EPESUS 2:3 - BIBEL JAMITA NA DENGGAN

³ Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

EPESUS 2:3 ပူးပေါင်းရင်းမြစ်များ

PAMUNGKAAN 5:3

Dung marumur si Adam 130 taon, maruli anak halaklahi ma ia na suman tusia, gabe digoari ia ma i si Set.

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

PAMUNGKAAN 8:21

Moga ma Tuhan dibaen uap na huskus sian haul somba-somba i, jana didok Tuhan ma di bagasan rohaNia, “Nanggo buraanKu be portibi on hara ni pangalaho ni jolma; Huboto, sian haposoon ni jolma i do jahat pikiranna. Nada uhumanKu be sude jolma na mangolu, songon na baru Hubaen i.

JOB 14:4

Tarbaen ma he jolma pardosa parohon na sanggam soada hurangna?

JOB 25:4

Tarbaen ma he jolma, denggan di jolo ni Debata? Tarbaen ma halahi pita di parnidaanNia?

MASMUR 51:5

Olo tutu do na jahat au mamungka sorang, dirajai dosa do au mamungka sian bortian.

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

MARKUS 4:19

tapi disegohon pangkilalaan na humolos ma taringot tu ngolu ni halahi. Sai giot maradong. Marragam ma hagiot na mangganggui roha ni halahi. Gabe mate ma hata i na sian Debata, inda marguna be di roha ni halahi.

JOHANNES 1:13

i ma angka na so tubu sian mudar, sanga sian roha sibuk, sanga sian hagiot ni halaklahi, tapi na ditubuhon ni Debata.

JOHANNES 8:44

Angka anak ni Sibolis do hamu. Jadi hagiot ni amangmunu do na nijalahanmunu. Sian mula-mulana do Sibolis i sibunu jolma. Nada mangolu dibagasan hatutuan ia, harana nada adong disia hatutuan. Pargabus do Sibolis, angke songon i hian do bako ni i. Tutu do pargabus Sibolis i, ia do ama ni sandok gabus.

BAENON NI ANGKA RASUL 14:16

Anggo na salpu i dipadiar Debata do angka bangso marsibaen rohana be na mangolu i.

SURAT NI SI PAULUS TU PARLAGUTAN ROM 1:24

Jadi gabe dipadiar Debata noma halahi dirajai hagiot ni roha ni halahi laho mambaen na jat, gabe dipambaeni halahi ma angka pangalaho na pabilehon pamatang ni halahi sama halahi.

SURAT NI SI PAULUS TU PARLAGUTAN ROM 11:30

Najolo nada mangoloi Debata hamu. Hape saonnari madung dapotan asi ni roha do hamu, hara ni na so ra halak Jahudi mangoloi.

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

SURAT NI SI PAULUS TU PARLAGUTAN ROM 2:14

Anggo bangso na asing, nada diboto halahi Tona i. Tapi muda dipatulus halahi na nidok di bagasan Tona i sian roha ni halahi sandiri, jadi roha ni halahi sandiri ma na gabe tona ni halahi, haru pe nada diboto halahi dope Tona Ni Debata.

SURAT NI SI PAULUS TU PARLAGUTAN ROM 5:10

Harana muda hatiha musu dope hita, dipadame hita dohot Debata markite hamamate ni AnakNia, tarlumobi hita na saonnari na dung dipadame, pasti do angkon dipalua markite ngoluNia.

SURAT NI SI PAULUS TU PARLAGUTAN ROM 5:9

Tarlumobi, hara ni na dung dipatigor hita saonnari di bagasan mudarNia, pasti do hita dipalua sian rimas ni Debata.

SURAT NI SI PAULUS TU PARLAGUTAN ROM 6:12

Antong ulang be paloas hamu dosa i mangarajai pamatangmunu na ra mate i, anso ulang dioloi hamu be hagiotna na jahat i.

