EPESUS 3:20 - BIBEL JAMITA NA DENGGAN

²⁰ Markite-hite kuaso ni Debata na marsitutu i markarejo di bagasan dirinta, tarpatupa Debata do dao umbahat dope sian angka na hita pangido dohot na tapikirkon.

EPESUS 3:20 ပူးပေါင်းရင်းမြစ်များ

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 18:4

Paloas hamu ma jolo au laho mangalap aek pamasu ni patmunu, jana di toru ni hayu on ma hamu jolo marsilaung maradian.

2 SAMUEL 7:19

Lobi sian i dope tehe dipatupa Ho, ale Tuhan Na Gumincat; madung dipajojor Ho muse dope janji taringot tu pomparanku di hatiha na giot ro. Jana dipatidahon Ho do i tu au haru pe hum jolma sajo au ale Tuhan Na Gumincat!

1 RAJA-RAJA 3:13

Salang angka na so dipangido ho pe lehenonKu do di ho. Salolot mangolu ho mamora ma ho jana dipasangap halak lumobi sian raja na asing sanga na ise pe.

2 JUJUR TAON 25:9

“Tapi bia ma taringot tu perak na dung sanga i hulehen tu halahi?” ning si Amasia marsapa. Dialusi panurirang i ma, “Tarpaulak Tuhan do tu raja i lobi sian i!”

2 JUJUR TAON 9:12

Dilehen si Salomo ma tu Ratu ni tano Seba i sanga aha na nipangidonia, asing ni angka hadiah na somal dilehen si Salomo. Dung i mulak ma Ratu i tu tanonia rap dohot angka na mangudurkon ia.

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

ENDE NA GODANG 5:1

Anggi na huririt, ro do au tu kobunku; huincop asar ni loba dohot aerna; huinum susu dohot anggur; hupalagut angka parmasak dohot anggur. Mangan minum ma, hamu angka dongan sudena, lopus mabuk be hamu di holong ni roha.

JESAYA 35:2

Parhorsihan martumburi maradu manyarmak, marhujingjang marlogu na riang-riang. Songon Dolok Libanon jegesna, tudos tu Rura Karmel dohot Saron parnapuna. Gabe tatapon ni halak ma sudena kuaso ni Tuhan dohot hagodangan ni Debatanta.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

JEREMIA 32:27

“Au do Tuhan Debata ni sude jolma. Nada adong na maol di Au.

DANIEL 3:17

Muda margogo antong Debatanami paluahon hami sian purunan api na gara-gara i dohot sian kuaso ni raja i, angkon baenonNia do songon i.

DANIEL 6:20

Di andostorang i ngot ma raja i, jana mopop ma ia kehe tu liang ni singa i.

MATEUS 3:9

Dung i ulang didok rohamunu, tarpatigor hamu dirimunu muda didok hamu, ‘Ompungnami do si Abraham.’ Au ma mandok di hamu, sian batu i pe tarbaen Debata do pomparan di si Abraham!

JOHANNES 10:10

Anggo panangko, na giot manangko sajo do i muda ro, mamatehon dohot manyegohon. Tapi anggo Au muda ro, anso marhangoluan do halahi – i ma hangoluan na marlobi-lobi.”

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

SURAT NI SI PAULUS TU PARLAGUTAN ROM 4:21

Pos situtu do rohania paboa na tuk do gogo ni Debata patuluskon sanga aha na nijanjihonNia i.

1 KORINTUS 2:9

Tapi songon na nidok ni surat di Buku Na Badia i do, “Anggo di angka halak na manghaholongi Debata, madung dipasingkop Debata hian angka na so unjung diida mata, sanga dibege jolma, jana na so jungada muse dope tubu di bagasan roha ni jolma.”

2 KORINTUS 9:8

Bisa do Debata mangalehen pasupasu mardapot-dapot tu hamu, anso laing singkop sibaenonmunu; marlobian dope tehe tarbaen hamu mangkarejohon na denggan.

EPESUS 1:19

Jana na godang do kuasoNia di hita angka na dung porsaya mangihutkon kuaso hagogoonNia na togu i,

EPESUS 3:7

Dilehen Debata do tu au karejo na gabe hapunjunganku, i ma karejo laho manjamitahon Jamita Na Denggan i. Hujagit do karejo i markite-hite kuaso ni Debata, na marsitutu markarejo di bagasan diringku.

KOLOSSE 1:29

Hugogoi do markarejo anso lalu tu tujuan i. Marjuang do au mamake sude gogo na nipasahat ni Kristus di au jana na markarejo di bagasan diringku.

1 TIMOTEUS 1:14

Hape asi ni roha ni Tuhanta i madung dipasupasuhon marlobi-lobi tu au. Dilehen Ia do i marhite haporsayaan dohot holong ni roha di bagasan Kristus Jesus.

IBRANI 11:19

Angke dihilala si Abraham, tarbaen Debata do pangoluhon angka na mate. Jadi bolas didok, madung dijagit si Abraham mangulahi si Ishak sian hamatean.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

JAKOBUS 4:12

Hape nian, hum sada do na marhak mamarenta jolma dohot manguhumisa. I ma Debata na margogo paluahon dohot pangabiskon. Jadi, ise ma hamu lakna umbaen na jabat ra hamu pasala halak na asing, laing jolma na somal songon hamu.

2 PETRUS 1:11

Jadi muda songon i, lehenonNa ma di hamu hak na gok anso gabe anggota ni Harajaan Na Manongtong, i ma Harajaan Ni Tuhan dohot Sipalua hita, i ma Jesus Kristus na mamarenta salolot ni lolotna.

JUDAS 1:24

Debata do na margogo manjagohon hamu, anso ulang tinggang, jana na pajongjongkon hamu di adopan ni hasangapanNia di bagasan jop ni roha, jana nada martihas.