EPESUS 1:9 - BIBEL JAMITA NA DENGGAN

⁹ Sian rohaNia sandiri dipaboa Debata do tu hita rahasia ni sangkapNia. I ma sangkap na dung nitontuhonNia humani sian mulana, angkon markite-hite Kristus do i pasidungonNia.

EPESUS 1:9 ပူးပေါင်းရင်းမြစ်များ

MASMUR 33:11

Hape anggo sangkap ni Tuhan, laing hot do salolotna, hot do togu sangkapNia sapanjang manyahena.

JEREMIA 2:29

Aha ma he salangKu umbaen na mungut-ungut hamu jana mangalo tu Au?

MATEUS 13:11

Dialusi Jesus ma, “Harana, tu hamu do por roha ni Debata paboahon sitabunian ni harajaanNia. Anggo tu na asing i, nada.

LUKAS 12:32

“Ulang hamu mabiar, haru pe hum saotik sajo bilanganmunu! Angke jop do roha ni Amangmunu mangalehen HarajaanNia i tu hamu.

LUKAS 2:14

“Hasangapan ma di Debata na di ginjang, dame ma di tano on di angka jolma halomoan i!”

BAENON NI ANGKA RASUL 13:48

Dung dibege angka bangso na asing na so Jahudi i hata ni halahi i, jop ma roha ni halahi, dipapuji-puji halahi ma hata ni Tuhan i. Gabe porsaya ma angka halak na nitontuhon ni Debata laho manjagit ngolu na so mantak i.

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

BAENON NI ANGKA RASUL 4:28

giot patuluskon sasude na dung ditontuhon Ho hian markite-hite kuaso dohot hagiotMu.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

1 KORINTUS 1:21

Harana sanga na bia pe malo ni jolma, nada tartandasa Debata markite-hite hamaloanna i sandiri. Tapi hape, hara ni hamaloan ni Debata, gabe jop ma rohaNia paluahon angka na porsaya tuSia markite-hite jamita na nietong ni portibi on songon haotoan.

GALATIA 1:12

Nada sian jolma hujagit jamita i, jana nada adong sahalak pe na mangajarkon i tu au. Jesus Kristus sandiri do na patangkaskon i tu au.

GALATIA 1:15

Tapi hara ni denggan ni roha ni Debata, dipili Ia do au dompak so sorang jana dipiohon Ia do au laho mangoloi Ia.

GALATIA 1:16

Dipatidahon Debata do AnakNia i tu au jana markite-hite au anso nijamitahon Jamita Na Denggan taringot tu AnakNa i tu halak na so Jahudi. Nada pola mangido tahi au sanga na tu ise disi.

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

EPESUS 1:8

na dung dilehen Ia di hita markite-hite ragam ni habisuhon dohot parbinotoan.

EPESUS 3:11

Mardomu tu sangkapNia na so ra muba i do sudena i dibaen Debata na nipatulusNia markite-hite Jesus Kristus Tuhanta i.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

2 TIMOTEUS 1:9

Dipalua Debata do hita jana dipiohon Ia hara ni na giot baenonNia hita gabe halakNia sandiri. Nada marnida tu angka karejonta i dibaen Debata, tapi marguru tu sangkapNia sandiri do i dohot denggan ni rohaNia. Taran so dijadihon dope portibi on madung songon i hian denggan ni rohaNia adop hita markite-hite Kristus Jesus.