EPESUS 1:13 - BIBEL JAMITA NA DENGGAN

¹³ Laing songon i muse do hamu – hara ni na dung nibegemunu hata hasintongan i, i ma Jamita Na Denggan haluaanmunu i – di bagasan Ia, dung porsaya hamu, madung dimeteraihon hamu markite-hite Tondi Parbadia na nijanjihonNia i.

EPESUS 1:13 ပူးပေါင်းရင်းမြစ်များ

MASMUR 119:43

Urupi ma au, anso sai mandok na tutu au, angke mararop roha tu haputusanMu do au.

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

LUKAS 11:13

Haru na bia pe jahatmunu, laing diboto hamu do patupa na denggan tu dakdanakmunu, mur ma hape Ama na di banua ginjang i. Laing na lehenonNia do tondiNia di halak na mangido diSia!”

LUKAS 24:49

Au sandiri pe tongosonKu do tu hamu sanga aha na dung dijanjihon ni Damang. Tapi angkon laing painteonmunu do di kota on lopus nisolukkon tu hamu hagogoan na sian ginjang i.”

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

JOHANNES 14:26

Tapi Tondi Parbadia i ma na mangajarkon sasudena i tu hamu. Ia do Pangurupi na giot suruhonon ni Ama i markite-hite goarKu. Pangurupi i ma paingotkon tu hamu sasudena na dung Hupaboa i tu hamu.

JOHANNES 15:26

Jadi ro ma Pangurupi na sian Ama i, na giot suruonKu tu hamu, i ma Tondi ni hasintongan na ro sian Ama i. Ia do na manyaksihon taringot tu Au.

JOHANNES 3:33

Sanga ise na porsaya di hasaksianNia i, i do na mangoku bahaso na tigor Debata.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

BAENON NI ANGKA RASUL 1:4

Jadi di na marlagut Ia rap dohot halahi ditonahon Ia ma tu halahi songon on, “Ulang morot hamu sian Jerusalem. Painte hamu ma disi lopus dilehen Damang sanga aha na nijanjihonNia i, i ma na dung Hupaboa hian tu hamu na salpu i.

BAENON NI ANGKA RASUL 13:26

Hamu ale angka dongan pinompar ni si Abraham, bope sude angka dongan na asing na adong dison, angka na mangkabiari Debata! Madung ditongos Debata tu hita Jamita haluaan i;

BAENON NI ANGKA RASUL 2:33

Dipatuginjang do Ia tu inganan ditangan siamun ni Debata, laing dijagit Ia ma sian Ama i Tondi Parbadia na dung nijanjihon hian. Tondi i ma na niusehon saonnari tu hami, jana i ma na nibege dohot na niidamunu angka dongan saonnari.

SURAT NI SI PAULUS TU PARLAGUTAN ROM 1:16

Dibaen nada maila au hara ni Jamita Na Denggan i, angke i do hagogoon ni Debata na markarejo laho paluahon sudena halak na porsaya; na parjolo i ma halak Jahudi, dung i muse angka bangso na asing.

SURAT NI SI PAULUS TU PARLAGUTAN ROM 4:11

Dijagit ia do tanda sunat i songon cap ni hatigoran markite-hite haporsayaan na nipatuduhonnia taran so disunat dope ia. Markite na songon i ma ia gabe ompu ni sude na porsaya na so marsunat, anso diparetongkon ma hatigoran i tu halahi.

SURAT NI SI PAULUS TU PARLAGUTAN ROM 6:17

Tapi tarimakasi ma di Debata! Harana hatoban ni dosa do hamu najolo hape anggo saonnari sian sandok rohamunu dioloi hamu impola ni pangajaran na sintong na dung nipasahat tu hamu.

2 KORINTUS 1:22

Domu tusi, madung dilehen Ia tu hita tanda paboa na Ia nampuna hita jana dilehen Ia maringanan TondiNia di bagasan rohanta na gabe jaminan ni sasudena na nipasingkopNia i di hita.

2 KORINTUS 6:7

di na manjamitahon jamita na sintong dohot kuaso ni Debata, markite-hite sinjata hatigoran i do hami mangaroro sanga martahan.

GALATIA 3:14

Dibaen Kristus Jesus pe songon i anso laing dilehen do tu angka bangso na asing pasupasu na nijanjihon ni Debata tu si Abraham i. Dung i hita na porsaya tu Debata, tola ma manjagit Tondi na nijanjihon ni Debata i.

EPESUS 4:21

Madung dibege hamu taringot tuSia! Jana hamu angka na mangihutkon Ia, nada he madung niajaran hamu taringot tu hasintongan na adong diSia!

EPESUS 4:30

Ulang ma pahancit hamu roha ni Tondi Parbadia ni Debata. Madung dimeteraihon Tondi i hamu tu ari haluaan i.

1 TESSALONIKA 2:13

Adong dope sada nari pangalaho na mambaen hami angkon tongtong mandok tarimakasi tu Debata. I ma, hara ni panjagitmunu di jamita na sian Debata dompak hami jamitahon tu hamu. Nada songon jamita na sian jolma i dijagit hamu tapi songon jamita na sian Debata do. Jana na sian Debata do i tutu! Na markarejo do hata ni Debata di bagasan dirimunu na mangkaporsayai Kristus.

2 TIMOTEUS 2:15

Haburjuhon ma na markarejo i anso dioku Debata ho gabe halak na tama markarejo di Debata. Parayak ma anso ulang jabat maila ho hara ni karejomu, tapi sintong ma ajarkon angka pangajaran na sian Debata.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

2 TIMOTEUS 3:15

Ingotonmu do, mamungka sian hamenehanmu dope madung ditanda ho Buku Na Badia i. Ditorangi Buku Na Badia i do rohamu laho mangastui anso maruli haluaan ho sian na mangkaporsayai Kristus Jesus.

TITUS 2:11

Harana madung dilehen Debata asi ni rohaNia laho paluahon jolma sudena.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

JAKOBUS 1:18

Hara ni giot ni rohaNia sandiri, dibaen Ia do hita gabe dakdanakNia markite-hite hataNia na tigor i, anso dapotan inganan na dumenggan hita sian sasudena na nitompaNia.

JAKOBUS 1:21

Antong hara ni i, ambungkon hamu ma sude hasomalan na hodar dohot na jat. Jagit hamu ma di bagasan toruk ni roha Hata na nisuan ni Debata di bagasan rohamunu, angke margogo do Hata i laho paluahon hamu.

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.

HALUMBAAN 7:2

Dung i huida ma sahalak surusuruan na asing ruar muse sian Habincaran. Dioban ia do sada cap sian Debata na mangolu i. Gogo ma sora ni surusuruan i mamiohon surusuruan na opat i na manjagit kuaso sian Debata laho manyegohon darat dohot laut i.