DANIEL 9:8 - BIBEL JAMITA NA DENGGAN

⁸ Dipambaeni angka rajanami, dohot angka na markuaso dohot angka ompunami do angka pangalaho na pailahon jana na mardosa tu Ho ale Tuhan.

DANIEL 9:8 ပူးပေါင်းရင်းမြစ်များ

2 RAJA-RAJA 21:15

BaenonKu ma sudena i tu bangsongKu hara ni na mardosa halahi tu Au jana dipasunggul-sunggul halahi murukKu mamungka sian parruar ni ompu ni halahi sian Mesir lopus tu sadari on.”

2 JUJUR TAON 6:37

jana muda sian ias ni rohana jana marsitutu halahi manadingkon angka dosana di luat i jana martangiang tu Ho mangadop tu luat na nilehenMon tu ompu ni halahi, mangadop tu kota na nipiliMu dohot tu bagas paribadatan na dung hupajongjong on di Ho,

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

JESAYA 64:4

Nada habegean dope sian narobi di narobi, jana na so unjung dope tarida i. Asing sian Ho, nada adong debata na mambaen songon i, tu halak na mararop ni roha tusia.

JEREMIA 14:20

Ale Tuhan, hami oku do dosanami dohot dosa ni ompunami. Tutu madung mardosa hami tu Ho.

JEREMIA 32:32

hara ni sude hajahatan na nibaen ni halak Juda dohot halak Jerusalem rap dohot raja, pamimpin, malim dohot angka panurirang ni halahi.

JEREMIA 7:19

Hape anggo satutuna nada rohangKu na nipahancit ni halahi, tapi dirina sandiri do, gabe maila ma halahi.

ANDUNG 1:18

Tapi tigor do anggo Tuhan, angke parentaNia do antong na nilaosan. Tangihon ma au, ale angka bangso! Ligi ma au di bagasan pardangolan on. Hona tangkup na poso dohot nauli bulungku, jana dioban tu habuangan.

ANDUNG 3:42

“Mardosa do hami jana mangalo tu Ho, ale Tuhan, jana nada dilehen Ho ampunan.

ANDUNG 5:16

Madung madabu tuku sian ulunami, ma pola mago hami hara ni na mardosa.

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

JEHESKIEL 5:6

Tapi madung ditulak Jerusalem na Huparentahon jana madung tangkas jumahat do ia sian angka bangso na asing, jana tumangkang dope ulang pado angka bangso na humaliang ia. Dilaosi Jerusalem do angka parentangKu jana nada ra mangoloi angka aturanKu.”

DANIEL 9:9

Gok di Ho hasesaan ni dosa dohot asi ni roha haru pe madung mangalo hami tu Ho.