EPESUS 1:18 - BIBEL JAMITA NA DENGGAN

¹⁸ Hupangidohon anso torang mata ni rohamunu dibaen Ia, anso diastui hamu sanga aha na patut aropon ni rohamunu sian Debata na mamiohon hamu, bope hamoraon ni hasangapan, siteanon na nitontuhonNia di angka halak na porsaya.

EPESUS 1:18 ပူးပေါင်းရင်းမြစ်များ

JOB 42:5

Nabaruon dapot sian parbinegean do parbinotoanku tu Ho, tapi anggo saonnari adop mata do hutanda Ho.

MASMUR 119:18

Ungkap ma matangku anso huida di bagasan TonaMu pangajaran na pahomang roha.

JESAYA 11:2

Songgop ma tusia Tondi Ni Tuhan i ma tondi na mangalehen habisuhon dohot parbinotoan, tondi na mangalehen sipasingot dohot hagogoan, tondi na mangalehen panandaon dohot biar mida Tuhan.

JESAYA 29:10

Dibaen Tuhan hamu mondohondok jana tarpodom sinok. Simalolongmu – i ma angka panurirang – madung dipapimpit Ia; jana bohimu – i ma angka partondung – madung dihungkupi Ia.

JESAYA 29:18

Muda tarjadi songon i, begeon ni na maingol ma buku na nisise gogo, jana marnida ma na mapitung na malua sian bagasan hagolapan.

JESAYA 32:3

Diparrohahon halahi do haporluan ni rayat.

JESAYA 42:7

laho mambuka mata na mapitung; laho paruarkon na hona uhum sian bagas hurungan, angka halak na juguk di bagasan hagolapan sian hurungan.

JESAYA 6:10

Pamajal ma pikiran ni angka jolma i, paingol pinggolna i jana papitung matana i, anso ulang marnida sanga marbinege sanga mangarti jana anso ulang ro tu Au jana malum.”

MATEUS 13:15

Harana, ma jogal roha ni halak on, ma gabe maingol pinggol ni halahi, dipapitpit halahi muse do mata ni halahi. Tarjadi pe i anso unang marnida do mata ni halahi, jana anso ulang marbinege pinggol ni halahi, jana anso ulang mangastui roha ni halahi, anso ulang ro halahi tu Au, jana gabe pamalumonKu ma halahi.’ ”

MARKUS 10:17

Jadi laho patoruskon pardalananNia Jesus, ro ma sada bayo marlojong-lojong mandapotkon Ia. Marsomba ma bayo i di jolo ni Jesus manyapai, “O Guru na burju, angkon aha do sibaenonku anso dohot au manean ngolu na so mantak i?”

LUKAS 24:45

Dung i dibuka Jesus ma pikiran ni halahi anso diastui halahi na nidok ni Buku Na Badia i.

BAENON NI ANGKA RASUL 16:14

Adong ma sahalak sian halahi parjagal abit ungu, si Lidia goarna halak Tiatira. Holong do rohania tu Debata, gabe diungkap Debata ma rohania laho manjagit na niajarkon ni si Paulus tusia.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

SURAT NI SI PAULUS TU PARLAGUTAN ROM 11:29

Dibaen nada disolsoli Debata rohaNia, taringot tu na nilehen dohot na nipiohonNia.

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

GALATIA 5:5

Hara ni Tondi dohot haporsayaanta, arop do rohanta di hatigoran i.

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

EPESUS 2:12

Nada mardomu hamu dohot Kristus hatiha i, halak na asing do hamu na so tarmasuk halak Israel. Nada masuk hamu tu na manjagit janji na nibaen ni Debata dohot bangsoNia i. Nada adong sanga aha arop ni rohamunu na mangolu i di tano on jana nada marsomba tu Debata na sintong hamu.

EPESUS 3:16

Hutangiangkon do anso lomo nian roha ni Debata na sun marmulia i laho patoguhon rohamunu dohot TondiNia i.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

EPESUS 4:1

Hara ni i ma – au sada halak na tarhurung, na nihurungkon hara ni na mangoloi Tuhan i – gomos hupangido tu hamu: Dalani hamu ma ngolumunu marguru tu parobananmunu songon halak na dung dipiohon Debata.

