DANIEL 9:17 - BIBEL JAMITA NA DENGGAN

¹⁷ Ale Debata, tangihon ma tangiang dohot pangidoankon. Pasuang ma bagasMu na dung sego i; padenggan ma i anso sude halak umboto Ho do Debata.

DANIEL 9:17 ပူးပေါင်းရင်းမြစ်များ

1 RAJA-RAJA 8:28

Antong tangihon ma tangiang ni naposoMu ale Tuhan Debatangku jana oloi ma pangidoanki sadari on.

NEHEMIA 1:6

Tatap ma au Tuhan, jana tangihon ma tangiang na hupagincat tu adopanMu arian dohot borngin salaho tu halak Israel, angka naposoMi. Huoku do anggo hami bangso Israel madung mardosa; salangkan au pe dohot angka daompung na dung mardosa muse do.

MASMUR 119:135

Sai pasupasu ma au marhite haroroMu, jana ajarkon ma tu au hatontuan na nibaenMu.

MASMUR 4:6

Miduk do halak na mandok, “O Tuhan, pasupasu ma hami, sai lomo ma rohaMu mida hami.”

MASMUR 67:1

Sai di dongani asi ni roha ni Debata ma hita jana dipasupasu hita, sai didompakkon ma bohiNa tu hita;

MASMUR 67:2

anso nian ditanda dalanMu di sude tano on, jana kuasoMu na paluahon i diboto sude bangso.

MASMUR 74:3

Dalani ma inganan na dung gabe maronco, sandok na adong madung disegohon musu di inganan na badia i.

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

MASMUR 80:19

Ale Tuhan Debata Na Markuaso pasuang ma hami, hara ni habasaonMu, tatap ma hami gabe malua ma hami.

MASMUR 80:3

Pasuang ma hami ale Debata; hara ni habasaonMu, tatap ma hami, jadi gabe malua ma hami.

MASMUR 80:4

Ale Tuhan Debata Na Markuaso, intap ni andigan do Ho muruk, haru pe martangiang bangsoMu?

MASMUR 80:7

Ale Debata Na Markuaso pasuang hami; tatap ma hami hara ni habasaonMi, jadi gabe malua ma hami.

JESAYA 48:11

Hubaen on hara ni Au sandiri do, nada Hupadiar goarKu dipalayas martilako. Indangkan na ra Au mambagi hasangapanKi; nampunangKu do i, Au sandiri do nampuna i.”

ANDUNG 3:56

Gomos pangidoanku ulang be da tulak au. Jadi gabe ditangihon Ho pangidoanki jana didok Ho, ‘Ulang ho mabiar.’

ANDUNG 5:18

Madung sego jana lungun Dolok Sion; sorigala disi mardalan-dalan.

DANIEL 9:19

Ale Tuhan, tangihon ma hami, sesa ma dosanami, parrohahon ma hami jana urupi ma hami! Ulang be palolot-lolot, anso sude halak umboto Ho do Debata. Ho do nampuna kota on dohot bangso on.”

JOHANNES 16:24

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”

2 KORINTUS 1:20

Angke markite-hite Ia madung didok Debata, “Olo” taringot tu sude na dung nijanjihonNia. Hara ni i ma umbaen na tardok hita, “Amen” tu Debata hara ni Jesus Kristus. Anso nipasangap ma Debata.

HALUMBAAN 21:23

Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.