EPESUS 1:22 - BIBEL JAMITA NA DENGGAN

²² Ditaluhon Debata do sasudena tu toru ni kuaso ni Kristus, jana dibaen Ia do Kristus gabe ulu ni sasudena na adong di parlagutan ni Tuhan.

EPESUS 1:22 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

MASMUR 91:13

Langkaanmu ma ulok dohot singa, degeonmu singa jara-jara dohot ulok na marbisa.

MATEUS 16:18

Au pe Hudok ma tu ho, ‘Si Petrus’ do ho (artina ‘Batu na pir’). Di ginjang ni batu on ma pajongjongKu parlagutanKu na so tartaluhon; sanga na hamatean pe na ro i!

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

1 KORINTUS 11:3

Tapi adong dope sada nari pangalaho na giot paboaonku di hamu; Kristus do anggo Ulu ni sude na margoar halaklahi; na gabe ulu ni dadaboru i, i ma halaklahina jana gabe Ulu Ni Kristus, i ma Debata.

EPESUS 3:21

Sai dipasangap parlagutan i ma nian Debata marsundut-sundut markite-hite Jesus Kristus. Tarpuji ma Debata salolot-lolotna! Amen.

EPESUS 5:23

Angke halaklahi i do uluan ni dadaboru i, laing songon Kristus na gabe uluan ni parlagutan i, jana laing Ia muse do paluahon pamatang i.

KOLOSSE 1:18

Ia do ulu ni pamatang i, i ma parlagutan i, angke Ia do na mangalehen ngolu tu parlagutan i. Ia do siangkaan na dipangolu mangulahi sian hamatean, hara ni i muse ma umbaen na gabe Ia na umporlu sian sasudena na adong.

KOLOSSE 1:8

Laing ia muse do na paboahon tu hami taringot tu holongmunu na di bagasan Tondi.

KOLOSSE 2:10

Jana di na mardomu dohot Kristus, sanggam ma ngolumunu dibaen Ia. Angke Kristus do uluan ni sude tondi na markuaso dohot na mamarenta.

KOLOSSE 2:19

jana nada ditiop ia Ulu i, pangkal ni pamatang i, na niihotan markite-hite angka urat dohot doldol gabe sada, na tubu markite-hite hangoluan na nilehen ni Debata.

1 TIMOTEUS 3:15

betak sai tarlambat au anso diboto ho hian sanga na bia sapatutna hita mangolu songon halak na sabagas dohot Debata, i ma parlagutan ni Debata na mangolu. Parlagutan i ma na songon tiang partunggul ni hasintongan ni Debata.

IBRANI 2:8

jana dibaen Ho ia gabe pangarajai ni sasudena.” Antong muda didok, Debata manjadihon jolma gabe “pangarajai ni sasudena,” astuan ni i, nada adong be sanga aha na so di toru ni kuaso ni jolma. Haru songon i pe nada adong be taida saonnari jolma na markuaso di ginjang ni sasudena.