Didok surusuruan i ma tu au, “Daniel, holong do roha ni Debata mida ho. Jongjong ma ho jana tangihon ma angka hatangkon tangkas. Na disuru do au tu ho.” Dung didok ia songon i jongjong ma au huhut humitir.
Jadi didok ia ma tu au, “Daniel, ulang ho mabiar. Madung ditangihon Debata tangiangmi mamungka sian ari parjolo disi diputuskon ho patoruk rohamu anso gabe marbisuk. Madung ro au gabe songon alus ni tangiangmi.
Tapi haru pe songon i, paboaonKu do tu ho sanga aha na tarsurat di Buku Hasintongan i. Nada adong sahalak pe na jongjong mamihak tu au sian ias ni roha mangalo halahi, ia so hum si Mikhael, pamimpinmunu i,
jana disuru surusuruan i ma au palaluhon sanga aha na nidok ni Tuhan Na Markuaso i, “Holong situtu do rohangKu mida kota Jerusalem, jana Huparrohahon situtu do kotangKu na badia i.
Dung salpu i, huligi ma, mungkap do sada pintu di banua ginjang, jana mangkuling ma sora na dung hubege mangkatai dohot au di mulana i, songon sora ni sarune, ninna ma, “Manaek ma ho tuson jana patidahononKu ma tu ho sanga aha na giot tulus dung salpu on.”