Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DANIEL 9:21 - BIBEL JAMITA NA DENGGAN

21 Taran na martangiang i au, habang ma adop au Gabriel na dung huida di bagasan parnidaanku na salpu i. Hatihana ma dompak i di halak manghaulkon haul potang ari.

အခန်းကိုကြည့်ပါ။ ကော်ပီ




DANIEL 9:21
27 ပူးပေါင်းရင်းမြစ်များ  

Songon i sajo ma halahi lopus potang ari songon dia ma jolma na susur-susuran; hape nada adong na mangalusi, nada adong na mampardulihon.


Dung dapot hatihana laho manghaulkon haul andospotang, dipadonok si Elia ma tu langgatan i, martangiang ma ia. Didok ia ma, “Tuhan Debata na nisomba ni si Abraham, si Ishak dohot si Jakob! Patandahon ma saonnari bahaso Ho do na tutu Debata ni Israel, jana au ma naposoMu; dohot sasude na hubaen on na niparentahonMu do.


Puji ma Tuhan, hamu ale angka surusuruan na marsahala, na manangihon dohot na mangoloi parentaNa.


Dibaen Ho alogo suruanMu, dohot hilap gabe pangoloiMu.


Jagit ma tangiangku songon haul hamonyan, tanganku na hupahortang songon haul borngin.


Sada ma i haul manyogotna jana na sada nari ma i tu andospotang.


Jongjong do humaliang Ia angka Serafim na marjilam songon api, na marhabong onom be. Dua habongna i manutupi bohina, dua manutupi patna jana habongna na dua nari dipake laho habang.


Mangerbang sapasang be habongna i adop ginjang gabe padais ma ujungna i tu ujung ni habong ni donganna na di lambungna i, jana habongna na sapasang nari i, martutup do di pamatangna i.


Angka mahluk i sandiri pe mangguloti do pahae-pahulu songon hipas ni hilap.


Haru pe maringanan disi si Noakh, si Daniel dohot si Job hum diri ni halahi sajo do tarpalua haburjuon ni halahi na tolu. Au Tuhan Debata madung mandok songon i.


Dung i adong ma tangan na manogu au jana i ma mambaen tarsunggul au lalu hutungkolkon ma tanganku dohot totku; jana laing humitir dope au.


Tapi adong ma na songon jolma tompana manjama pamanganku; dung i hubuka ma pamanganku jana mulai ma au mangkobari; hudok ma tusia na tongon jongjong di jolongki, “Tuan, hara ni parnidaan i gabe markancit do au, jana nada adong be gogongku.


Gabe dijama ia ma au sanoli nari, jana taraso ma tu au martamba gogongku.


Hubege ma sora na pio-pio sian bariba ni Batang aek Ulai, mandok, “Gabriel, patorang ma tusia parnidaan i.”


Taran mangkatai ia, pingsan ma au. Tapi ditiop ia ma au jana ditogu ia jongjong mangulahi. Jadi didok ia ma,


Dung pukul tolu andospotang, gogo ma sora ni Jesus ning Ia ma, “Eli, Eli, lama sabakhtani?” astuanna, “O, DebatangKu, DebatangKu, biasi ditinggalkon Ho Au?”


Dialusi surusuruan i ma, “Si Gabriel do au. Mangoloi Debata do karejongku. Ia do na marsuru au paboahon Jamita Na Denggan on tu ho.


Dung onom bulan denggan pamatang ni si Elisabet, disuru Debata ma surusuruan Gabariel kehe tu sada kota na margoar Nasaret di Luat Galilea.


Jadi di sada ari hira-hira pukul tolu arian, tangkas ma diida ia di bagasan sada parnidaan, ro sada surusuruan ni Debata mamiohon ia, “Ale Kornelius!”


Ancogotna i, di na mardalan halahi marayak lalu tu Jope, manaek ma si Petrus tu tarup ni bagas giot martangiang, hira-hira pukul dua bolas tonga ari.


Jadi ompot ma jongjong Surusuruan Ni Tuhan disi, jana gabe ro ma sinondang na torang di bagasan kamar ni hurungan i. Dihutur-hutur surusuruan i ma si Petrus lopus tarsunggul. Dung i didok surusuruan i ma, “Ompoti ma ngot!” Manigor talgang ma rante i sian tangan ni si Petrus.


Sanoli rap kehe ma si Petrus dohot si Johannes tu Bagas Ni Debata pukul tolu andospotang, i ma hatiha ni na martangiang.


Antong, aha noma satutuna angka surusuruan ni Debata i? Angka tondi na mangoloi Debata do i jana na nisuru ni Debata laho mangurupi sanga ise halak na giot manjagit haluaan na nijanjihon ni Debata.


Anggo taringot tu angka surusuruan, didok Debata songon on, “Dibaen Debata do angka surusuruanNia gabe alogo, jana angka pangoloiNia gabe jilam ni api.”


Jana di boa-boa na nilehenna i tu au, huida do angka kudo i dohot angka halak na manenggetsa. Mamake baju bosi na rara sun, na rata langit dohot na gorsing songon barerang do angka na manengget kudo i. Songon ulu ni singa do ulu ni angka kudo i jana ruar do api, timus dohot barerang sian pamanganna i.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