DANIEL 9:20 - BIBEL JAMITA NA DENGGAN

²⁰ Hupatorus do na martangiang i dohot na mangoku dosangku dohot dosa ni bangsongku Israel jana mangido tu Tuhan Debatangku anso dipasuang Ia nian bagasNia i.

DANIEL 9:20 ပူးပေါင်းရင်းမြစ်များ

ESRA 10:1

Jadi taran na martangiang i si Esra lalu na tangis ia mangaku dosa di Bagas Ni Tuhan i, bahat sajo do halak Israel ro marlagut, halaklahi bope dadaboru dohot angka dakdanak. Dihuliangi halahi ma ia lalu tangis mangangguhi.

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

MASMUR 145:18

Donok do Ia tu halak na pio-pio tuSia, tu ganop halak na martangiang sian bulus ni rohana.

MASMUR 32:5

Jadi gabe huoku dosangku tu Ho, nada adong hubunihon hasalaanku tu Ho. Diputuskon rohangku do mangoku i tu Ho, gabe diampuni Ho sude dosangku tu Ho.

PARJAMITA 7:20

Di tano on nada adong halak na sanggam, na sai tongtong mambaen na denggan na so jungada mardosa.

JESAYA 56:7

“BoanonKu ma hamu tu dolokKu na badia i, lehenonKu jop ni roha di hamu di bagas paribadatanKu. JagitonKu angka haul na nihaulkonmunu di langgatanKu. Goaran ma bagasKu bagas partangiangan ni sandok bangso.”

JESAYA 58:9

Muda martangiang hamu, patulusonKu ma i. Muda pio-pio hamu tu Au, alusanKu ma hamu. Antak hamu ma na mamparkanciti, na manudui halak dohot jari-jarimu dohot angka hata na jahat.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JESAYA 65:24

Jadi andorang so pio-pio halahi, madung Hualusi; hatiha manghobari halahi, madung Hubege.

DANIEL 10:12

Jadi didok ia ma tu au, “Daniel, ulang ho mabiar. Madung ditangihon Debata tangiangmi mamungka sian ari parjolo disi diputuskon ho patoruk rohamu anso gabe marbisuk. Madung ro au gabe songon alus ni tangiangmi.

DANIEL 10:2

Marsiluluton do au di hatiha i tolu minggu.

DANIEL 11:45

Mur baenonnia muse ma benteng ni harajaannia na godang jana na gincat i di antara ni laut dohot Dolok Na Jeges na badia. Tapi mate do ia muse jana sahalak pe nada adong na mangurupi ia.”

DANIEL 9:16

Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

BAENON NI ANGKA RASUL 4:31

Dung sidung na martangiang i, humutur ma bagas inganan ni halahi i. Digohi Tondi Parbadia ma halahi sude, mamungka ma halahi puluk sajo manjamitahon barita na sian Debata.

SURAT NI SI PAULUS TU PARLAGUTAN ROM 3:23

madung mardosa sude jolma jana agoan hamuliaan ni Debata.

JAKOBUS 3:2

Jotjot do hita sudena mambaen hasalaan. Sanga ise na so jungada mambaen hasalaan di angka hatana, halak na sanggam do i, na margogo mangarajai dirina.

HALUMBAAN 21:10

Jadi digohi Tondi Parbadia ma au, jana dioban surusuruan i ma au tu puncut ni dolok na lobi gincat. Dipatidahon ia ma tu au Jerusalem, Kota Na Badia i. Na mijur do huta i sian banua ginjang, sian Debata

HALUMBAAN 21:2

Gabe huida ma Kota Na Badia i, i ma Jerusalem na imbaru, na mijur sian banua ginjang sian Debata. Madung jolo nihobasan kota i songon boru na giot marbagas laho mandapotkon halaklahina.