EPESUS 1:11 - BIBEL JAMITA NA DENGGAN

¹¹ Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

EPESUS 1:11 ပူးပေါင်းရင်းမြစ်များ

JOB 33:29

Marulak noli do i, dibaen Debata na songon i,

MASMUR 37:18

Dijagohon Tuhan do ngolu ni halak na daulat, halahi do nampuna pusaka i sapanjangna.

PODA 8:14

Hubaen do sangkap, lalu hupadalan. Pistar do au boti muse marhagogoan.

JESAYA 25:1

Ale Tuhan, Ho do Debatangku, giot hupasangap jana hupuji do goarMu. Madung dipatupa Ho angka karejo na pahomang roha. Sian denggan ni rohaMu do i dibaen Ho sudena, na nijanjihonMu mamungka sian narobi.

JESAYA 28:29

Sian Tuhan Na Markuaso i do haroro ni habisuhon i. Sai na matua bisuk do sude sangkap ni Tuhan jana sai manjadi.

JESAYA 5:19

Didok hamu, “Haru diompoti Tuhan Debata Na Badia ni Israel i ma nian patuluskon sangkapNia i anso taboto sanga aha maksudNia.”

JEREMIA 23:18

Au mandok, sahalak pe nada adong sian angka panurirang i na umboto sanga aha na adong di bagasan roha ni Tuhan. Nada adong sian halahi na unjung umbege dohot na umboto angka sangkap ni Tuhan; nada adong muse na mamparrohahon sanga manerge angka hata na nidokNia.

JEREMIA 32:19

Sumurung do angka sangkapMu jana hahomangan do angka pambaenanMu; diida Ho do sude pambaenan ni jolma, jana dibalos Ho do tu halahi hombar tu pambaenan ni halahi.

ZAKARIA 6:13

Ia ma da halakna na giot mambangun Bagas Ni Tuhan jana na manjagit hasangapan songon sada raja, jana mamarenta ma ia tu rayatnia i. Adong ma sada malim na gabe dongan pangalambunginia jana denggan do halahi rap saparkarejoan jana di bagasan dame.’

BAENON NI ANGKA RASUL 13:48

Dung dibege angka bangso na asing na so Jahudi i hata ni halahi i, jop ma roha ni halahi, dipapuji-puji halahi ma hata ni Tuhan i. Gabe porsaya ma angka halak na nitontuhon ni Debata laho manjagit ngolu na so mantak i.

BAENON NI ANGKA RASUL 2:23

Ia na dung dilehen ni Debata tudos tu maksud dohot sangkapNa, madung diparsilangkon hamu di hayu na marsilang jana dibunu markite-hite bangso na geduk.

BAENON NI ANGKA RASUL 20:27

Nada unjung hutabunihon diringku maradopkon angka karejongku laho patorangkon tu hamu sude sangkap ni Debata.

BAENON NI ANGKA RASUL 20:32

Saonnari hupasahat ma hamu tu Debata, anso laing dipature-ture Ia hamu jana anso laing marsitiopan tu jamita na paboahon asi ni roha ni Debata i hamu. Markuaso do Debata laho patoguhon hamu bope laho mangalehen angka pasupasu na dung dipasingkop Ia tu halakNia sudena.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

BAENON NI ANGKA RASUL 4:28

giot patuluskon sasude na dung ditontuhon Ho hian markite-hite kuaso dohot hagiotMu.

SURAT NI SI PAULUS TU PARLAGUTAN ROM 11:34

“Ise ma he mangastui pikiran ni Tuhan? Ise ma he na tarbaen mangalehen sipaingot tuSia?

SURAT NI SI PAULUS TU PARLAGUTAN ROM 8:17

Antong, muda dakdanak ni Debata hita, gabe panean ma hita na giot manjagit angka pasupasu na nipasingkop ni Debata di angka dakdanakNia. Rap manjagit ma hita dohot Kristus sanga aha na dung nipasingkop ni Debata. Angke muda manaon na hancit hita rap dohot Kristus, laing dipasangap muse ma hita rap dohot Ia.

SURAT NI SI PAULUS TU PARLAGUTAN ROM 8:28

Taboto do, Debata do na mangatur sasudena, anso gabe manjalak tu dengganna di angka halak na mangkaholongi Ia jana na nipiohonNia hombar tu sangkapNia.

