EPESUS 1:20 - BIBEL JAMITA NA DENGGAN

²⁰ na nipakeNia di na pangoluhon Kristus mangulahi sian hamatean jana dilehen Debata diSia pangkat na pargincat situtu rap dohot Debata di banua ginjang.

EPESUS 1:20 ပူးပေါင်းရင်းမြစ်များ

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

MATEUS 26:64

Dialusi Jesus ma, “Tutu. Tapi ingot hamu ma: Mamungka saonnari idaonmunu ma Anak Ni Jolma i juguk di siamun ni Na Markuaso i. Dung i ro ma Ia di ginjang ombun na di langit an!”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

MARKUS 14:62

“Olo!” ninna Jesus. “Sude hamu angkon marnida Anak Ni Jolma i juguk di siamun ni Na Markuaso i. Dung i idaonmunu ma Ia ro di bagasan ombun sian langit an!”

MARKUS 16:19

Dung sidung Jesus mandok hata tu halahi, manaek ma Jesus tu banua ginjang. Juguk ma Ia disi, di siamun ni Debata.

JOHANNES 10:18

Nada tarbaen sanga ise pe mangarampas hosangKu sian Au. Na rade hian do Au mangalehen hosangKi. Guru di Au do mangalehen i jana marguru di Au do muse laho manjagitsa mangulahi. Jana i ma na nisuruhon ni Debata sibaenonKu.”

JOHANNES 10:30

Sada do Au dohot Damang.”

BAENON NI ANGKA RASUL 10:40

Hape di ari patoluhon dipangolu Debata ma Ia mangulahi sian hamatean jana patidahon diriNa tu halak;

BAENON NI ANGKA RASUL 26:8

Biasi nada tarhaporsayai angka dongan Jahudi, na nipangolu ni Debata halak na mate i?

BAENON NI ANGKA RASUL 4:10

antong botoon ni hamu sude ma, dohot sude bangso Israel, bahaso di bagasan goar ni Jesus Kristus, halak Nasaret i do bayo on torkis di adopanmunu. Madung diparsilangkon hamu Jesus i, tapi hape madung dipangolu Debata Ia sian halak na mate.

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

SURAT NI SI PAULUS TU PARLAGUTAN ROM 1:4

tapi mangihutkon hadebataon tangkas do ia Anak Ni Debata na gok hagogoan. Tanda sajo do i botoon markite-hite hangongotNia sian na mate i.

SURAT NI SI PAULUS TU PARLAGUTAN ROM 8:34

Ise dope na tarbaen manguhumi hita? Kristus Jesus do mangondihon hita! Ia ma na dung mate, lobi sian i dope, Ia ma na dung dipangolu mangulahi sian hamatean jana di siamun ni Debata do Ia maringanan.

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

PILIPPI 3:10

Hum on ma na nipangido ni rohangku; anso hutanda nian Kristus jana hurasoi nian kuaso na pangoluhon Ia sian hamatean i. Por do rohangku markancit dohot Ia jana gabe sarupa dohot Ia di pangalaho ni parmateNia.

KOLOSSE 1:16

Angke markite-hite Ia do ditompa sasudena na adong, di banua ginjang dohot di tano on, i ma sasudena na tarida dohot na so tarida; angka habangsa, angka pangarajai, angka paruhum sanga parkuaso; sasudena i madung nitompa markite-hite Ia jana tuSia.

KOLOSSE 3:1

Madung dipangolu hamu mangulahi rap dohot Kristus. Hara ni i angkon marusaho be ma hamu anso dapot hamu angka pangalaho na di banua ginjang, di inganan ni Kristus juguk di siamun ni Debata.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 10:12

Tapi anggo Ia, dung dihaulkon Ia haul na sada i, hara ni dosa, juguk ma Ia salolot-lolotna di siamun ni Debata.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

IBRANI 2:9

Tapi anggo Jesus madung taida mangarajai! Dibaen do Ia santongkin tumoruk saotik sian surusuruan anso tarbaen Ia mate laho manghopkop sude jolma hara ni denggan ni roha ni Debata. Taida do saonnari dilehen diSia juguhan na marmulia jana na sangap hara ni na dung manaon parkancitan Ia lopus mate.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.