EPESUS 2:11 - BIBEL JAMITA NA DENGGAN

¹¹ Ingot hamu ma sanga na bia hamu najolo: “Angka na so marsunat” do hamu didok halak Jahudi na mandok dirina angka na marsunat (na nidokna, i ma na dung maruli tanda na nibaen ni jolma di pamatang ni halahi).

EPESUS 2:11 ပူးပေါင်းရင်းမြစ်များ

JEHESKIEL 20:43

Taringot ma tu rohamunu disi sude pambaenanmunu na so ture na dung pahodarkon dirimunu. Jadi gabe sobalan ma hamu paingot-ingot sude hajahatan i.

JEHESKIEL 36:31

Taringot ma rohamunu tu pangalaho na jat dohot pambaenanmunu na so patut i, dung i gabe sobalan ma hamu di dirimunu hara ni angka dosa dohot hagigian na nibaenmunu i.

MATEUS 20:7

Dialusi halahi ma, ‘Inda adong sahalak pe na mangalehen karejo di hami.’ ‘Anggo songon i, dohot ma hamu markarejo di kobun anggurki,’ ninna nampuna kobun i.

SURAT NI SI PAULUS TU PARLAGUTAN ROM 11:17

Diponggolkon deba sian dangka ni hayu i, jana nilohotkon ma ho na dibuat sian hayu harangan i tu inganan ni halahi gontina, anso martohap ho di urat dohot di miak ni hayu zetun i.

SURAT NI SI PAULUS TU PARLAGUTAN ROM 2:26

Sugari adong halak na asing na so marsunat, mandalani angka pangidoan ni Tona i, inda he dietong Debata i songon halak na dung nisunat?

SURAT NI SI PAULUS TU PARLAGUTAN ROM 2:27

Jana salahonon ni angka na so marsunat humani i ma hamu halak Jahudi, angke haru pe adong tarsurat aturan di hamu jana marsunat do hamu, hape dilanggar hamu do aturan i. Anggo halahi nada nisunat, hape halahi do na mangoloi aturan i.

1 KORINTUS 12:2

Ingot hamu ma dompak so ditanda hamu dope Tuhan, tarela-ela do hamu mangoloi gana-ganaan na ngungu.

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

GALATIA 2:15

Nian halak Jahudi do hami sian hasosorangnami, jana nada sian bangso na asing na indohan “na mardosa i”.

GALATIA 6:12

Halak na giot patujolohon dirina di angka pangalaho na tarida, halahi do na mamaksa hamu mangihutkon paraturan ni sunat. Tapi dibaen halahi pe songon i, hum anso ulang dimusui halak Jahudi do halahi hara ni silang ni Kristus i.

EPESUS 2:2

Angka hasomalan ni portibi on do dipaolo-oloi hamu hatiha i; astuanna, tunduk tu angka parkuaso ni harajaan na di awang-awang i do hamu, i ma tondi na laing mangela-ela roha ni angka halak na so ra tunduk tu Debata saonnari.

EPESUS 5:8

Hamu sandiri pe di hagolapan hian do najolo. Anggo saonnari madung gabe na torang hamu di bagasan Tuhan i. Hara ni i, mangolu ma hamu songon angka dakdanak ni hatorangan i.

PANGARATAION 15:15

Ingot hamu ma, hatoban do hamu najolo di Mesir jana na dung dipalua ni Tuhan Debatamunu do hamu, hara ni i ma umbaen na hulehen parenta on tu hamu.

PANGARATAION 16:12

Sian situtu ni rohamunu ma oloi hamu angka parenta i, ulang hamu lupa na hatoban hamu najolo di Mesir.”

PANGARATAION 5:15

Ingot ma, na diparhatoban do ho di Mesir jana Au do Tuhan Debatamu na dung paluahon ho mardongan hagogoon na godang. Hara ni i ma umbaen na Huparentahon tu ho laho manghagodangkon Ari Sabat i.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

PANGARATAION 9:7

Ingot hamu sanga na bia dibaen hamu gabe muruk Tuhan Debatamunu di parhorsihan i. Mamungka sian ari disi ditadingkon hamu Mesir, lopus tu ari parlalumunu dison, na dung mangalo do hamu tu Tuhan.

PILIPPI 3:3

Hape hita do angka na dung manjagit sunat na tutu, nada halahi. Hombar tu panogu-noguon ni Tondi Ni Debata sandiri do tasomba Debata, jana mandok tarimakasi do hita hara ni na dung mardomu i hita dohot Jesus Kristus. Nada marguru tu angka upacara na tarida hita.

KOLOSSE 1:21

Najolo dao do hamu sian Debata. Marmusu do hamu tuSia di bagasan parange dohot pikiranmunu na jahat i.

KOLOSSE 2:11

Di na mardomu dohot Kristus, madung disunat hamu. Nada dohot sunat na nibaen ni jolma, tapi dohot sunat na nibaen ni Kristus do; i ma markite-hite na paluahon hamu sian bako ni jolma na adong hian di hamu.

KOLOSSE 2:13

Najolo madung mate hamu anggo salaho tu partondion hara ni na mardosa hamu, boti hara ni na so marsunat pamatangmunu. Tapi saonnari dipangolu Debata do hamu rap dohot Kristus, dibaen madung diampuni Debata sasudena dosanta,

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.