EPESUS 2:8 - BIBEL JAMITA NA DENGGAN

⁸ Angke hara ni asi ni roha do malua hamu markite-hite haporsayaan, nada hara ni gogomunu sandiri, tapi silehen-lehen ni Debata do i;

EPESUS 2:8 ပူးပေါင်းရင်းမြစ်များ

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

MATEUS 20:9

Dung i ro ma angka na masuk karejo pukul lima andospotang i. Sada be ma hepeng perak dijagit halahi.

MARKUS 16:16

Malua ma angka na porsaya jana na nididi. Tapi anggo halak na so ra porsaya hona uhum do.

LUKAS 7:50

Tapi didok Jesus ma tu dadaboru i, “Haporsayaanmu do na paluahon ho, kehe ma ho di bagasan hahorasan!”

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

JOHANNES 5:24

Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.

JOHANNES 6:35

Jadi didok Jesus ma tu halahi, “Au do roti na mangalehen hangoluan; sanga ise na ro tu Au nada malean be ia, jana sanga ise na porsaya tu Au nada manguas be ia.

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

JOHANNES 6:44

Nada tarbaen sanga ise pe ro tu Au, anggo so disosoi Damang na marsuru Au halakna i tu Au; jana pangoluonKu ma halahi di Ari Parpudi.

JOHANNES 6:65

Dung i didok Jesus ma mangulahi, “Hara ni i ma umbaen na Hudok tu hamu, umpe sahalak tarbaen ro tu Au anggo so dilehen Damang dalan disia laho mandapotkon Au.”

BAENON NI ANGKA RASUL 13:39

jana nipatigor do ganup halak na porsaya diSia. Nada tarpalua hamu markite-hite tona ni si Musa.

BAENON NI ANGKA RASUL 14:27

Dung lalu halahi di Antiokia, dipalagut halahi ma angka dongan na di parlagutan i. Dibaritahon halahi ma sude na dung dibaen Debata markite-hite halahi. Laing dipaboa halahi ma sanga na bia dibaen Debata laho mangungkap dalan anso laing dohot halak na asing na so Jahudi mangkaporsayai Jesus.

BAENON NI ANGKA RASUL 15:11

Di balik ni i tahaporsayai do, hum hara ni ibo ni roha ni Tuhan Jesus sajo do umbaen na malua hita; laing songon i muse ma halahi.”

BAENON NI ANGKA RASUL 16:14

Adong ma sahalak sian halahi parjagal abit ungu, si Lidia goarna halak Tiatira. Holong do rohania tu Debata, gabe diungkap Debata ma rohania laho manjagit na niajarkon ni si Paulus tusia.

BAENON NI ANGKA RASUL 16:31

Dialusi si Paulus ma dohot si Silas, “Porsaya ma ho tu Tuhan Jesus! Dapotan haluaan ma ho, dohot sude halak na adong di bagasmu!” ninna halahi.

SURAT NI SI PAULUS TU PARLAGUTAN ROM 10:14

Tapi bia ma parpio ni halak tuSia anggo so porsaya dope halahi tuSia? Jana bia ma pangkaporsayai ni halahi di Tuhan i anggo so jolo dibege halahi taringot tuSia? Jana bia ma baenon ni halahi umbege taringot tuSia, anggo so adong halak na manjamitahonsa?

SURAT NI SI PAULUS TU PARLAGUTAN ROM 10:17

Jadi sian parbinegean do ro haporsayaan, jana parbinegean i markite-hite hata ni Kristus.

SURAT NI SI PAULUS TU PARLAGUTAN ROM 4:16

Hara ni i, janji i marondolan tu haporsayaan, anso mangihutkon asi ni roha, gabe marpanginonai ma janji i tu sude pomparan ni si Abraham, nada hum di halak na mangolu sian Tona i, tapi dohot do di halak na mangolu sian haporsayaan ni si Abraham. Ompu ni hita sude do ia,

SURAT NI SI PAULUS TU PARLAGUTAN ROM 4:5

Tapi muda adong halak na so markarejo, hape porsaya tuSia na patigorkon halak pardosa, diparetongkon ma haporsayaannia i gabe hatigoran.

SURAT NI SI PAULUS TU PARLAGUTAN ROM 9:16

Antong nada marguru tu hagiot ni jolma, sanga pambaenan ni jolma, tapi tu holong ni roha ni Debata do.

GALATIA 3:14

Dibaen Kristus Jesus pe songon i anso laing dilehen do tu angka bangso na asing pasupasu na nijanjihon ni Debata tu si Abraham i. Dung i hita na porsaya tu Debata, tola ma manjagit Tondi na nijanjihon ni Debata i.

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

EPESUS 1:19

Jana na godang do kuasoNia di hita angka na dung porsaya mangihutkon kuaso hagogoonNia na togu i,

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

EPESUS 2:5

Jadi hatiha mate hita di partondionta, hara ni pangalaosionta dipangolu Ia hita mangulahi rap dohot Kristus. Jadi hum hara ni asi ni roha do umbaen na dipalua hamu.

PILIPPI 1:29

Angke nada hum dalan mangkaporsayai Kristus na nilehen ni Debata tu hamu, tapi dohot do dalan tu parkancitan hara ni Kristus.

KOLOSSE 2:12

Angke di na nididihon i hamu, ditanom do hamu rap dohot Kristus; jana laing hara ni pandidion i muse, dohot do hamu dipangolu mangulahi rap dohot Kristus angke dihaporsayai hamu do kuaso ni Debata na dung pangoluhon Kristus sian hamatean.

2 TESSALONIKA 1:9

Uhumon ma halahi tu hamagoan na salolot-lolotna, dao sian adopan ni Tuhan i bope sian hasangapan ni hagogoanNia.

IBRANI 6:4

Nabaruon madung maringanan halahi di sinondang na sian Debata, jana madung didai halahi hatonggian ni angka pasupasu na sian banua ginjang. Halahi pe madung manjagit Tondi Parbadia.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.