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.

SURAT NI SI PAULUS TU PARLAGUTAN ROM 8:30

Jana halahi na nitontuhonNia sian mulana, laing dipio Ia muse ma i. Jana halahi na nipioNia i laing dipatigor Ia muse ma i. Jana na nipatigorNia i, halahi muse ma na nipasangapNia.

SURAT NI SI PAULUS TU PARLAGUTAN ROM 9:11

Angke taran so sorang dope angka dakdanak i, jana nada podo dibaen halahi bagi aha na denggan sanga na jat, anso togu sangkap ni Debata mangihutkon pamilionNia, nada sian pambaenan tapi markite-hite pamioonNia do,

GALATIA 3:18

Harana muda marguru tu Tona do bagabaga ni Debata na tu si Abraham dohot tu pomparannia i, antong nada marguru tu na nibagahon ni Debata be i. Hape hum hara ni na dung dijanjihon Debata do tu si Abraham umbaen na nilehen ni Debata i tusia.

EPESUS 1:14

Tondi i ma na gabe jaminan paboa na jagitonta ma sanga aha na nijanjihon ni Debata tu halakNia. Jana on ma na papos rohanta paboa na angkon paluaon ni Debata ma angka halakNia. Sipujion do Debata hara ni hagodanganNia i!

EPESUS 1:18

Hupangidohon anso torang mata ni rohamunu dibaen Ia, anso diastui hamu sanga aha na patut aropon ni rohamunu sian Debata na mamiohon hamu, bope hamoraon ni hasangapan, siteanon na nitontuhonNia di angka halak na porsaya.

EPESUS 1:5

madung ditontuhon Ia humani do na giot baenonNia hita gabe dakdanakNia sandiri markite-hite Jesus Kristus. Jana songon i hian ma na giot baenonNia.

EPESUS 1:8

na dung dilehen Ia di hita markite-hite ragam ni habisuhon dohot parbinotoan.

EPESUS 1:9

Sian rohaNia sandiri dipaboa Debata do tu hita rahasia ni sangkapNia. I ma sangkap na dung nitontuhonNia humani sian mulana, angkon markite-hite Kristus do i pasidungonNia.

EPESUS 3:11

Mardomu tu sangkapNia na so ra muba i do sudena i dibaen Debata na nipatulusNia markite-hite Jesus Kristus Tuhanta i.

PANGARATAION 4:20

Tapi anggo hamu bangso na nipaluaNia do sian Mesir, inganan liang bosi di hamu. Dioban Ia do hamu haruar sian luat i, anso gabe bangsoNia sandiri, songon na masa di hamu saonnari.

KOLOSSE 1:12

mardongan tarimakasi tu Ama i. Angke Ama i do na patumbukkon hamu gabe rayat di harajaan na tiur.

KOLOSSE 3:24

Diboto hamu do bahaso sian Tuhan i do jagitonmunu, na dung ditontuhon hian. Kristus do Tuan i jana hamu ma angka hatobanNia.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

TITUS 3:7

anso mardenggan hita mangulahi tu Debata hara ni ibo ni roha ni Jesus jana tola ma hita maruli hangoluan na so mantak na sai tapainte-inte i.

IBRANI 6:17

Anggo giot ni Debata ulang so pos sajo roha ni halak na giot manjagit na nijanjihonNia, na so ubaon ni Debata be sangkapNia i. Hara ni i ma umbaen na nitambaan ni Debata dohot sumpa tu janjiNia i.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

1 PETRUS 1:4

Hara ni i do umbaen na mararop ni roha hita maruli di pasupasu na nipasingkop ni Debata di halakNia, i ma angka pasupasu na nipasingkopNia di banua ginjang, gabe nada ra sego, sanga busuk, sanga manyocang.

1 PETRUS 3:9

Ulang ma baloskon hamu hajahatan alo ni hajahatan, sanga hata na panyaor-nyaorkon; tapi pasupasu ma pangidohon hamu balos ni i sian Debata tu halahi. Angke anso manjagit pasupasu do hamu umbaen na nipiohon ni Debata hamu.