EPESUS 3:1 - BIBEL JAMITA NA DENGGAN

¹ I ma dalanna umbaen na tarhurung au si Paulus hara ni Jesus Kristus, laho manyarihon haporluanmunu angka dongan na so bangso Jahudi.

EPESUS 3:1 ပူးပေါင်းရင်းမြစ်များ

LUKAS 21:12

Tapi taran so tarjadi dope i sudena, tangkupon ma hamu jana parkancitan. Adilan ma hamu di angka bagas paribadatan jana dipamasuk ma hamu tu hurungan. Jana saraton ma hamu tu jolo ni angka raja dohot angka parkuaso hara ni goarKu.

BAENON NI ANGKA RASUL 21:33

Didapotkon komandan i ma si Paulus, ditangkup ma ia jana disuru komandan i ma halak mangarante si Paulus. Dung i disapai komandan i ma sanga ise si Paulus jana sanga aha na nibaennia.

BAENON NI ANGKA RASUL 23:18

Dioban perwira i ma doli-doli i tu komandan i, didok ia, “Na nipiohon ni si Paulus, tahananta i do au jana dipangido ia anso huoban doli-doli on tu jolomu; adong na giot sipaboaonnia,” ning perwira i.

BAENON NI ANGKA RASUL 26:29

“Sigop sanga na lolot, hutangiangkon do tu Debata anso gabe porsaya hamu sudena na umbege hatangkon sadari on, raja i dohot angka ama na dison anso gabe songon au on – asing sian rante on!”

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

2 KORINTUS 1:6

Muda hami taon hasusaan, laho patoguhon rohamunu do i, anso malua hamu. Muda mur togu rohanami, gabe dohot do hamu dipatogu jana gabe sobar hamu di bagasan angka hasusaan songon na hami taon i.

2 KORINTUS 10:1

Saonnari, au si Paulus, hupaingot ma hamu markite-hite lambok ni roha dohot habasaron ni Kristus. Anggo ninna halak na parbiar do au di tonga-tongamunu taran marsuo bohi tu bohi, tapi puluk do au muda dao sian hamu. Antong, hara ni halambohon bope hadengganan ni roha ni Kristus,

2 KORINTUS 11:23

Angka naposo ni Kristus dehe halahi? Aropku songon halak na dung lalaen do au, tapi hape dao dumenggan dope au songon pangoloi ulang pado halahi sudena! Marsitutuan dope au karejo, jumotjot dope au tarhurung ulang halahi, umbahat dope parkancitan na hutaon jana jotjot do au giot mate.

GALATIA 5:11

Salaho tu au hamu ale angka dongan! Biasi sai gabe diayak-ayak au, muda laing hujamitahon na porlu dope paraturan ni sunat i? Angke muda hujamitahon dope songon i, tontu nada pola sihagigian be jamita taringot tu silang ni Kristus i.

GALATIA 5:2

Ingot ma, muda dipangido hamu sunaton hamu, na so adong do sanga aha guna ni Kristus di hamu. Au sandiri si Paulus do na mandok on.

GALATIA 5:24

Angka halak na dung gabe nampuna ni Kristus Jesus, madung dimatehon halahi do bakona humani na jat i.

EPESUS 3:11

Mardomu tu sangkapNia na so ra muba i do sudena i dibaen Debata na nipatulusNia markite-hite Jesus Kristus Tuhanta i.

EPESUS 3:13

Jadi pangidoanku: Ulang pola ganggu be rohamunu mamikirkon sanga aha pe na hutaon hara ni hamu; laho patamahon na tu hamu do sudena i.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

EPESUS 6:20

Gabe utusan do au hara ni Jamita Na Denggan i jana di hurungan saonnari. Tangiangkon hamu ma anso puluk au mangkobari taringot tu Jamita Na Denggan i, songon na patut sidohononku.

PILIPPI 1:7

Sai tongtong do di bagasan rohangku hamu sude. I do tutu tamana muda pe songon i pangkilalaanku taringot tu hamu. Angke na rap maruli do hamu sudena dohot au di silehen-lehen na nipasahat ni Debata di au; bope saonnari dompak tarhurung au sanga pe hatiha di ruar au laho mambela dohot mampartahankon Jamita Na Denggan i.

KOLOSSE 1:24

Saonnari jop do rohangku manaon parkancitan laho pasari-sari hamu. Angke hara ni sitaonon na adong di pamatangkon, hupaujung do sanga aha dope na angkon taonon ni Kristus hara ni parlagutanNia i, i ma pamatangNia i.

KOLOSSE 4:18

Tabe sian au si Paulus. Au sandiri do na manyurat bagian on. Ulang lupa hamu bahaso na tarhurung dope au! Sai dipasupasu Debata ma hamu tongtong.

KOLOSSE 4:3

Laing tangiangkon hamu ma hami anso dilehen Debata di hami hatiha na denggan laho pararatkon rahasia na sian Debata taringot tu Kristus i. Angke hara ni i do umbaen na pola tarhurung au saonnari.

2 TIMOTEUS 1:16

Tapi anggo na sian bagas ni si Onesiporus madung adong sanga na piga noli dipajop ia rohangku. Ibo ma roha ni Tuhan, sai dilehen ma tu halahi asi ni rohaNa. Haru pe tarhurung au, nada pola maila si Onesiporus marnida na masa tu au.

2 TIMOTEUS 1:8

Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.

PILEMON 1:1

Sian si Paulus, sada halak na tarhurung hara ni Kristus Jesus, dohot sian si Timoteus donganta, tu si Pilemon na nihaholongan, dongan saparkarejoannami.

PILEMON 1:23

Palalu tabe do tu ho si Epafras na tarhurung rap dohot au hara ni Jesus Kristus.

PILEMON 1:9

Tapi hara ni holong ni roha, gumonan noma mangido au tu ho. Au, si Paulus na dung matobang, jana na dihurung saonnari hara ni Kristus Jesus,

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.