SURAT NI SI PAULUS TU PARLAGUTAN ROM 7:18

Huboto do nian, na so adong sanga aha pe na denggan di bagasan diringku; i ma di bagasan bako na adong di au songon jolma na somal. Adong do nian hagiot ni roha di au, tapi nada mambaen na denggan.

SURAT NI SI PAULUS TU PARLAGUTAN ROM 9:22

Laing tarsongon i muse ma pambaen ni Debata. Por rohaNia palalu rimasNia dohot patuduhon kuasoNia. Haru pe songon i laing dipahapal Ia do sobarNia maradopkon halak siuhuman hara ni na pamilaskon rohaNia.

1 KORINTUS 4:7

Ise dehe na mambaen hamu marhasurungan sian na asing? Nada he na nijagitmunu do sude sian Debata? Antong biasi ma he manggodang diri hamu songon dia ma na adong di hamu songon na so nilehen i di hamu?

2 KORINTUS 7:1

Antong hamu ale dongan na nihaholongan! Tu hita do dibaen angka janji i sudena. Tapaias ma dirinta sian sasude na pahodarkon pamatang dohot rohanta. Tahabiari ma Debata, anso sanggam tarbaen hita mangolu mamunjung tu Debata.

GALATIA 3:22

Hape di bagasan Buku Na Badia i tarsurat do bahaso sasudena jolma manusia madung di toru ni kuaso ni dosa. Jadi hara ni haporsayaan tu Jesus Kristus sajo noma tarlehen tu jolma na nijanjihon i, i ma tu halak na porsaya i.

EPESUS 2:2

Angka hasomalan ni portibi on do dipaolo-oloi hamu hatiha i; astuanna, tunduk tu angka parkuaso ni harajaan na di awang-awang i do hamu, i ma tondi na laing mangela-ela roha ni angka halak na so ra tunduk tu Debata saonnari.

EPESUS 4:22

Ambungkon hamu ma bakomunu na honok i, na mur sego dibaen angka hagiotna na mangaliluhon i.

KOLOSSE 1:21

Najolo dao do hamu sian Debata. Marmusu do hamu tuSia di bagasan parange dohot pikiranmunu na jahat i.

1 TESSALONIKA 4:13

Hamu angka dongan, giotnami sugari diboto hamu ma nian pangalaho na satutuna taringot tu angka na dung monding; anso ulang marsak hamu songon halak na so mararop ni roha.

1 TESSALONIKA 5:6

Hara ni i, nada tola tarpodom hita songon angka halak na asing i. Angkon tongtong do hita jonggor jana rohanta pe angkon torang.

1 TIMOTEUS 6:9

Tapi sanga ise angka halak na giot kayo, targoda jana hona jorgong ma i dibaen hagiot na oto na marragam rupa boti na manyegohon. Angka hagiot na songon i ma na mangalantuk dohot na mangagohon halak.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.

1 PETRUS 1:14

Songon dakdanak na mangoloi poda ma hamu, jana ulang be mangoloi hagiotmunu najolo i ngolumunu, i ma dompak so ditanda hamu Debata.

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

2 PETRUS 2:18

Sian angka pangkobarion ni halahi na mardongan lancap jana na rumar i dipake halahi ma hagiot na jat laho mangaronjomkon halak sanga ise na baru malua sian angka na mardalan dihaliluon di ngoluna.

1 JOHANNES 2:16

Sasudena na adong di portibi on na nihalungunkon ni jolma – i ma sasude hagiot ni sibuk, hagiot ni mata dohot na pagodangkon dirina – nada sian Debata haroroan ni angka na songon i, tapi sian portibi on do.

1 JOHANNES 2:8

Tapi haru songon i pe, laing tona na imbaru do dohonon na husuratkon on. Madung tangkas tarida parenta on di diri ni Jesus Kristus dohot di dirimunu; angke madung mamungka salpu hagolapan jana mamungka ma bincar sinondang na tigor.