DANIEL 9:2 - BIBEL JAMITA NA DENGGAN

² Di taon parjolo mamarenta ia, au si Daniel, mamparate-atehon di bagasan buku ugamo taringot tu bilangan ni taon hombar tu na nidok ni Tuhan tu panurirang Jeremia angkon masa tu Jerusalem na dung gabe lobu i, i ma pitupulu taon.

DANIEL 9:2 ပူးပေါင်းရင်းမြစ်များ

2 JUJUR TAON 36:21

Songon i ma tulus tarjadi na nidok ni Tuhan marhite si Jeremia na mandok angkon hiang luat i pitu pulu taon lolotna songon gonti ni angka taon Sabat na so dirohahon i.

ESRA 1:1

Di taon parjolo mamarenta si Kores, raja ni Persia, dipatulus Tuhan ma sanga aha na nijanjihonNia marhite Panurirang Jeremia. Disosoi Tuhan ma roha ni si Kores anso diharuarkon ia sada parenta sisisehononkon di sude harajaannia. Songon on ma hatana:

MASMUR 119:24

Angka aturanMu do na gabe silehen sipaingot di au na pasonangkon rohangku.

JESAYA 64:10

Madung gabe songon halongonan, angka kotaMu na badia i, Sion madung gabe halongonan, Jerusalem madung mamolngit.

JEREMIA 1:1

On ma angka hata ni si Jeremia anak ni si Hilkia, sahalak sian malim di kota Anatot na di Luat Benyamin.

JEREMIA 25:18

Jerusalem dohot sude kota na di Juda, rap dohot raja-raja maradu angka pamimpinna, hupaksa inumonna anggur i, lopus gabe songon padang na harsang halahi jana songon parbeguan. Lalu tu sadari on dipake do goar ni halahi songon hata bura.

JEREMIA 26:18

“Taran si Hiskia raja di Juda dipalalu Panurirang Mika na sian Moreset do hata on sian Tuhan Na Markuaso i, ‘Ombahon ma Sion songon ladang, Jerusalem gabe timbunan ni na marsegoan jana Dolok Ni Bagas Ni Debata gabe harangan.’

JEREMIA 26:6

Anggo laing tong do hamu manangkang, baenonKu do bagas paribadatan on songon na Hubaen tu Silo, lopus sandok bangso na satano on mamake goar ni Jerusalem on gabe bura.”

JEREMIA 27:7

Mangoloi tusia do sandok bangso, tu anaknia dohot tu pahompunia lopus dapot hatihana madabu bangsonia i. Anggo di hatiha i mangoloi ma bangso Babel tu angka bangso na gogo dohot tu angka raja na godang.

JEREMIA 29:10

Didok Tuhan muse, ‘Muda dung dapot hatihana sipitu pulu taon di Babel, parrohahononKu ma hamu mangulahi jana patulusonKu ma na Hujanjihon laho paulakkon hamu mangulahi tu inganan on.

JEREMIA 7:34

Gabe padang na harsang ma tano i. AntahonKu ma sora na marmoga-moga dohot sora ni pesta haroan boru di angka kota ni Juda dohot di angka dalan ni Jerusalem.

ANDUNG 1:1

Na lungun ma da antong Jerusalem, kota na sun ribur najolo i. Najolo nagodangan do i di tonga-tonga ni angka bangso, hape saonnari songon na mabalu. Najolo kota na umbahat dipuji, hape saonnari madung halak mangarajai.

JEHESKIEL 29:11

Nada adong jolma dohot binatang mamolussa. Opat pulu taon honokna nada adong jolma na maringanan disi.

DANIEL 9:3

Dung i huadopkon ma bohingku tu Tuhan Debata lalu martangiang mangido huhut marpuaso. Jana mamake baju siluluton jana juguk di ginjang ni abuan.

MIKA 3:12

Hara ni hajahatanmi, pangkuran noma Sion songon ladang. Jerusalem gabe timbunan ni angka batu, jana dolok ni Bagas Na Badia gabe gasgas.

ZAKARIA 1:12

Dung i didok Surusuruan i ma, “O Tuhan Na Markuaso, pitu pulu taon honokna muruk Ho tu Jerusalem dohot tu angka kota na adong di Juda. Sadia honok nari sai tongtong Ho muruk jana nada ampunanMu halahi?”

ZAKARIA 7:5

“Palalu ma tu sude halak na maringanan di luat on dohot tu angka malim songon on: Dompak marpuaso hamu jana mangandungi di bulan palimahon dohot papituhon salolot na pitu pulu taon on, adong ma he sian situtu ni rohamunu marpuaso di Au?

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

MARKUS 13:14

“Muda diida hamu ‘Hajahatan Na Mangaroncohon’ jongjong di inganan na so patut. (Sanga ise na mamasa on: Astui hamu ma sanga aha na nidok on!) Angka halak na di Judea di hatiha i, gumonan ma marlojong tu dolok.

BAENON NI ANGKA RASUL 8:34

Didok parpangkat na sian Etiopia i ma tu si Pilipus, “Paboa ma jolo tu au, sanga ise do na nidok ni panurirang i. Ia sandiri dehe sanga halak na asing?”

1 TIMOTEUS 4:13

Jadi laing haburjuhon ma manyise Buku Na Badia i tu halak, dohot manyosoi bope mangajari halahi lopus ro au.

HALUMBAAN 1:3

Martua ma na mambasahon dohot na manangihon angka hata panurirangon on, jana na mangoloi angka na tarsurat di bagasanna, angke madung donok hatihana.