EPESUS 4:4

Hum sada sajo do pamatang i jana sada do Tondi. Laing songon i muse do hamu dipiohon tu sada arop ni roha na sarupa.

EPESUS 5:8

Hamu sandiri pe di hagolapan hian do najolo. Anggo saonnari madung gabe na torang hamu di bagasan Tuhan i. Hara ni i, mangolu ma hamu songon angka dakdanak ni hatorangan i.

PILIPPI 3:14

Hara ni i ma umbaen na torus hulojong manuju tu tujuan na parpudi anso dapot au hamonangan, i ma ngolu na di banua ginjang; hara ni i do umbaen na nipio ni Debata hita markite-hite Jesus Kristus.

KOLOSSE 1:12

mardongan tarimakasi tu Ama i. Angke Ama i do na patumbukkon hamu gabe rayat di harajaan na tiur.

KOLOSSE 1:23

Hara ni i angkon ojak jana togu do hamu di bagasan haporsayaan i, jana nada ra be hamu nipaorot sian arop ni roha ni Jamita Na Denggan na dung binegemunu. Madung dijamitahon jamita i tu sude na nitompa di tano on, jana na dung gabe naposo ni i do au si Paulus.

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

KOLOSSE 1:5

Hara ni angka na niarop ni rohamunu tu na niparade ni Debata di hamu di banua ginjang i, gabe porsaya jana marholong ni roha do hamu. Madung dibege hamu taringot tusi di na nipasahat tu hamu hatatangkas ni barita taringot tu Jamita Na Denggan i na sian Debata.

KOLOSSE 2:2

Sai margogo ma nian roha ni halahi, jana marsihaholongan ma halahi anso gabe solkot halahi mardomu. Muda tutu halahi mangarti gabe maruli pos ni roha situtu ma halahi. Jadi mur tangkas muse ma tandaon ni halahi rahasia ni Debata; i ma Kristus sandiri.

KOLOSSE 3:15

Angka haputusan sibaenonmunu, tontuhon hamu ma i mardongan dame na nilehen ni Kristus tu bagasan rohamunu. Angke na nipiohon ni Debata do hamu gabe sada pamatang, anso mangolu hamu sian hadamean na sian Kristus i. Mandok tarimakasi ma hamu.

1 TESSALONIKA 2:12

Hami paingot, hami sosoi jana hami jujui do hamu anso mangolu hamu mangihutkon na tumbuk di roha ni Debata, na mamiohon hamu tu bagasan Harajaan bope hasangapanNia.

1 TESSALONIKA 5:8

Tapi anggo hita on, angka halak na sian arian do, jadi angkon torang do rohanta. Angkon pakeonta do haporsayaan dohot holong ni roha songon baju bosi tu parporangan. Jana kupia bajanta, i ma arop ni rohanta di haluaanta i.

2 TESSALONIKA 1:11

Hara ni i ma dibaen na tongtong hami tangiangkon hamu. Hami tangiangkon do anso nian halak na tumbuk hamu di pamioon ni Debata. Sai diurupi Debata ma hamu hara ni kuasoNa i, anso tarpatulus hamu sudena na denggan na nihalungunkonmunu hombar tu haporsayaan i. Laing hami tangiangkon do, anso nian hara ni kuaso ni Debata, laing dipaujung Ia ma angka karejo na nikarejohonmunu hombar tu haporsayaanmunu i.

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.

1 TIMOTEUS 6:12

Situtui ma mamorangkon na nihaporsayaanmi jana sai parayak ma ngolu na so mantak i. Angke tusi do ho dipiohon Debata di na niokumu di jolo ni halak na bahat paboa na porsaya ho tu Kristus.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

TITUS 3:7

anso mardenggan hita mangulahi tu Debata hara ni ibo ni roha ni Jesus jana tola ma hita maruli hangoluan na so mantak na sai tapainte-inte i.

IBRANI 10:32

Ingot hamu ma sanga na bia pangalahomunu di hatiha na salpu. Anggo di hatiha i, dung ditorangi sinondang ni Debata hamu, bahat do parhancitan ditaon hamu; haru songon i pe laing marsitutu do hamu marjuang.

IBRANI 6:4

Nabaruon madung maringanan halahi di sinondang na sian Debata, jana madung didai halahi hatonggian ni angka pasupasu na sian banua ginjang. Halahi pe madung manjagit Tondi Parbadia.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.