DANIEL 9:26 - BIBEL JAMITA NA DENGGAN

²⁶ Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

DANIEL 9:26 ပူးပေါင်းရင်းမြစ်များ

2 SAMUEL 21:5

Alus ni halahi, “Anggo giot ni si Saul laho mamusa hami do nian lopus mago hami sian sude Israel.

MASMUR 22:15

Aru-arungku mahiang songon ngarngar, dilaniba lohot di langit-langit ni pamangan. Anggo au madung ditinggalkon Tuhan, songon halak na mate di kuburan.

JESAYA 28:2

Suruhonon ni Tuhan ma sada halak na gogo jana na barani laho mamorangi halahi. Parronia songon alogo halingsungsung na mardongan ambolas, songon udan potir dohot banjir godang na mangayup dohot na mambaen bonom tano darat.

JESAYA 28:22

Madung hubege haputusan ni Tuhan Debata Na Markuaso i laho mangago sandok luat. Ulang nayang rohamunu di angka hata na hupalalu on. Mur tu maolna lalu di hamu palua diri!

JESAYA 53:8

Ditahan do ia jana didabu uhuman, lalu hona oban tu panyambolan. Nada adong na parduli di bagiannia. Tutu do, mago ma ia sian tano ni halak na mangolu; gabe ia hona pukul hara ni dosa ni bangsongKu.

JESAYA 8:7

Jadi hara ni i, Au, Tuhan, paroonKu ma raja ni Asur dohot sude tentarana i laho mamorangi Juda. Nada haambatan be i songon pangalantap ni Batang aek Efrat na mambaen bonom angka tobing-tobingna i.

JEREMIA 46:7

Ise dehe i na manaek songon aek ni Batang aek Nil, na songon batang aek na mangunongi topi-topina?

JEREMIA 51:42

Mangalantap ma aek ni laut tu Babel; gumadobur angka galumbangna i mangalingkup luat i.

DANIEL 11:10

Jadi marhobas ma angka anak ni raja ni Siria laho marporang dohot mambaen tentara na bahat. Maju ma sada sian halahi margalusak songon aek magodang torus mamorangi benteng ni musu.

DANIEL 11:17

Dung i, hobasan ni raja ni Siria ma sude tentarania laho mamorangi Mesir. Dohot sada tujuan na giot patundukkon sude harajaan ni musuna, baenonnia ma sada partahian dohot musuna i jana pabagasonnia ma borunia dohot raja ni Mesir i; tapi nada manjadi sangkap na nibaennia i.

DANIEL 11:22

Sude tentara na ro angkon diayup do dijolona jana dipatalu, jana dohot muse do sahalak Parjanjian.

DANIEL 11:36

Roha-roha ni raja Siria ma baenonna. Dokkononnia ma sian ginjang ni rohana, bahaso na gumodang ia ulang pado sandok debata na dia pe i. Salang sian Debata Na Gumincat i pe laing gumodang dope ia didok rohania. Tarpupu ia dope mambaen songon i lopus dapot hatihana uhumon ni Debata ia. Tumbuk do sibaenon ni Debata hombar tu sangkap na nibaenNia.

DANIEL 9:27

Baenon ni raja i ma parjanjian na togu dohot bahat jolma pitu taon honokna. Di Parsitongaan ni hatiha i antahonnia ma na mambaen pelean dohot haul. Dung i Hajahatan Na Manyegohon baenonna ma maringanan di Bagas Ni Tuhan jana sai tongtong ma i disi lopus didondoni hamamago na mambaen ia tusi, i ma hamamago na nitontuhon ni Debata disia.”

HOSEA 1:9

Dung i didok Ia ma, “Baen ma goar ni anakmi si Lo-Ami, angke nada bangsongKu be hamu, jana nada Debatamunu Au.”

AMOS 8:8

Nada he humutur ma tano on hara ni i, jana sude rayat marsiluluton? Nada he humuntal ma sude na i songon Batang aek Nil, dipartunggalbalikkon jana surut songon Batang aek Mesir?”

AMOS 9:5

Humutur tano jana marsak ma halak pangisina, hara ni na nigoit ni Tuhan, Debata Na Markuaso. Songon Batang aek Nil na manaek ma halahi, jana surut songon Batang aek Mesir; songon i ma halahi manaek lalu madabu.

NAHUM 1:8

jana patariparhon halahi dompak ro banjir. Abiskonon ma sude halak na ro mangalo Ia, jana ayakonNia ma musuNia tu bagasan hagolapan.

MATEUS 22:2

Didok Ia ma, “Anggo Harajaan Ni Banua Ginjang tarsongon sada raja na mambaen horja parbagason ni anakna do i.

MATEUS 22:7

Dung dibege raja i na songon i, muruk sajo ma ia. Gabe disuruhon ia ma tentarania mambunu angka sibunu jolma i dohot manyurbu kota ni halahi.

MATEUS 23:38

Anggo on angkon tinggalkonon ma angka bagasmu, gabe mamolngit.

MATEUS 24:2

Dung i didok Jesus ma tu halahi, “Parrohahon hamu ma sudena i, harana sada batu pe nada tola tinggal susun di ingananna hian. Angkon hona gargar sude.”

MARKUS 13:2

Dialusi Jesus ma, “Angka bagas na godang-godang i dehe na niidamu? Umpe sada batu sian angka bagas i sude na tola tarsusun di ingananna humani. Angkon disargehon sude.”

MARKUS 13:7

Muda dibege hamu sora ni na marporang dohot angka barita ni porang, ulang mabiar hamu. Angkon masa do sisongon i. Tapi nada podo hasidunganna.

MARKUS 9:12

Dialusi Jesus ma, “Tutu do i nian, angkon jolo ro do si Elia laho paradehon nasa na porlu. Tapi tarbia ma pangalahona taringot tu Anak Ni Jolma i? Biasi tarsurat di Buku Na Badia i angkon bahat taononNia parkancitan jana dipalayas halak Ia?

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

LUKAS 21:6

“Saulahon adong do hatihana, sudena na niidamunu on angkon segohononkon jana umpe adong sada batu pe na dison on na laing di ingananna hian!”

LUKAS 24:26

Na he angkon taonon ni Kristus i do sudena parkancitan i, laho masuk tu hamuliaanNia i?”

LUKAS 24:46

Dung i didok Jesus ma tu halahi, “Na dung tarsurat hian do di Buku Na Badia i, angkon manaon parkancitan do Kristus i, jana mulak mangolu Ia sian hamatean di ari patoluhon.

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

1 PETRUS 2:21

Hara ni i do umbaen na nipio ni Debata hamu. Angke Kristus sandiri pe madung ditaon Ia parkancitan hara ni hamu jana markite-hite i dilehen Ia ma di hamu tiruan anso diihutkon hamu indegeNia.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.