EPESUS 1:16 - BIBEL JAMITA NA DENGGAN

¹⁶ nada marnamantak au mandok tarimakasi tu Debata hara ni hamu sude. Sai tongtong do hugoari hamu muda hatiha martangiang au.

EPESUS 1:16 ပူးပေါင်းရင်းမြစ်များ

PAMUNGKAAN 40:14

Tapi pangidoanku, ingot au muda dung denggan ngolumu sanoli on. Ibo rohamu mida au, jana palalu ma antong pardangolankon tu raja i, jana laing pangidohon ma da anso dipalua ia au sian hurungan on.

JESAYA 62:6

Madung hubaen halak di tembok ni Jerusalem; nada jabat maradian jagoan ni halahi do ho arian na borngin. Angkon sunggulan ni halahi do Debata di janji na dung dibaenNia di Sion.

KOLOSSE 1:3

Madung hami bege, na dihaporsayai hamu Jesus Kristus jana dihaholongi hamu do sudena halak na badia. Jadi muda hatiha hami tangiangkon hamu, gabe tongtong do mandok tarimakasi hami tu Debata, Ama ni Tuhanta Jesus Kristus.

KOLOSSE 1:9

I do umbaen na hami tangiangkon hamu tongtong mamungka hami bege taringot tu hamu. Hami pangido do tu Debata anso dilehen Tondi Parbadia nian di hamu hamaloan dohot pangastuion anso diboto hamu tangkas sanga aha na nipangido ni roha ni Debata.

1 TESSALONIKA 1:2

Sai tongtong do hami mandok tarimakasi tu Debata hara ni hamu sudena, jana sai hami ingot do hamu di bagasan angka tangiangnami.

1 TESSALONIKA 5:17

jana tongtong martangiang.

2 TESSALONIKA 1:3

Angkon sai tongtong do hami mandok tarimakasi tu Debata hara ni hamu ale angka dongan. Jana songon i do na patut baenonnami, angke mur porsaya do hamu tu Kristus jana mur marsihaholongan do hamu sude sama hamu.

1 SAMUEL 12:23

Anggo salaho tu au, sai ulang nian mardosa au maradopkon Tuhan hara ni na maradian au manangianghon hamu. Tapi sai na pupuonku do torus mangajarkon tu hamu angka pangalaho na denggan dohot na tigor na giot si karejohononmunu.

1 SAMUEL 7:8

Didok halahi ma tu si Samuel, “Ulang mantak ho na martangiang i tu Tuhan Debatanta anso dipalua Ia hita sian halak Pilistin.”