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”

JOHANNES 19:36

Umbaen na songon i pe i, anso laing tulus do tarjadi na tarsurat di Buku Na Badia i, i ma, “Umpe sada sian holi-holiNa i na niponggol.”

BAENON NI ANGKA RASUL 1:11

Ninna ma, “Ale hamu halak Galilea, biasi jongjong sajo hamu disi mangaligi tu langit i? Anggo Jesus na niidamunu i kehe manaek tu banua ginjang di adopanmunu, mulak do Ia mangulahi laing songon na niidamunu sinangkin.”

BAENON NI ANGKA RASUL 1:9

Dung didok Jesus songon i, tarangkat ma Ia tu banua ginjang dipanotnoti halahi, jana diholipi ombun i ma Ia sian parnidaan ni halahi.

BAENON NI ANGKA RASUL 2:33

Dipatuginjang do Ia tu inganan ditangan siamun ni Debata, laing dijagit Ia ma sian Ama i Tondi Parbadia na dung nijanjihon hian. Tondi i ma na niusehon saonnari tu hami, jana i ma na nibege dohot na niidamunu angka dongan saonnari.

BAENON NI ANGKA RASUL 3:18

Jana hara ni i ma umbaen na laing tarjadi sanga aha na dung dipabotohon Debata markite-hite angka panurirangNia, paboa na angkon manaon parkancitan do hape Kristus i.

2 KORINTUS 12:2

Hutanda do sada halak Kristen na niangkat tu banua ginjang tingkat patoluhon, opat bolas taon na salpu. (Nada huboto tangkasna sanga na tutu pamatangna i diangkat, sanga na hum parnidaan sajo i – Debata ma na umbotosa.)

EPESUS 3:19

na so tarastui sabagas-bagasna anggo marsuhat tu pikiran ni jolma. Sai ditanda hamu ma nian holong ni roha ni Kristus i, anso gok hamu dohot hadirion ni Debata na sanggam i.

KOLOSSE 1:19

Na nihagiotan ni Debata sandiri do anso sasudena na dapot di bagasan diri ni Debata sandiri adong muse sudena i di diri ni AnakNia i.

KOLOSSE 2:9

Angke sasudena hadirion ni Debata dapot do di Kristus, i ma di bagasan hajolmaonNia.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

IBRANI 4:14

Hara ni i do dibaen na angkon togu tioponta haporsayaanta i. Angke adong do Malim Godang na sangap di hita, na dung masuk lalu tu jolo ni Debata – i ma Jesus Anak Ni Debata.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

IBRANI 8:1

Impola ni sude na tahatai on, songon on ma: Adong do di hita Malim Godang na songon i, na juguk di siamun ni habangsa ni Debata Na Gumodang i di banua ginjang.