Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DANIEL 9:16 - BIBEL JAMITA NA DENGGAN

16 Madung dianju Ho hami narobi, hara ni i ulang be muruk Ho maradopkon Jerusalem, kotaMi sandiri, dolokMu na badia i. Angke sude do halak na adong di angka kota na humaliang hami marlayas ni roha maradopkon Jerusalem dohot tu bangsoMu hara ni dosanami dohot hajahatan ni ompunami.

အခန်းကိုကြည့်ပါ။ ကော်ပီ




DANIEL 9:16
33 ပူးပေါင်းရင်းမြစ်များ  

Didapot Ho ia setia jana patu. Lalu dibaen Ho parjanjian dohot ia na togu. Tano Kanaan, Het dohot Amori. Tano Peris, Jebus dohot Girgasi. Sudena i giot lehenonmu ma disia: Na gabe inganan di sude pinomparnia. Madung digohi Ho antong janjiMu. Dibaen tigor do Ho jana na burju.


Ale Tuhan, tangihon ma tangiangku, parrohahon ma pangidoanku. Alusi ma au hara ni habonaranMu, patulus ma tangiangku hara ni hatigoranMu.


Ale Tuhan marpangondian tu Ho do au, ulang loas dipaila jana lus au, hara ni hatigoranMu, sombangku, palua ma au.


Puji ma Tuhan, Debata ni Israel! Puji ma Ia saonnari bope sapanjangna! Sai tulus ma songon i. Amen!


Dibaen na tigor do Ho, palua ma au, sai tangihon jana palua ma au.


Gabe siincahan ni angka bangso na hombar hami, dipartatai jana diincahi halahi do hami.


Marpangulahi ma rohaMu mida hami, ale Debata sipalua hami, ulang be muruk Ho tu hami.


Dilayasi musuMu do ale Tuhan, raja na nipulditMi, sanga tu dia pe ia kehe, hona incak ni halahi.


Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.


Muruk Tuhan tu bangsoNia i. Madung rade Ia laho manguhumi halahi. Humutur ma angka dolok; marragean ma angka bangke songon rompak di angka dalan. Hape laing muruk dope Tuhan jana laing na giot manguhumi.


Giot baenonKu ma halahi gabe marjaya, lopus gabe mabiar sandok bangso na adong di tano on. Sanga na di dia angkon Hupaserak halahi, siincak-incahan halahi, sipartataan jana sipargonjak-gonjakkonon. Songon hata bura do goar ni halahi.


Kojar-kojaronKu halahi marhite porang, tangkuraparon, dohot nyae masa lopus jorbut pangkilalaan ni sude bangso na satano on marnida na masa tu halahi. Siincak-incahan noma halahi jana goar ni halahi gabe songon bura.


Mamungka dipajongjong kota on, na dung sun do muruk ni rohangKu dibaen halak kota on. Na dung diputuskon humani do laho patimpaskon halahi,


hara ni sude hajahatan na nibaen ni halak Juda dohot halak Jerusalem rap dohot raja, pamimpin, malim dohot angka panurirang ni halahi.


Markite-hite mudar na dung di duruskonmu marsala ho, jana marhite gana-ganaanmu hodar ho, hara ni i madung jumpang hatihamu marujung. Hara ni i do umbaen Hupadiar ho gabe siincahan dohot sipartataan ni angka bangso dohot luat sudena.


Incahan ni angka bangso na humaliangmu ma ho, jana mandao ma sian ho sanga ise halak na mamolus.


Mur baenonnia muse ma benteng ni harajaannia na godang jana na gincat i di antara ni laut dohot Dolok Na Jeges na badia. Tapi mate do ia muse jana sahalak pe nada adong na mangurupi ia.”


Hupatorus do na martangiang i dohot na mangoku dosangku dohot dosa ni bangsongku Israel jana mangido tu Tuhan Debatangku anso dipasuang Ia nian bagasNia i.


“Ale Israel, saonnari botoonmunu, Au do Tuhan Debatamunu. Di Sion do Au maringanan i ma dolokKu Na Badia i. Gabe kota na badia noma Jerusalem, nada be taluhonon ni halak na asing kota i.


Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”


Patupaon ni Debata do angka pangalaho na tigor. BaloskononNia ma sitaonon tu halak na mambaen sitaonon tu hamu.


Muda taoku dosanta, gabe na bonar jana na tigor do Ia, jadi sesaonNia ma dosanta jana dipaias Ia hita sian sasude hageduhan.


Adong do halak na bile dibaen Ia, adong muse na mora dibaen Ia. Adong do halak na dipatorukNia adong muse na dipatuginjangNia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